May 之 森路歷程
五月二十九日 星期六 (晴) 今日短週呀! 好開心呀! 可以訓晏d，不過都係九點左右就醒左，今日上午要補習。原本下午約左雲尼食飯，不過佢要OT，最後唯有找麥當奴叔叔陪食飯啦! 出左個雞扒包，不過都係雞腿包D肉嬾滑D。食飽飽就去SHOPPING，返工唔使著制服，開始傷腦筋買衫，今日收穫都好豐富，買左衫、褲、襪同埋一本好得意的唐奴鴨相簿。 之後，去左參加 KI KI 生日會，其實今日都好累呀! 所以都有D牛，不過 KI KI 真係一個好鬼好玩呀，而且我仲多左個 KI KI 媽媽呀! 史立沙真的很有心思，搞左個電車生日會，遊電車河真的很舒服呀! 之後，去左和民食飯，而我頓時變左部長同攝影師。不過我發現我的攝影技術真係要鍛鍊一下呀!
五月二十三日 星期日 (晴) 估不到隔左幾日先至寫日記，會不會遲d變左週記呢? 之後，就會係月記年記!! yeah!! 星期四，冇乜野做準時收工，一個傻仔就係咁一個傻更更行街街，由牛池灣，到九龍灣，再到牛頭角，之後到觀塘，經過個多小時的努力，一個人孤零零咁行左返藍田，係咪好無聊呢? 星期五，突然間夜晚要開會，冇得睇大結局，不過原本約左開守護天使，又去唔到，勁勁勁唔開心呀! 守護天使新core team 始終都俾唔到好大的信心我! 星期五收到一個不知是好是壞的消息，我將會正式調往牛池灣工作，開心? 不用再俾SPO鬧，不過SPO真的教了我很多的東西，新的工作地點真是要自己照顧自己呀! 負責的事情多了，但這可能是一個好的發揮機會。還有這可自算是調升，因為職級高了一級，不過還未知薪而酬會否變動呀! 星期六，返將軍澳執野走，不過我是一個重感情的人呀！有點不捨得，EVA，黎探長，順哥，花王陳，工程部劉師傅，鄧廣川，同你們接觸比較多，唔捨得呀! 夜晚，難得和伍華的同學仔聚會，我們都幾個月無見，我依然俾人叫叔叔，好彩有人俾人叫伯伯O者，今晚好豐富呀! 有燒頂級牛扒，炭燒牛油芝士帶子，燒牛油芝士波菜，好好好好好味道呀! 最後，仲落左機舖打機，不過我咁"屎"，當然只係企係側邊陪玩啦，最後玩到兩點先返到屋企。加上前晚開會開到兩點，真的真的非常累。 星期日，休息日? 但感冒郤在這個時間來探我! 由朝流鼻水流到晚，好辛苦呀! 今晚同守護天使另一個CORE TEAM 成員傾過偈，傾完後，真的有點意興闌珊的感覺。不知是否病，今天總是提不起勁。 五月十九日 星期三 (晴) 昨天俾自己偷懶左一日tim，今日一定要寫返呀! 今次唔准三分鐘熱度呀! 昨天，SPO同經理突然間一同有說話同我講，一聽到我都唔知幾驚，仲以為我真係做得好差，要俾人炒魷魚。不過原來只係暫調到第二個SITE工作，心入面都幾開心呀! 因為唔使對住個惡死SPO，今日去新SITE返工，真係有點悶呀，以我仲有史以為五點七就走人呀! 因為真係冇野好做呀! 不過，今晚我個腦真係實晒呀! 份兩頁紙O既會議記錄真係好難打呀! 我真係要進修一下D中文呀! 暫時打進咁多先，因為腦硬化，諗唔到野呀! 五月十七日 星期一 (雨) 今日真的很忙，仲要一朝早不明不白被人鬧呀! SPO之前明明同我講同個客約左九點半，我咪同工程部約九點半啦! 點不知今日個客一早就去左OFFICE，我唯有急急腳去搵技工啦! 