雜錦篇
網主：好多人係熊熊嘅網站度都經常問有關你呢家係熊熊嘅角色喎，不如你講答一吓呢個問題吧！
淑菁：其實我只不過係祖詩媽媽嘅朋友，依家通常係熊熊有活動想找人幫手就返去囉。無咩野特別角色嘅！
網主：好多人都話你低調，其實你係唔係嘅呢？
淑菁：哈哈，其實我成日都周圍去架。
網主：如果你fans真係想搵你，有乜途徑呢？
淑菁：其實可以寫信去童聲或者去我嘅演出。
網主：咁寫去熊熊得唔得呢？你又會唔會回信架？
淑菁：都得嘅。會唔會回信呀，會架！呀，其實仲可以黎呢個網站留言俾我。哈哈。
網主：哈哈，當然啦，多謝你幫我宣傳呢個網站喎。
網主：不如又講吓你嘅信仰，點解你會信耶穌呢？
淑菁：我屋企係一個基督化嘅家庭，即係話全家都係基督徒，所以好細個我就已經返教會，慢慢我開始感受到神嘅真實，亦都經歷過好多嘢，因此就受浸加入教會喇！
網主：原來如此，咁你有無一Ｄ金句想同大家分享架？
淑菁：有一句金句我好鍾意，就係”神的恩典夠你用”同埋”神愛世人，什至將祂的獨生子賜給他們，叫一切相信的，不至滅亡，反得永生。”
網主：有一個問題呢，好多你嘅fans，特別係男fans都好想知嘅，就係你嘅感情生活喇，可唔可以講少少呢？
淑菁：哈哈哈哈。多謝大家關心，其實我依家主要都係想專心學業同埋努力工作。我哋都係講番Ｄ正題啦！
網主：好啦，你有無嘢係想同我地一班fans講㗎？
淑菁：想同大家講聲”多謝”，多謝晒！
網主：今次非常多謝淑菁為我個呢個訪問，多謝！
淑菁：唔駛客氣！
