新的日記
20 Feb 06
不是說要報讀中文嗎?幹嗎遲遲未動筆寫Applicant Statement?
於是今天花了一點時間看看中文大學中文系的"為何要選中文系?"指南以作參考。看後先是大為震驚，然後是100個失望!! 文中同學的感想有錯別字，詞不達意，句子不通以及過份咬文嚼字，賣弄文采，莫非現在的中文系學生就是如此?我不想一竹篙打一船人，卻難怪香港政府非提倡母語教學不可，以提高香港學生的中文水平。我國母語也學不好，更徨論學習其他語文了...
08 Feb 06
尋晚臨訓無啦啦諗起一直放起褸袋果張好有紀念價值既萬寧洗頭水收據。今朝起身check下個褸袋真係唔見左...話說張收據背後有個好romantic既故事...too bad...唔開心...都怪自己冇好好收起。
呢個故事教訓各位小朋友唔好咁粗心大意，有d野冇左就冇左，所以要好好珍惜...珍惜愛你及你愛既人!
07 Feb 06
知唔知咩叫姣婆守唔到寡? 冇計，近期生活實在太充實，值得同大家分享一下!
所以呢個diary會re-open，遲d亦會revamp。近期身邊多左隻bear bear，相信部份朋友都知本人正在蜜運中啦，大家終於唔駛成日擔心我冇拖拍喇! 可喜可賀!
今日睇返我地之前既icq/msn history先知原來一年前我地冇話題架，有人竟然夠膽死同一個唔打機既人(我)講PSP...都咪話唔驚...
點解咁多時間睇返d history? 因為懶，唔想做野，想hae...今晚約左好耐冇見既Pat食飯，終於親耳聽到佢宣佈期待已久既"好消息"! 恭喜晒!
繼上次幫Carol做完姊妹，今次將會幫Pat做MC。我份人唔係好識講野，仲要講埋日文，希望做得好好睇睇啦...Pat遲d過左日本生活就更少機會見佢...好唔捨得...計落原來我地不經不覺已經識左11年，嘩~人生有幾多個11年?
Dec 05