白衫衫的我~

近日的天氣真係勁~~咩勁呢~~勁熱囉~呵呵~~~簡直係大汗疊細汗~多多水都俾佢榨乾榨剩囉~>.<帶阿SIR上天面~就好似酷刑咁樣~唉~~~晒到呢~~熱到呢~真係要叫媽媽~突然間我諗起細細個時的一個小故事~大家一定會聽過的呀~係咩呢~俾您地估下喇~就係有太陽伯伯~仲有一個就係風先生的故事囉~~喂喂喂~~記起未呀?.?果然太陽伯伯真係利害D~可以令到果個人除左衫~而風先生反而令果個人拉緊D件衫添呀~現在的我呢~都體會到太陽伯伯利害之處喇~就好似昨天咁啦~我帶開工衫返工喎~我又唔想整污糟著番屋企件靚靚衫~我就出此下策~唔著衫!?!?當然唔係啦~我只著我件小背心~著住件白色小背心~真係有D賣肉FEEL~好似D女仔咁~著小背心通街走~呵呵~~俾人「目及」晒野添~當然又是要做著我的工作啦~又上天面~啦~~又係晒的一天~呀~~估唔到著住小背心就係好好FEEL~我自己有D置身於游泳既FEELING~加上之前係著短袖開工~搞到呢~有袖的地方係白~而冇袖的地方係黑~呵呵~我就咁諗住晒番黑之前有袖的地方啦~仲懶晒醒咁讚自己叻仔醒目添~唉~~~點知~~晒係有晒黑到呀~不過~又整左件背心樣係個身度囉~唉~~~現在紅卜卜~好鬼死痛呀~~HELP~ME!!!現在呢個肚腩仔就係白白整~~下次同大家去游水時就搞笑囉~俾您地見到我好似著左件白色衫係身咁~好鬼肉酸呀!!!不過呢D都係我意料之內的事來既~因為我知道是無何避免的呀~現工作之餘講真真的學到不少野!係中心所學的可能是小規模的工作~但到了真真正正起一座大樓的時候~就係一個好大的工程~工序喇~我地要知~要明白~圖是死的~人是生的~講真一句啦~好多野好多好完美既野都可以係圖到做出來~但到了實際環境可以嗎??當然大前題是要初合圖則~不能既話都總不能一成不變既~阿SIR好體諒我地一眾WORKERS~所以現在工作得真係好開心架~不過~您總會見到我在MTR上~巴士上~中中下~哈~~訓緊覺嘛~真係好「支力」架~等我再習慣下應該會好好多既~哈~~~加上我終於~~終於~~~唔係小白臉喇喂~~現在係黑炭仔啦~咁又未致到好黑既~不過一定比之前的黑囉~哈~~星期六食飯的時候~您地就知喇~唔知呢~我好想好想快D到星期六呀~我好想見到您地~問下現在大家的情況~又可以好似以前咁日日吹吹水~開開心心咁過~好鬼掛住您地的~唔知您地點既情況呢~仲有.....仲有......仲有一個好大好大的原因就係......我真的不好意思說~就係.......有自助餐食呀!!!!!!!一定要食到飽飽至走架~唔係唔肯過您地~~我要食燒雞~燒魚魚~仲有豆腐花~~好多好多好好食既野~~快D到星期六就好了喇~等著呢一天的到來^O^~

P.S.唉~~昨天工人籠壞左~搞到我要上天面的我都有D唔想上的感覺~平時的LIFT可以到26F我行多10層就到啦~點知~壞左~要用第二部LIFT~唉~~果部只可以上到18F咋~搞到我呢~足足行多幾層至到~每次上到去~都諗諗我有冇野睇要做呢~唔記得就死喇~又要上過來~一定行死我架~>.<哈~~~唔知自己有冇瘦到呢~真係好想知喎~~~~