7, 8, 9, 10 之 森路歷程
|
十月三十一日 星期日 (晴) 今日成班小福有個哈佬喂聚會呀!! 好開心呀! 有得打波啦!! 又有得燒野食啦!! 今日我仲帶埋細佬去呀! 等佢可以分享下我地d喜悅，同埋唔駛成日呢係屋企溫書咁悶!! 等佢放鬆一下。之後仲係沙灘玩數字球，覺得今日都好好彩呀! 除左搞到一褲都係之餘，都冇輸到! 去完燒野食，之後要趕入屯門食飯呀! 不過因為搞到一褲都係，所以去左佐丹奴買個隻襪，個姐姐好好人呀! 雖然我剩係買襪，佢都借過changing room 俾我! 左拿張 "鄧" 俾我tim呀! 今日去食飯前，都仲可以拖手隻行左一陣街街，勁勁開心呀! 不過入屯門果程去到總站司機熄晒d燈我先醒呀! 勁醜樣。今晚食得好飽呀! 食左兩大碗飯，搞到個肚食個波咁呀! 十月三十日 星期六 (晴)
十月二十九日 星期五 (陰) 今日又朝九晚一，足足返左十四個鐘頭工，返工時間雖然長，但又唔算係辛苦，不過最慘係要做箭靶，今日同法團開完會之後，都覺得有d頭痛，如果一個月同佢地開多幾次會，真係人都會傻呀!! 今晚上左經理屋企食晚飯，見到佢有兩個成家一齊食飯，真係好開心呀! 有小朋友真係會多好多歡樂。不過要照顧佢地都真係好勞氣呀! 另外，今日令我體驗到家庭溫暖，我真係要多d返屋企陪下屋企人先得!! 十月二十八日 星期四 (晴) 好耐冇寫日記啦! 我呢份人始終都係得3分鐘熱度，但我決定要改呀! 俾自己堅持多一點，首先我要做好我的日記先!! 唔准再三分鐘熱度，不過唔知有冇人會督促下我呢? 最近整親隻手指呀! 今日做所有野都係得返四隻手指呀!! 打字都打到怪怪地!! 不過今日係貪懶日，因為都唔係點真真正正做過野!! 最近好忙呀!! 工作啦!! LOA啦!! HOPE LIGHTER!! 讀書啦!! 拍拖啦!! 小福啦!! 成日都好似冇乜時間剩呀! 今日司庫又走落O黎鬧我地啦! 都唔知係佢反口覆舌，定係我地真係唔明佢講乜啦! 不過我逗得呢份人工就係預左俾佢地鬧，俾佢地玩呀! 聽晚開會啦! 聽日要做好D野先得!! 九月三日 星期五 (晴) 好久沒有寫日記了! 八月份真的很多事發生了，很難忘呀! annual dinner, election，每一樣都是充滿了開心美好的回憶呀! 我真的好開心識到一班親密的戰友呀!! 我開心識到你地呀! i love u! 今年係過得最充實豐盛的一年，雖然放棄了許多，而且也很辛苦，但都係值得呀! 最近都係好累呀! 聽日仲要返早呀! 6點半係一個挑選，明天一早要返去炒人魷魚呀! 突然間覺得有點行軍險將的感覺，明天就好像一個大陰謀，就好像一個大計謀，好期待明天的精彩。 八月十六日 星期一 (晴) 今日發現好耐都冇寫過日記啦! 今日又再寫呀! 點解會再寫? 係因為今日竟然走左去睇返以前的日記，睇完好似返返去寫的那個時候呀! 所以今日好想再寫! 今日第一堂上英文呀! 不過我就上到訓著覺，仲要留埋口水TIM，勁樣衰呀! 不過最近真的好累呀! 因為最近真的好忙呀! year book同埋 annual dinner ，呢兩樣野我都差不多攬左大一半上身，呢幾日真係忙到抽筋呀! 已經好多晚夜訓呀! 死人P仲問我有冇野可以係828創造出來，都真係幾難呀! 不過雖然忙還忙，做YEAR BOOK 同 ANNUAL DINNER 我都好開心呀! 因為我相信只要有付出，必定會有收獲呀 八月十日 星期二 (晴) 日記因之前，壞左機，俾左個藉口自己，唔再繼續寫日記，不過，最近真的很開心，所以要留住這一刻，一於寫低佢。 今日依然好累，但真係好開心呀! 守護天使3 真的好成功呀!! 真的達到我心目中的目標 ~~ "搞一個令人刻骨銘心的守護天使" 。所以幾辛苦都是值得呀!! 而我好想有守護天使 4 的出現，不過唔知有冇這樣的可能呢? 不過有一個難題要解決。 今晚同JESS撐 "木台" 腳呀!! 去左一個叫 "思房菜" 的中式餐廳食飯，那裡的佈置都不俗，而且食物都好好味呀!! 而且今日仲破例食左苦瓜，青椒等以前永遠唔會放落口的食物，JESS你的介紹真的不錯呀!! 另外，今晚同JESS傾MC 都好開心呀! 份搞都好正，我有信心，下下星期六的周年聚餐一定會搞得有聲有色呀!! 七月七日 星期三 (是晴是陰?) 今日輝輝打俾我呀!! 話我忠福的申請要暫延呀! 因為我未符合要求呀! 那個要求就是要我上DAVID的ATTITUDE CLASS ，不過時間同AA撞左期呀! 最後，我選擇左AA，因為我記得自己承諾過我會全心全意為AA付出。今次錯過了這次機會真的有點可惜和失望。 其實這幾天都覺得自己有點渾渾噩噩，自從星期日做完SITE VISIT 成果人都好似唔係好開心呀! 感覺好辛苦呀! 好多謝KISS_SEA HOUSE 你肯聽我發牢騷呀! AA 咁多莊員我最鐘意你呀! 另外，仲有仁哥仔的支持。不過最近心情始終係低谷。有冇方法可以令我HIGH D呢?
|
