唔係日日寫架~我淨係想寫低我突如其來0既感受......話畀大家知架咋~
4.9.2001 陰晴不定
今日心情同今日天氣好似,因為我覺得自己"心"不由己,都唔知點講好,不過講真,人就真係冇可能可以100%控制到自己0既......所謂聖人都有錯.......可能有時唔可以話自己錯.....只可以係話自己唔係一個100%堅強0既人囉........
6.9.2001 陰晴不定
今日諗起青苗十九營d人~覺得0係營入面比起0係學校開心好多好多,營入面0既人對我好好,肥高,阿窿,豆沙包,Teri,阿瑤,丸丸,小K,
火龍果,Emily『十個新型人』
義工:Toby,A仔,星星,阿恩,哥哥,趴地熊,拉姑,十三姨,何保,牛什,阿Dee,伊人,阿Yeah.......好多,多到數唔晒!!!!!藍色字0個d人名係我覺得好friend好friend0既~比起學校0個dfriend好多好多~可能我地對住0既日子小掛........而家我好乖呀!上堂又好比心機聽,返到屋企又會自己擺d
maths黎做,幾難得呀~哈哈~好開心呀!!
19.9.2001 非常大個太陽
今日係我第一日開學之後練水0既日子~其實我覺得我自己會游得好慢架(不過其實都好慢)!!!!我游蛙式~所以就勁唔掂~不過就算游自由式,可能都唔好得去邊~所以我諗我都係游蛙式算喇~唉.....而家返學其實都唔錯Y~唔知係錯覺定係真架呢~其實自己D成績唔好同玩課外活動關唔關事架呢下?我上年玩羽毛球隊,泳隊,田徑隊,男童軍.......好似冇喇~D成績就好差,再加埋我又唔溫書,又唔上堂~所以攪成緊啦~我諗今年我唔會緊架喇~今年勁生性~我淨係玩羽毛球隊同埋泳隊咋!我諗再加埋我上堂聽書同埋溫書都可以好D掛^^~!!
21.9.2001 落大雨
今日唔係咩大日子,但係我阿媽就畀左一篇有好大意義0既野畀我打~仲叫我放埋落我個網頁度~我都覺得呢段野幾好!
『父母不親誰是親
,不重父母重何人
,
你若重他十齊兩
, 後代兒孫還一斤 ,
千兩萬金萬兩銀
, 有錢難買爹娘身 ,
在堂父母百年稀
, 生時不孝死休悲 ,
在生之時不敬重
, 死後空勞拜孤墳 ,
在家不要言相激
, 有日拋離便不回 ,
要見面時難得見
, 要他歸時難得歸 ,
若要母子重相見 , 除非三魂夢裏隨。』
就係呢段野喇!!!如果大家係明0既就要行動喇!!!!
10.10.2001 都唔知係好太陽定點
今日都唔知叫好定唔好~心情時好時壞~我個人d性格又係時好時壞,唔知呢d係咪叫做情緒化呢?今日覺得諗下野會好d,咁0岩d好鬼死多fd都為左「愛情」呢樣野又話要死~又話咁又話咁~都唔知做咩對呢樣野做咩要咁著緊~冇咪冇囉~又唔會死0既,就算係要緊張呢樣都好,都唔好畀人睇得出先得架~最衰就係佢唔開心又要咕晒咁對住講佢點唔開心,咁唔通我見住你咁喊就代表我好開心喇喎?大佬呀~我都係人我都係女仔黎架!你估淨係你識唔開心淨係你識喊淨係你有拖拍咩?
14.10.2001 晴天
今日好開心,因為我買左件Nike風褸,又買周杰倫隻"范特西"喎~好開心呀~因為呢兩樣野我都好想買左好耐,最好就係唔洗我出錢買~哈哈~點解今日會有咁多好事發生0既呢??可能因為我乖左都未定呀!哈哈^^~
21.10.2001 勁好太陽呀
今日好鬼死好鬼死開心呀真係!因為我媽媽咪陪我行旺角同埋尖咀喎~又陪我買左對我想要左好0岩0既Boot啦~買左條褲啦~同埋買左條裙.條裙我唔捨得買架~因為成$250呀~我覺得貴呀,但係媽咪話好睇喎~最後咪買左囉~真係好開心架~好耐都未試過行街行得咁暢快喇!!我仲開心到一路行街一路笑~我諗D人見到我以為我係傻架添呀!!哈哈^^~就黎『哈佬喂』喇~希望大家都過得開心D啦!幾時都好啦,記得對自己要好D呀!
30.11.2001 陰天
今日我放左學之後自己一個走左出去旺角行街~傻下傻下咁~唉~得自己一個行,邊開心架........不過咁喎!!我見到架Toyota→Supra幾型下喎!仲有晏晝見到架車後面隻擾風翼同埋d聲好正,但係我一拎轉頭就已經唔見左佢喇.......嗚嗚.......我愈黎愈鍾意車喇~雖然...係畀人影響0既~^^~
20.2.2002 晴天
我而家話晒都15歲喇~但係都唔見得d生活有咩改變,唔知係唔係因為自己衰,所以我阿媽對我更衰.冇人可憐我,好慘,冇人可憐.更加冇人體諒......不過咁喎,因為一隻狗BB的出現,當我每次唔開心0既時候搵佢,我就會咩唔開心都唔記得晒,可惜0既係我唔可以0係屋企養佢,佢好乖架,一歲都唔夠,但係真係好乖架,佢想去大小便又唔會0係屋企周圍去喎,佢會整醒你,叫你帶佢落街去架!佢0既品種係西摩,大狗,而家已經有3尺咁大隻架喇!如果佢拎冇主人0既話呢,佢就會0係我舅父仍屋企住,咁我就可以每個禮拜去探佢一次喇,我見到佢真係好開心架!!!