四月森路歷程
|
四月二十八日 星期四 (晴) 懶左好多日啦!! 好多日都冇寫過日記呀! 最近，係開心同唔開心的中線徘徊著，今日竟然對住新老細發?，我對佢的工作方式真係唔係好認同呀! 究竟我應該點呢? 今日真係開始左去搵工啦! 唔通我真係要選擇搵工? 四月二十三日 星期六 (陰) 曳 今日短週呀! 好開心呀! 原本諗住九點起身，但又被個冇記性o既人嘈醒呀! 今日補習，收到今個月o既學費，不過今個月我加左時間，但我冇同學生家長講，而我其實都冇諗過有持別回報，可惜人仲有些奢望呀，還有最近發覺自己都好需要$$$呀! 今日同雲尼食左好個好好味o既芝士麵包，好正呀! 熱辣辣，真係好好味呀! 今晚同輔學的同學仔食飯，佢地都真係好長氣呀! 可以由七點坐到差不多十一點，不過同佢地一齊都幾開心呀! 始終，都唔使防住其他人，講乜都冇所謂呀! 另外，JOEL話佢會轉工呀，搞到我又開始諗我係咪又應該諗下是否應唔應該繼續留係到呢? 煩呀! 今日返到屋企，發現細路SET左D野，搞到之前SET左D野唔見左呀，我又控制唔到自己，係到發脾氣，最後，仲搞到細路好唔開心TIM，唉，真係自己衰呀! 自己真係要好好控制一下自己的情緒呀! 四月二十二日 星期五 (晴) 恆曳曳曳曳曳 壞左的電腦都終於都整返好啦!! he he!! 我都偷懶左咁多日，都可以再寫返日記啦! 突然間有一個目標，就係下一年我要報master呀! 不過又要十幾萬學費呀! 我又要再慳d先得呀!! 星期二，好開心呀! 因為同一班天使去左唱k呀! 好耐冇見過佢地啦! 不過，又有好多人爽左約呀!! 始終都覺得新老細有d怪，有d黑人憎，唔係好想同佢做野呀! 唉，除左法團，又多一個唔想見到的人TIM!! 四月十三日 星期三 (晴) 恆 哈哈!! 琴日又冇寫到日記啦!! 新老細到左，睇落都好似好好人，希望同佢合作愉快啦! 琴日偷懶唔寫寫日記的藉口係，因為小組完左要打好個rundown俾返佢地，好開心佢地琴日話我係一個好有心的組長呀! 其實，有時我覺得我都未做到一個好hyper active的組長，呢個係一個覺得自己做得唔好的地方。 今日，認真忙呀! 係office，做到喘氣! 今日仲要做到七點tim!! 本來帶左d野返屋企做，但係最終都係俾張床給引左，跟住又收到好多e-mail，覆得o黎，好夜lu，所以都係明天再做! yeah!!! 四月十一日 星期一 (晴) 終於都可以冇左個曳字啦! 因為琴晚終於都早訓左呀! 雖然早訓，但都係唔想起身呀! 今日朝九晚六，好正常的返工放工呀! 今日開始有d頹，因為開始清左手上o既野呀! 聽日新老闆會返工。 今日忠福堂，發覺自己的presentation仍有好多進步空間，尤其係組織力啦，放低自己，代入角色，企定定，咬字啦!!! 有好多好多要改善呀! 四月十日 星期日 (晴) 曳 夏天都終於來啦!琴晚終於都被蚊蚊咬呀! 搞到訓唔到。不過，訓唔著係因為蚊蚊，還是有其他事令我訓唔著呢? 今日係HOPE LIGHTER APPRECIATION SESSION，有人一語道破左我其中一個性格，就是我係一個悲觀的人，我往往都會往壞那方面去諗呀! 另外，我都好保護自己呀! 所以，好多時都有框框住左自己呀! 其實我仲有好多空間可以俾我突破呀! 不過，我真是好介意別人點睇我，別人的一舉止頭足，都好容易影響到我，令我會亂諗野呀! 不過，這真是自尋煩惱呀! 今日，我終於都講左我會離開HOPE LIGHTER，有點唔捨得，但我開始發現自己時間的分配真是有D問題呀! 同埋我都想花多D時間陪你陪屋企人呀! 開完會，我地一齊去左唱K，真係好開心呀! 你試過十個人一齊企晒出來，係到又唱又跳嗎? 真是好開心呀! 四月九日 星期六 (晴) 曳 今日一朝早就做左水喉佬呀! 因為今日一起身就係屋企整水喉，另外，好耐之前已經想投訴一下間管理公司，今日終於都打左封投訴信! 今日好心呀！同個傻婆周圍走呀！我地行渾晒觀塘、牛頭角、九龍灣同藍田，我都覺得自已真係有ｄ傻傻地呀！ 天氣開始熱了，我又開始做臭男人呀！！ 四月七、八日 星期四、五 (晴) 曳、恆 呢兩日真係好忙呀!公司的工作總係做極都未做完呀！ 另兩日好難得早左返屋企，而我都好落力係到度緊下一次小福小meet的rundown，今次我要做返次最少要令自己滿意。 四月六日 星期三 (晴) 曳 今個星期好忙呀! 今日仲要有火警TIM，跟住又有一座廁水供應又有問題，唉!! 真係忙忙忙呀! 今日小福堂呀！那個擔大旗的遊戲，真係好正呀！大家都玩得好開心呀！今日要係自己小組俾返分自己組的表現，竟然會有四分，係我心目中都係得三分呀！因為我始終都係覺得自己做得唔係好夠好呀! 四月五日 星期二 (晴) 今日去左拜山呀! 真係好煙眼呀! 搞到眼紅紅tim! 唔知隻左手係咪行衰運呢? 琴日今日跟投訴，搞到隻手損晒，今日因為燒元寶，隻左手又燒親，有d痛呀! 真係唔明，點解d人可以咁o既? 明明條跟係只准出，有警察係到嚾人唔好入，d人都硬係要闖，真係冇規矩呀!! 今日好叻呀! 帶返屋企做o既野都做好晒呀! 另外，今日我仲去左洗廁所tim呀! 四月四日 星期一 (晴) 曳 今日遇著左d超級麻煩客，剩係跟兩個投訴都跟左我兩個鐘，原本諗住今日可以準時啦，點知都係要六點半先走，但係佢地兩份report都未寫呀! 放完個假就有排忙呀! 今日經過車仔麵，又經過麥當當，好想食，但係為左慳錢，都係唯有返屋企食麵啦! 我要做一個慳仔呀! 四月三日 星期日 (晴) 曳 星期五的辛勞仍未回復，不過今日好開心呀! 去左成日街街，而且今日讀書書都冇乜點訓覺覺呀!! 四月二日 星期六 (晴) 曳 今日好牛呀!! 成日係office都係呆坐都冇乜點做過野tim!! 真係太累呀!! 四月一日 星期五 (晴) 曳 好似連續日都有個曳字tim!! 我要開始早d訓呀! 今日又係一個月最唔開心的日子，因為法團又開會，今日奮戰到一點半先係公司走，真係好累呀! 見到佢地扮晒野，懶叻，口不對心，反口覆舌的樣子，真係覺得自已的工作有點辛苦!!
|