十月森路歷程
|
十月三十一日 星期一 (晴) 真是一個好懶，冇乜恒心的人呀! 睇日記就知道啦!! 今日難得返屋企食飯，但係九點鐘坐左係張?到，已經好想訓呀!!! 知道經理想離開呢一個地獄，搞到我都想走呀! 不過，多謝她令我成長! 今日不停搵你，都搵唔到你，好唔開心呀! 雖然你係我訓著左先打俾我，我都好開心呀! 不過，之後就兩點先訓呀!! 工作真是令人覺得很累，一班只懂說"唔關我事"的同事，永遠做不完的事情，每次都俾人鬧，莫非我都要朝九晚十先做得完d野? 已經成日帶公司野返屋企做啦wor!! 忘卻了自己的目標。 星期六上廣州睇花，始終不是一個識花之人，最終得到就係舟車勞動的疲累。 唔知點解最近都唔係好想諗野呀!! 仲有好多野係到拖延，不停地拖，拖得一時就一時!! 忠小福，欣賞自己? 有乜可以欣賞呢? 我還適合留在忠福嗎? 我是一個適宜的組長嗎? 雲尼話，你可唔可每次諗野都唔好咁負面得唔得呀? DAVID教POSITIVE THINKING，但係唔知自己都唔係好做得到，永遠諗野都會先去左負面先呀! 要改，但可以點改呢? 我係咪又係到"假裝我不知道的是什麼?" IF IT IS TO BE IF YOU THINK YOU CAN, YOU CAN!! 上星期某一天真的好"吻"，工作的不如意，最後拍左一輪?，出左一輪氣，都係忍唔住走左!! 伯伯同我講，好人唔會做呢一行呀!! 做老豆都唔會嫁個女俾你呀! 女仔都唔會揀你呀! 唔通我呢一行真係一行厭惡性行業? (月尾，不可以讓自己懶下去，收集一些片段，將她好好記下來!!) 十月二十二日 星期六 (晴) 一朝做仔仔同爸爸媽媽去左南丫島玩!!
去到南丫島，原來係要行山呀!! 好辛苦呀!!
去到沙灘，緊係要晒下太陽啦!!
所以去到個亭就要抖一抖
之後，去到左個小漁村。
之後，夜晚緊係去左食豐富o既晚餐。
我仲飲左罐好大罐的汽水。
之後，就食飽飽回程。
返到中環，就去左ifc行左一次。
之後，又再搭渡海小輪返九龍。
係海港城就有hallowin的佈置，好靚呀!
出面仲有好多好靚的玫瑰花呀!
十月二十一日 星期五 (陰) 好唔開心呀!!! 好唔開心呀!! 最近係某人聽到這一首歌，唔知點解對佢有d感覺呀! 唔知會唔會內有玄機呢?
十月十七日 星期一 (晴) 今日好眼訓呀! 因為琴日三點先訓呀! 因為我要做晒我忠小福的事情呀! 收到本小福代表作，真係好鬼正呀!!! 好野，經理幫我討回公道，明天唔駛返夜，可以去街街玩啦! 不過計畫又被破壞了!!! 每週簡報會 = 聲討大會???? 每週簡報會 = 追功課會???? 人多係咪就係咁麻煩呢? 點解d人咁鍾意講"唔關我事"? 但點解好似樣樣都關我事呢? 十月十七日 星期一 (晴) 今日好開心呀 !! 因為今日小福堂真係好正呀 ! 真係估唔到生日都過左差不多一個月，都仲有人同我慶祝生日，真係好開心呀 ! 大家要記住我生日係 九月二十四日 ，唔知下年同我慶祝生日的會唔會都仲係你呢 ? 今日呢個牛牛的故事，真係好開心呀 ! 大家都好用心去做，最後我地係最好的一組，呢個係大家付出的成果呀 !!! 今日仲好欣賞大家的坦誠，分享大家覺得對方值得欣賞的地方同可以改善的地方，而聽的那一方都好坦誠地接受，相信大家都會嫌今日時間唔夠呀 ! 相信遲 d 我地會再有時間大家一齊再傾過。仲有，記住寫多 d 紙仔呀 !! 最近，我都發生左一些唔開心的事情呀 ! 仲要係星期六一連發生兩宗令我超唔開心的事情呀 ! 第一件係我係公司俾人向副經理話我的不是，真係估唔到日做夜做，做到想死，都會仲有人講我是非，點解大家都唔願意多行一步呢 ? 第二件事係我星期六同女朋友仔鬧左一場交呀 !! 有時我兩性格都有點極端呀 ! 不過，最後大家食左杯雪糕，就下左啖氣，因為我們都知大家都有錯。 講完唔開心 o 既野之後，又講下 d 得意野俾大家知丫，今日下午五時，我又正在好忙工作，我?起左個電話，打左個電話之後，當電話接通左，不停係到響 "do..do..do.." 的時候，我竟然唔知道我打緊俾邊個，竟然刪刪打完八個?把，都竟然一 d 印象都冇，好彩個電話冇人接聽，之後，我望住個電話，好苦惱諗究竟我打俾邊個呢 ? 最後，我孤注一擲，決定放棄唔諗，真係估唔到我咁後生就患左 " 靚仔痴呆症 "tim 。所以大家記住得閒提下我要做野呀 !! 星期日去左沙灘，見到好多小朋友，好開心呀!! 我真係好喜歡小朋友呀 !! 十月十三日 星期四 (晴) he he!!!! 又好耐冇寫過日記啦!! 做前有個女仔同我睇掌，話我呢生人會有四段感情，知道左唔知點解唔係好開心，因為係呢一刻我真係好鍾意我衣家呢一隻傻豬呀! 而且佢俾到好多support我! 星期二小組，要帶大家講故事，唔知道點解好想再試下做返小福，所以係大家present故事的時候突然間加插左由我present的一個故事，唔知係咪背負著"忠福"的名字，壓力大左好多，覺得自己的表現唔係好好呀! 不過，我都好喜歡我present的那一個故事，係到同大家分享一下啦!!
就係咁 "你" 就多左一個傻豬的稱號啦!! ha ha!!! 星期一已經俾人激親，星期三又再將所有野都推晒俾我做，終於都發氣脾氣上來，原來做好人只會俾人蝦呀! 星期三做night check，一點完，返到屋企已經過左兩點，係屋企樓係等車立時真是有d暈暈地的感覺。今日起身，十分艱辛。 今日同經理講，聽日我都想陪去開會，佢都好似好突然，其實我都唔知點解想開會呀! OT冇假補你都做，好似好傻呀! 不過，我真係好想知道多D關於呢到O既野呀! 仲有想學下野MA。 講起工作，其實俾自己係呢到時間唔會太多呀! 其實都計畫會走呀! 人工都未令到我滿意，而且返工真係好遠呀! 暫定明年六月，將會是我離開的時候! 點解會係六月，因為我想入青雲路MA!! HE HE!!! 不過，我仲好記得我同經理講過，"你一日係到我都會係到"。不過，你都成日都係到講你係到都唔會長，令我都感受到你其實都有離開的打算，大家的心情都一樣十分矛盾。 (有點亂，將一些凌碎的片段，堆砌成這一篇日記)
|
