二月森路歷程
|
二月二十八日 星期一 (晴) 今日好累呀! 好頭痛呀! 今日原本想請本人假休息，點知琴日爆左塊玻璃，經理話唔返唔得呀! 但係今日返去好似有D遊魂，真係唔知做乜呀! 今日係本ORGANISER寫好晒今日要做的事情，但最後只係完成左兩項呀! 唉!! 聽日要加把勁先得呀! 今日我另一班仔仔女女畢業呀! 好開心呀! 你地個畢業典禮好正呀! 好利害呀!! 好叻呀! 今日食完野同阿WING一齊撘車，好開心他同我分享他做保險的經歷，有一點佢講得好好，做人要堅持，我都好相信成功的人就是多左呢一份堅持的能力呀! 最近我都覺得自己好似有口冇力，我真係要再努力一點呀!! 二月二十七日 星期日 (晴) 好忙! 今日原定走四場! 真係趕完一場又一場! 七點半起身補習，勁累呀!! 十一點開會，個會我真係有d唔知做乜，都唔知自己有冇心係到開會呀!! 十二點半，做社區服務，始終有d累，反應遲鈍少少! 不過今日好開心呀! 我同我男朋友拍左成日拖呀!! 哈哈!! 開心死呀! 今日同婆婆影相，俾返張相佢睇，點知佢問相入面的我究竟係邊個，真係好笑定好嬲呀! 夜晚，我地做完社區服務，一班人係海濱公園叫pizza，估唔到公園都可以叫到pizza呀!! 跟住我地仲係公園傾偈同玩tim呀! 好開心呀!! 二月二十六日 星期六 (晴) 極級眼訓呀! 琴日四點先訓，今日八點半起身，真係難頂呀! 今日去環保署參加昂船洲污水處理廠，以為好遠同好大，越來係長沙灣，十分鐘車程已經到左啦! 最初以為會好大好多野睇，真係比想像中細同冇乜特別野睇呀! 另外，今日環保署出現問題，我地竟然要等左超過30分鐘先有車去目的地，好心就俾我訓多一陣啦!! 今日下午去左上堂，我全程係到訓，真係好好訓呀! 原來我真係好累呀! 今日一班輔學的同學仔出來食飯，原本約左雲尼，搞到撞左期，咁唯有一齊食啦! 而我都好想你認識多d我o既friend，咁咪可以一齊去玩lor!! 二月二十五日 星期五 (晴) 好野四月一日先開會，真係估佢地唔到呀!佢地竟然肯咁遲先開會，好開心呀! 今晚都唔係好好受呀! 點半先開完會，跟住成班經理去食野，我冇理由唔跟去丫。最後三點半先返到屋企呀!! 其實，今日經理同我講我做野好 "笠"，其實我都發現每當我還到唔想做的事情，我都會拖返一陣先做呀! 但咁樣其實唔好呀! 但係我份人就係咁呀! 所以，我要改我的性格呀! 最近hope lighter 我發現自已都係得過且過，我要好好改善一下自己這一個缺點呀! 今日我開始將我要做的事情全部寫左落organiser到，我讓我記得每一件事，同埋督促我去做好每一件事呀!! 希望大家都可以督促我做好每一件事啦!! 二月二十四日 星期四 (晴) 好眼訓呀! 今日早巡呀! 五點半起身啦! 七點前要返到公司，其實都唔係好知早巡係咪真係咁有價值呀! 因為早巡一次，成日都會冇乜精神呀! 成個下午就不停係到恰眼訓呀! 今日六點收工，即刻趕去上堂呀! 今日上encourter發現同上一堂果個唔係好掂o既阿sir講o既野一樣，我估上次 "費" sir應該係講錯左書呀! 今晚約左AA一班莊員食飯呀! 好開心呀! 同佢地一齊真係好開心呀! 真係好懷念一整做野的日子呀! 有一個莊員話佢的LOA係要減肥，話要有一條23寸半O既纖腰，咁我係到祝佢成功啦! 食完飯，又去左食糖水，可耐冇見過HONEY啦! 好鬼掛住佢呀! 食完糖水，發現突然間有左五個月 "身紀" ，我諗我應該KEEP 下 FIT 先得呀!! 二月二十三日 星期三 (晴) 今日集團總經理突然o黎左巡村呀! 搞到我地有d雞手鴨腳tim! 佢講野好似好有point，但係有時如果要做到佢所講的東西，真係要上下一心，但上下一心係好難呀! 我都覺得管理真係一件好難的事呀! 尤其一d既愛且恨的人呀! 都真係唔知點樣落手tim! 同現在呢一個麻煩法團交手，的確學到好多野，不過始終覺得自己有d懶呀! 