三月森路歷程
|
三月二十九日 星期四 (晴) 曳 我發現我真係要有人督促先至會做野呀! 今日成個上午就係到偷懶呀! he he!! 下晏都係比較頻撲呀! 周圍走呀! 下午開始真係多野做啦! 因為有四份報價今日截標呀! 今日好耐冇返屋企食飯啦! 唔知點解每次一係屋企都好想訓覺呀! 但係今日都終於下左決心做左一d公司野呀!! 好野! 三月三十日 星期三 (晴) 天氣時冷時暖，好難適應，今日終於都唔小心又中招呀! 傷風今個冬天都陪左我好多日呀! 點解都三月都仲會咁凍呀! 乞嗤~~~~~ 今日原本新老細會返工，點知九點一二都未見人，最後九點三高級老細竟然突然間到左，我估佢的出現都係為左見下個新人，最後大家都失望而回，因為新老細只係同班法團打過招呼，已經被嚇到雞飛狗走，諗起都好笑呀! 今日終於都認識到 "臨陣退縮" 呢四個字。其實心入面都有d開心呀! 因為新老細未到，就代表經理唔使走住呀! 佢真係好好人，我真係好唔捨得佢呀! 今日諗起phyllis的一句說話，將唔鐘意做的事情變成習慣，咁我就下定決心，一口氣打晒果d我勁唔想打的電話。我要努力先得呀! 今日我終於都做左一件我都拖左好耐的事情呀! 就係去巡樓呀! 我今日一口氣巡晒三座樓，真係要好好欣賞自己!! 乞嗤~~~~~ 三月二十九日 星期二 (晴) 曳 今日又要返工啦! 四日假過得真係快呀! 好唔捨得呀! 真係好想再放多幾日假呀! 今日食最後的午餐呀! 經理要走啦! 真係好唔捨得呀! 佢真係好好人呀! 今日小組呀! 又成日都講錯野TIM! 真係"魚"呀! 不過同一班組員真係好開心呀! 三月二十八日 星期一 (晴) 今日原本約左班AA莊員去行山，點知一個又一個甩底，真係有D激死呀! 最後得兩個人係碼頭等，你話過唔過份丫。最後，呢個南丫島之行就取消左啦! 唉!! 最後，我地兩個傻仔就行左去尖東，等一個唔知醒同一個病左O既靚女，去左唱K啦!! 都真唔明呀! 琴日先同人講NEWAY服務差，但有人同我講佢地D野好食，咁咪信佢一次啦! 點不知真係唔信邪都唔得，難得今日先恢復信心，點知今日都係要去鬧下人先得呀! 唉! 唱完K，都仲係好早下，咁我地四條友，去左華懋睇"AV"，間戲院都真係殘左少少，不過熄晒燈都唔係好覺呀! 而套戲都真係好有反思位，尤其係大學生，真係要企出來做返D大事，等自已老左都可以回味一下。 今日忠福堂好鬼正呀! 終於都可以參與童年呢個環節，D問題都好鬼正呀! 突然間真係覺得我地關係密切左好多呀! 復活節我都應該俾自己一個好好復活的機會呀! 我要改我一D陋習，以下為我四個 "不要"
若犯了其中一個錯，會用括號的字作REMARK，好好警惕自己! 三月二十三日 星期三 (晴) 我真是一條大懶蟲呀! 又十日冇寫日記啦! 呢十日都有好多事發生過呀! 好似MuB啦! 重溫介紹自己個名的方法啦! 仲有經理唔做啦! 有一種好唔開心的感覺，佢實在太好人啦! 佢好肯教我做野，仲好肯俾機會我呀! 佢的離開真好唔開心呀! 今日同一班大學的同學仔食飯呀! 好開心呀! 好耐冇見佢地啦! 三月十四日 星期一 (陰) 今日放假呀! 原本好開心的! 但今日遇到兩個小小的撞擊，令我真的感到有點唔開心呀! 唉!! 唔知係呢個時候，有邊個可以佢我傾下呢? 雲尼你又未放工，好唔開心呀! 雖然其中一個我都已經諗到辦法去overcome去，但係另一個真係令到我都唔知點好，聽到你的留言真係好唔開心呀! 