點知個SPO問我你仲乜約九點半呀! 我咪話之前你同我講LOR，點知佢唔認，仲話"我明明同你講九點呀"，之後問返個客，佢都話佢係早左，係九點半呀! 真係驚死呀! 究竟上級明明我地呢到做細的苦況啦! 野就係有咁多要做呀! 做得一就做唔到二，點解係要迫到人地唔知點答先得WOR!! 哇哇哇! 今天真的有點想喊呀! 五月十六日 星期日 (晴) 業主大會就係今日呀! 七點半要起身啦! 非常眼訓呀! 一朝早就要去補習，撘車真係好辛苦呀! 好彩有漫畫陪我撘車，唔係實悶死。十一點就要返到公司報到，我彩時間預到剛剛好，冇遲冇早。不過今日真係做到身水身汗呀! 擔擔抬抬，乜都要做，不但總是有被投閒置散的感覺呀! 冇驚冇險，業主大會都完結了，還以為會去到很夜，五點半搞好晒所有野，之後總有經理請食野! 雖然忙左一整天，還未有得休息呀! 今晚還要返學校開會呀! 累累累呀! 一上到車就已經不醒人仕，差不多到先知醒，可想而知我係有幾累呀! 今日同JESS慶祝生日呀! 好開心呀! 有人神秘送上蛋糕，生日禮物呀! 祝JESS生日快樂呀! 不過每次見到人切蛋糕，自己都好想有得切呀! 我都好期望一個令人難忘的生日會呀! 生日會後，就正式開會呀! 當中其中一個議題係究竟仲會唔會搞SECRET ANGEL，SECRET ANGEL係我最鐘意的一個活動，如果唔搞我會好可惜呀! 所以我好想搞呀! 不過之前的PIC說不想搞了! 所以今晚就要討論究竟仲搞唔搞! 好開心，最後係搞呀! 不過要FORM過另一條CORE TEAM，不過對新CORE TEAM 真的不能有太大的期望呀! 所以我好希望可以有人可以幫到我呀! 唔知有冇人會自動請櫻呢? 五月十五日 星期六 (晴) 星期日業主大會，今日當然係忙到飛 起啦! 再加上今日得半日返工，所以d野都好急好急呀! 再加上日常要處理的工作，接著今日又要跟投訴，搞到有時間飲啖水都已經係十二點啦! 唔知道係是不是很受蚊蚊歡迎呢? 只是在露天地方逗留一陣，已經被蚊蚊呅左六七下，現在勁痕呀! 好開心，今日有機會行街街呀! 不過可惜今日真係太累呀! 雲尼對唔住呀! 所以今日真係冇乜精神呀! 最後更係麥當當訓著覺呀! 五月十四日 星期五(陰) 星期日業主大會，今天在做準備，忙了一整天，夜晚還要加班做企街，係每座大堂叫業主填授權書，做到九點先有得收工，真係做到有d腳仔軟呀! 好彩夜晚有慰勞晚餐，多謝經理。 今天有位同提我，原來我真係懶鬼呀! 有時同客講野，我會不自覺做左係到，呢野一定要改呀! 還有做野要小心d，今晚有個客去到管理處玩野，好彩發現得早，唔係就中招呀! PO話以後對d唔識o既客要小心d呀! 五月十三日 星期四 (陰) 今天和昨天相比，忙的程度有過之而無不及。一朝返到去知道夜晚要開會，真的有點唔開心呀! 因為又要起碼十二點半先返到屋企呀! 今天曾經有一個憧憬係唔使開會呀! 點知係五點幾時被判死刑呀! 今天有兩件事搞到自己唔係咁開心呀! 第一件就是傻仔打傻婆，最後搞到要報警呀! 估唔到返工冇耐就搞左單咁大鑊o既野呀! 不過，如果我處理好d，應該係唔會搞到要報警呀! 哇哇哇~~~~~~ 有陣時都唔知點解佢成日都好似針對我，我明明都冇得罪佢! 