究竟點樣先可以將條懶蟲消滅呢? MuB3 的相: click here 二月二十二日 星期二 (晴) 今日呀! 返左工之後都要走兩轉呀! 好忙呀! 好彩公司d野唔係好忙o者! 都可以六點前係公司消失。不過，其實我都應該放多d時間係工作上先得呀! 不過又好似冇乜野做wor!! 唉!! 都真係唔係好知自已想點呀! 今日hope lighter 開會呀! 原本打算早一點返去可以早少少傾左一d關於admin的事情，但係竟然去左試音響，唉!! 時間就是這樣浪費左啦!! 今晚約左組仔食飯呀! 收到風佢同佢camp的人好似出現問題，我都好希望盡下力量幫一幫下佢，不過真係好能要搵日，約佢單對單可能會好d，佢可能會易d打開佢個心窗呀!! 二月二十一日 星期一 (晴) 今日好凍呀! 仲眼訓呀! 今日生產力係一封信，跟住就冇啦!! 哈哈!! 仲之今日就好懶啦!! 七日的突破，已經有一個組員失敗左啦!! 今日自己都唔係好想寫日記呀! 但恆心呢一樣野就是這樣呀! 究竟我可以堅持到幾耐呢? 我就是這樣太易放棄呀!! 唔得呀!! 二月二十日 星期日 (晴) 哈! 哈! 又一個星期冇寫日記啦!! 今日MUB BASIC 3 完結啦! 我又多一班仔女啦!! 我仲有一個超個50歲的組女TIM呀!! 哈哈!! 回想起我的MUB真的好像剛剛先完結，估唔到咁快我就做人地組長啦!! 時間過得真係快呀! 今日聽左個關於打字機的好好笑O既故仔，果個肥仔真係衰衰格格呀! 今日FELI飛啦! 我終於都知道咩叫死而冇憾啦! 超過30多個小福係香港國際機煬場唱晒歌，跳晒舞歡笑，D禮物又咁鬼正，唔知我走有冇人同我笑機呢? 今日的場面真係好溫馨呀! 我相信呢一世都唔會忘記呀! 二月十二日 星期六 (晴) 年初四啟市呀! 一返到工，就收到兩個唔好的消息，有條喉係年初一爆左，真係爆到散晒果隻呀! 今日就係到執手尾，搵人整返條喉，咁好好彩，都有承辦商肯去做! 仲可以豆都佢封利是呀! 都幾正呀 !! 放左工，去左FELI屋企玩同打邊爐，今日玩左個好正O既GAME呀! 玩呢個GAME好開心呀! 因為有好多野可以食呀! 不過我真係發現自己反應真係遲鈍左少少呀!! 另外，好多謝CYTHNIA的雪糕同JACK的豆腐花呀! 好好味呀!! FELI 星期日啦啦隊! 真係好唔捨得你走呀!! 二月十一日 星期五 (晴) 年初三，今日成日都匿左係屋企呀! 係屋企有乜好做? 係到睇?同訓覺LOR，今日一共睇左四套戲呀! 新警察故事都真係好正呀! 身嬌肉貴同阿孖有難就真係差少少呀! 另外，仲有生化危機2，睇完真係好想再打多一次BIO HAZARD呀!! 二月十日 星期四 (晴) 年初二，今日姑姐上來我屋企，今日係我第三日打麻雀呀! 但連埋今日已經連輸左三日呀! 今年運程都好似只係適宜腳踏實地呀! 橫財都應該冇我份呀!! 二月九日 星期三 (晴) 年初一呀! 後到同大家拜個年先! 祝大家今年都開開心心，心想事成，身體健康，萬事如意，學業進步。 年初一，例牌去果舅公屋企呀! 好悶呀! 因為同佢地真係好疏呀! 真係冇乜野可以傾呀!! 二月八日 星期二 (晴) 年三十晚，今年好難得留左後屋企，之前果幾年都好似出左街呀! 今日公司都仲係好忙呀! 因為有一座冇廁所水呀! 我覺得我處理事情手法都仲係好有不足呀! ~~~~~ 唉!!! 如果我做得好d，應該情事處會做得好d呀! 今日返屋企做左呢個水喉工人呀! 整完呢個洗衣機去水喉，喓住又去左整浴室個水龍頭，不過都要讚下自己叻先得，原來我都識整咁多野呀! 二月七日 星期一 (晴) 今日好開心呀! 約左一班小福去行花市，好多人好開心呀! 有好大隻蚊，羅莽，翠兒，chelsia，sugar，fanny，desmond呀! 好多人呀! fanny仲買左個吹起公仔，好鬼似cythnia呀!! 二月一日 星期二 (晴) 發現做野都仲未好想心呀! 所以做野每件事都要用心去諗清諗楚! 今日係屋企執房，足足執左五袋垃圾，認真多垃圾呀! |