天線得得B的智慧
1.為什麼人們一聽「天線得得B」，佢地就笑天線得得B好白痴？
傻仔問︰「為什麼人們一聽「天線得得B」，佢地就笑天線得得B好白痴？」
老師話︰「其實天線得得B看來就好似係兒童節目，但係只係d人唔好好咁用腦去想想天線得得B是否真的白痴，說話和行動都是用自然反應去答，不是成熟的表現，傻仔，你千萬唔好信佢地啊，知唔知道呀？」
老師話︰「天線得得B這套電視節目好有教育意義喎，第一，天線得得B會教我地好多英文，hello ，bye bye 這幾個英文生字是非常重要的，天線得得B驚你地唔識，所以每集都會聽到佢地常常講hello，bye bye，仲有教你其他很重要的英文，天線得得B教我地英文實在太多了，我都廢事講。我學d英文大部都係天線得得B度學返離架！」
老師話︰「當然係啦，天線得得B唔係只係識得教人地英文，仲會暗中教左你一d好重要的人生道理架，天線得得B用左好多反面教才，例如佢地一唱歌､講bye bye時，佢地不停咁講hello，bye bye，究竟佢地暗示左d咩人生道理呢？原來佢地暗示緊時間的可貴。d人睇到天線得得B講hello，bye bye時，佢地的心會想︰「浪費時間！」跟住佢地就會聯想到︰「係喎，我每日都係做類似同一樣的野，咁即係我都浪費緊時間？」例2.天線得得B成日扮傻仔，做d動作又搞笑，有d人會笑佢地，當佢地笑緊天線得得B的時候，先發現原來自己都係咁似佢地，跟住就唔會再犯錯等等。講左咁耐，你明白到天線得得B的智慧和偉大.........」
傻仔問︰「天線得得B雖然係好好的電視節目，但係我媽媽話睇電視太多會睇壞隻眼喎。」
老師話︰「你聽過d人話睇多d綠色植物會對眼睛好d未呀，你睇下，天線得得B係用大自然環境做背景架，只要你在大約25cm以後的地方睇，我估睇天線得得B都唔會太傷隻眼姐。」
傻仔問︰「天線得得B係好的電影節目，咁點解天線得得B的收視唔係最勁呀？」
老師話︰「因為播放天線得得B的電視台和時間安排的問題。亞洲電視的電視節目雖然很好，但亞洲電視不能帶領潮流，而且時間應該安排在晚上收看，晚上是放工時間，比較自由。所以天線得得B...........唉............」
傻仔話︰「天線得得B好似出左好少玩具喎，又唔流行，都唔夠xx暴龍、xx搖搖、xx陀螺咁勁，唉~~天線得得B~~廢。」
老師好大聲咁話︰「你廢就真！有人翻版天線得得B的玩具------Po(紅色天線得得B)架滑板車！千幾港元一架，仲要係抄人添，都有咁多人買，睇你仲夠唔夠膽鬧天線得得B！」
如果想copy要得到站長的同意。