但係我相信我都可以overcome佢呀! 今日又傷風啦! 係屋企部電腦又蝦我，真係頭頭碰著黑呀!! 三月十二、三日 星期六、日 (陰) 去CAMP呀!好開心呀!星期六個朝早就過得好充實，一起身去左剪左個髮，雖然都唔係好滿意出來個髮型，不過算啦，我的目標都只係想剪短佢O者。剪完個髮，我仲有時間去左讀英文呀!之後，仲以係點半飛到出上環，佢雲尼食飯，我地仲拖手仔，係中環行大運呀! 真係好開心呀!因為佢肯佢我入CAMP，真係KINER出奇蛋，滿足左我三個願望，有得玩，有得幫第三屆AA，仲有得陪女朋友呀!我地仲係上完堂，兩個人夜mama，摸黑，不怕寒風之下，行營舍行左落碼頭，食宵夜呀!勁開心呀! 至於今次個trainerThomas,我都係鍾意肥仔David多D，THOMAS始終都有D悶，上次MORJAN的WORKSHOP都係有D悶，唔通ILEAP的TRANING係會悶D? 今次再次玩性格分析測驗，好似今次準DWOR，跟住又玩TRUSTFALL，仲記得入CAMP時玩的那一次呀!但係發現原來自己都唔係真係好大膽呀!夜晚THOMAS講四仔，仲以為會再有得玩TIM，但係最後…… 第二日朝早，真係有點悶到死呀!不停咁講，唔係有好多野入到腦呀!或者昨晚太夜訓卦，之後那個縳手的活動!都好得意呀!我記得成功與否，盡在你手中。跟住運人那個活動就更加正，真係好開心呀!食完飯之後，係到玩上次入CAMP時睇住人玩的一支釘頂九支釘，見到都有D無奈。不過好記得THOMAS，那一句「複製成功」，別人的成功，真的有好多東西值得學習呀!接著那個智囊團網絡，都好正，將大家連結起來，惟之後PROMOTION說話，真的有點聽不入耳。接著的受傷麻鷹捉雞仔，都好得意呀! 夜晚，我同雲尼兩人仲係長洲食埋海鮮大餐呀! 好開心呀!!
三月十日 星期四 (陰) 又耐耐冇寫日記tim!! 又開始變左做週記啦!! 呢幾日都發生左好多事呀! HOPE LIGHTER 愛與夢遊啦! 成功籌左超過六萬元啦! 有生以來第一次唔係好開心咁去旅行啦! 小福第一堂啦! 成功升左做忠福啦!! 真係有好多好開心的事呀!! 最近又踏入左週期式唔開心! 好像每個月仲有幾日心情唔係咁好! (搞到自己真係好似女仔咁tim!!) 雲尼問我做乜唔開心，以下好可能係一些令我唔開心的事項，其實我都好想搵一日同你講晒佢呀! 我諗星期六係一個好日子呀!!!
今日罰企左九十分鐘呀! 原本我真係好嬲呀! 竟然可以遲咁耐! 不過都知你唔想呀! 但係我真係好唔開心呀! 最後，為左唔發你脾氣，我決定買D野令自已開心D，做係買朱古力食，食完一D開心O既野，真係有D唔同WOR!! 都幾行得通WOR! 下次唔開心，都等我去買D野食下先!! 三月二日 星期三 (雨) 今日好凍呀!! 自己仲唔係好開心呀! 今日發現自己有好多不足之處，原本一直覺得自己好細心，但係原來都係錯漏百出，做事有時真係好馬虎呀! 點解我要做的事情，總是好似做不完o既? 究竟我係咪未用我的心去做每一件事呢? 點解好似冇一件事自己係做得好好呢?? 雲尼，今日聽完你講返工的事情，覺得你好叻呀! 比我真係利害好多呀! 諗返自己，唉!! 真係覺得自己....... 究竟點解我會咁樣呢? 我一直都覺得自己好掂呀! 我唔可以再係咁呀!! 我要努力呀! 成日同人講，唔好俾藉口，原來自己都有好多藉口呀! "勇者無懼呀! 仲有我把口真係要改一改呀! (思想 >> 說話 >> 行為 >> 習慣 >> 一生)
|
