七月森路歷程
|
七月十六日 星期四六 (晴) 今日有同事同我講 "SAM 你真係唔好彩，DAIJO 離開左你個多月，佢又走左過O黎，你會唔會覺得好唔開心呀?" 其實 DAIJO 返富寧做返經理，我係非常之開心呀! 因為佢係我一個 好好的老師，她教曉我不少的東西，其實麗城呢到真係好無系統呀! 真係有一個需要令佢做得好一點呀! Daijo 我知你會好辛苦呀! 不過，你叫我做乜我都會做呀!! 今日放左工，返左學校開會，如果俾我hold呢一個會，我會唔會都會搞成咁呢? KENIVE你都幾貪心呀!! 不過，PIC 都應該對整個會有個PICTURE，譬如想要乜，要D乜，咁樣開會會快D呀!! 今日又去"SIZE"錢買野呀! 不過，有得玩係開心O既!! 今晚去左見媽咪之前的工友，佢地講親D事，都係起碼四五年，甚至十年前的事，不過，有些事情都總好記得，特別係有曾經影過相那一些。 七月十四日 星期四 (陰) 仲係覺得自己冇左d野，但係又唔點可以搵得返，有人同我講，諗乜丫，做啦? 但係做乜先得呀? 新經理今日正式上場，佢逐個見，點解佢講左咁多野，我都其實好應該去做，但係點解自己又唔去做呢? 唔想標奇立異，做細，大家都係咁，係咪就係一個好o既藉口呢? 改革始終都要有人，都係成日問自己的那一句，點解唔係我呢? 七月十四日 星期四 (陰) 今晚爸爸媽媽又鬧交啦，都唔知可以怎樣去勸佢地，最後細佬因此而哭了，他們才開始停下來，究竟我可以點做呀??? 七月十一日 星期一 (晴) 今日收到個好消息，經理唔做啦，跟住新經理就係以前係牛池灣那一個我好鐘意的一個經理接任，我現在咁成功，都是多得她的教導呀! 收到這消息，真是從心底裡笑出來呀!! 七月五日 星期二 (小陰) 今日真係冇乜心情做野呀!! 仲知就係煩呀，個腦煩到唔識得轉呀!!電話接不停!! 今日個頭有想爆的感覺呀!! 今晚中福，好開心呀!! 闊別個多月的忠福又開始啦!! 今日REVIEW左過去六堂忠福堂!! 真係每一堂都好正!! 阿全真係好用心教導我們，成班忠福都真係好正呀!!! 今晚多左個新名 "通緝牛牛" ，都幾搞笑呀!! 七月四日 星期一 (陰) 今日返中班，朝早可以訓到十點都好開心， 但係電話接二連三咁響，都係公司打來，都唔知係咪我安排得亂呢? 搞到有兩單野，要搵我跟手尾呀!! 真係太多投訴了，一個人睇三座，真係有D辛苦呀! 今日仲同個BS係到嘈TIM，唉!! 今日覺得自己真係唔係好得呀!! 今晚仲要俾個癲婆鬧TIM呀! 仲要鬧足四個字，想回應，佢一句講："你唔使講野呀，俾我鬧得架啦!!"之後，仲有粗口、「公公」同「太監」等帶羞辱成份的字詞，唉! 姐姐，我都係打工O者，唔使咁呀!! 有點野，都係要問過你地意見先得架，你鬧我仲乜O者!! 之後，佢地仲去左法團，仲俾佢地哦左成個鐘!! 不過，最衰都係果個思覺失調的伯伯搞出來的禍!!!! 只能長歎一聲!! 唉!!!! 七月三日 星期日 (晴) 今日我一朝早 “ 的 ” 晒全屋企 o 既人去食早餐，好耐都未試過一齊食早餐啦 !! 今日去游水呀 !! 仲同 MuB 一班 BUDDIES 去玩，好正呀 !! 不過 MuB4 剝底率都好高，不過最好都係 MuB2 ，最齊人，好開心 !! 不過太陽真係好曬，曬到 D 沙都好熱，搞到我好似俾沙 “ 辣 ” 親隻腳。不過﹐沉係水到 o 既感覺真係好舒服呀 ! 今日成班小福去左接 CYTHNIA NSA 放學， CYTHNIA 多謝你的鼓勵同支持，而我亦會支持你呀 !! 晚返左屋企食飯，食完飯仲係到玩火車，好開心呀 !!! 有相為証 !! 呢 d 火車都買左好耐，都未真正試過玩到咁大，好正呀 !!
EDWIN收到你的消息，突然心情真是一沉，EDWIN，你要好好振作呀!! 七月二日 星期六 (晴) 今日返工返全日呀 ! 好慘呀 ! 原本 schedule 左開會，都到唔到呀 !! 今晚同雲尼食飯呀 !! 我地食飯仲做左 d 屬於我地兩個人的秘密呀 !! He He!! 七月一日 星期五 (晴) 昨晚同雲尼傾左好耐，傾到四點幾，大家都有哭過，大家亦了解多左!! 今日去唱k，但心情仍未回覆!! 今日返左學校同 AA 開會，傾開心特攻隊，係我量力而為原則，我參與程度始終都唔可以好高，對唔住呀 !! 今日做左樣好耐都未做過 o 既野，就係執房呀 !! 簡直係世紀大工程，終於將好多房 "垃圾" 清左!! 雖然執到成點半，不過都好開心!! |
