DRAGON AT THE GREAT WALL 2000
~ DRAGON 係乜東東？
其實中文叫千禧龍騰。我哋香港一班大約由 500 人組成嘅學生團，再加上大陸學生同解放軍， 喺千禧農曆年 (2000 年 2 月 19 日) 去咗北京長城舞動一條長 3048 米 (萬呎) 嘅巨龍 (繞過長城 12 個風火台)，破咗健力士世界紀錄。除咗舞龍之外，我哋仲要參加一連串學術研討會，同埋要去參觀。
~ 巫蠱精有幸參與此項盛事，實在畢生難忘。我唸唔係咁多人有機會喺千禧年 (當時咁啱又係龍年，而中國人又叫自己做龍的傳人) 去中國首都北京參加一連串交流活動，再喺 2 月 19 日喺北京八達岭長城舞動一條巨龍嚟破世界紀錄。呢條巨龍真係巨囉， 龍頭要由 9 個解放軍加成龍一齊舞，而我哋就負責舞龍身。
~ 用嚟支撐龍身嘅棍，就要 4 個人去拎，都幾重㗎，不過有解放軍幫手。佢哋事前已經練過好多次，而我哋就只係需要扮下嘢舞 2 分幾鐘就搞掂，咁就破世界紀錄。
~ 雖然話香港學生唔駛事先練習，不過我唸對每一個參加者嚟講， 有得參加呢次盛事，一定非常興奮。有幾多個千禧年先得㗎？仲要撞正中國人嘅龍年喎，再加埋有咁多龍的傳人聚首一堂 (有香港，台灣，澳門同中國嘅學生， 又有海外嘅，總之係中國人)，我唸唔止呢一生人，以後都未必有咁嘅機會。我覺得我有咁嘅機會， 真係要多謝黃䓪鳴呀， 係佢有咁嘅構思。
~ 最令巫蠱精難忘嘅，就係有幸喺人民大會堂同國家副主席胡錦濤合照呀 (事先聲明，我對政治冇興趣。本來話同國家主席江澤民影㗎，我覺得佢有領袖魅力多D)， 張相成幾尺長，令我第一次認識相 ~ 原來可以係咁長，同埋可以卷嘅。
~ 後面就係介紹呢次旅程同埋有關照片。
請選擇：98北京 99華東 00千禧龍騰 01九寨溝 02雲南 02南京 03北海道