莫非城大的BS係唔妥POLY的BS? 個BS明明話跟完單CASE，會同我去跟一單CASE，佢叫我先上去，轉頭會，點知我上到個客到，等左半個鐘，佢都未見人，CALL返去寫字樓，佢竟然同我講，乜你仲未落返黎呀! 真係頂你丫，你明明話會上來，點知又唔到，仲要我白等! 唉! 無奈呀~~~~~ 不過，我相信真誠能打動一切，我會堅持對任何人好呀! 五月十二日 星期三 (晴) 今天的我真的很忙碌呀!正式坐係office的時間只有一兩個小時，其餘的時間都係出面做野呀! 一返到office已經好快俾人拉左出去跟投訴呀，接著一件工作接一件工作，再次返到office時已經差不多吃lunch呀! 食飯的時間總時過得很快，坐多一陣又兩點，又要開工，今天屋苑圖書推廣日，我地呢d做細頓時變晒阿四，執書搬書的工作就自然落係我地身上，跟住冇紙杯去搵紙杯，冇水就去抬水，仲要企係到招呼住戶，在這炎熱的天氣下，最後，我發現自己開始發臭呀! 最後六點半收完場，但仲有一大堆routine的paper work等住我! 最後七點半先拖著疲倦的身軀回家。唉~~~~~~~真係好好好好好好好好好累呀! 五月十一日 星期二 (晴) 昨晚睡得不太好，在床上好像沙甸魚"甸下甸下"，所以今日不太願起身，不過一諗起返工，就成個人醒晒。之前曾經有一段日子，當每天出門口的時候，都會好唔想返工，最近好像無左lu。 今天發現到自己真是一個很不少心的人呀! 竟然filing都做錯，下次一定要小心d呀! 做野不一定要快，最重要係唔好錯。死衝係是沒有用的。好! 要努力工作! 明天一定會更好! 五月十日 星期一 (晴) 今天的工作尚算順利，而且亦很滿足，因為今天真的很忙，一朝已經要跟三個case，那個1H的客真的很難應付，真是不知道為什麼這個世界可以有完全唔聽道理的人呀! 現在唯有將這個CASE交政府處理。今日的工作犯上了少少的錯失，就是住客打來投訴時沒有問清楚確實問清楚出現問題的地點，下次接電話時一定要問清楚幾樣東西，第一對方的聯絡資料(姓名，電話，單位)，投訴內容(時間，地點，投訴事項)。 早前SPO送了一句論語給我，叫我回家想想這句話的意思，幸得雲尼與糯米糕的協助，終於都有點眉目。那一句論語是 "不患無位，患所以立。不患莫己知，求為可知也"，直譯這句是不要憂慮沒有職位，而要憂慮何以立足，也不要憂慮無人知己識已，而要力求可讓人知你識你的能耐。意思是我們不應擔心自己當下職位的高低，甚至有沒有好工作；反之，要懂得從現有工作中找出意義、和學會更多價值。不怕人家不瞭解自己，問題是要使自己有可以為別人知道的才能本領。要清楚、代入別人，使自己成為每個人的知己。 五月九日 星期日 (晴) 今日一早就返左工跟投訴，究竟我這樣做有冇做錯呢? 昨天，SPO叫我諗清楚我應否這樣做呢? 因為不能每個CASE都要這樣跟，因為會很辛苦。從這件事看到我太容易被其他人牽著鼻子走。我真的要學會如何去面對其他人的要求。 今天日記終於都再開了，對這個日記有一個期望，希望透過這個日記幫助我的工作，給予我一個機會去反省每天工作的得與失，做得唔好又可以點改善呢? 這是這個日記的一個目的。不過，都好希望可以記下一些開心和不開心的事呀! |
