超級損友之名單:

                                      有名既同我出來!!!

                   男                       女
                  歐陽                     雅慧
                  阿志                     BoBo
                  鄧朗                     妍妍
                  阿哥                     winnie 
                  裘ling                      lris
                  阿虎                       michelle
                 子龍                      apple
                  mark                      jel
                  德文                     王鳳
                  rick                      jessica
                  煩文                      winnie ho

                                                                          *排名不分先後啦~*

首先我想講既係...如果有缺席名既人唔好介意,因為以上既損友就真係好好好朋友,有d係閏中密友,有d係出生入死過,有d又特別玩得既,有d又特別傾得既......當然我唔排除有d人可能唔記得左,亦唔排除頭幾位既損友係同我最friend啦~最深交啦~~haha~~~

咁耐啦~我一係有事,一係想玩先搵佢地,當然之後都會比佢地罵我"有異性冇人性"啦~但我有唔開心,想放縱下時,佢地總會陪我...當時我想點就點,好夠老友~~0係上面點名時,我就諗番好多同朋友既一點一滴,有好朋友,舊朋友既好多美好既回憶,佢地有D亦陪我過了好多個寒冬...(想哭~)現在各有各忙,好朋友都會間唔中搵下,但舊朋友只係間唔中ICQ下,甚至冇聯絡了...

但我深信,時間飛逝,彼此還是好友~永不忘掉嘻嘻哈哈的日子!

以上的當然捐友壞到不得了啦~"朋友唔壞,我就唔愛"呀~haha~~~~

           ~~Friendship forever~~          好多朋友仔呀~

　

                                                 

　

你.我.他的神秘關係..........

　

雅慧 中五時邂逅於自修室,之後就好幾個朋友仔玩就多過溫書(悲哀~)彼此0岩傾0岩玩,所以好0岩key,話題上至討論人生,下至討論男人,冇咩唔講!現在大家最少一星期見一次,因為一齊學緊整水晶珠~佢隻毛毛同我隻點點係兄弟來的~haha~
歐陽 本來係同事,但之後無厘頭咁friend左,好無厘頭咁好玩得同傾得!一齊打機,唱k....溝通方法係對罵~現時佢係我男性朋友中數一數二最friend既賤人~~
bobo 呢個人呢...唔講唔得啦~我地成日都二人分飾好多角,代表作"金田七殺人事件薄".我地自眨為女版前野&井澤~人地稱我地為黑白雙殺,亦係超級立體聲,唱雙黃,總之唔會係好名~極為恐怖!!d人話唔好比我地一齊,因為係無人能敵~小心d!!!曾經同居,現已分居~
阿志 其實佢同歐陽冇咩分別,佢都係我最friend既男性朋友~我地3個去玩就多數0係旺角,冇咩地方去啦~佢2個成日蝦我,但我都會盡力反擊(多左bobo,佢地實死~)佢同歐陽唔同既地方係佢有女友(haha~)但從來唔比我見到~完全了解唔到!!!(比我見下洗死咩?)
妍妍 中二已經認識,到學期尾就好friend啦~佢係我一個出生入死既朋友,大家中學時互相扶持.佢已經貴為大學生啦~成日唔記得我.....不過間唔中都見下面~
鄧朗 呢個就勁啦~係我唯一一個契細佬.佢感情常受創!我中二識佢,佢0個時仲係f.1仔,載著眼鏡既小肥仔,不過笑得好燦爛,0係補習社識既!但現在已經係好高大威猛啦...個外表~haha~都好懷念以前成日笑既佢~不過都係一個好人!將佢介紹左比我男友識,佢地friend到死,so鄧朗已經唔記得係識我先了~
winnie  佢都係我好朋友.佢人緣好好,有好多朋友,亦有一個好好既男友!一見到佢,就會見到另一樣野,就係幸福既笑容~~
阿哥 2年幾前由朋友介紹,一見如故~佢老我幾年啦~所以就契左做哥哥了~都好妒忌佢...唉...有我呢個妹真係好!!哈哈~~~講笑姐~!佢常鼓勵我~像真正兄妹一樣~
lris 在我F.4時由朋友介紹識的,第一個感覺就知佢惡啦~咩都唔識死,係一個危險人物!不過佢升左F.6,個人定性左好多,係有dd脾4啦~不過好多女仔都有呀勒...現在佢已F.7了~等緊升大學,實掂啦~佢係乖左好多,但都掛住佢惡既一面,型死呀!
裘ling 一個舊朋友.中五的同學,但只係一齊上文學堂~佢一直都好愛護我這個朋友~不如說他對女仔都好細心,對男仔有義氣~那時我們一大班常出來玩~好開心呀~不過佢現在都好忙,冇點見面了...加下佢都要照顧女友啦~邊得閒理我丫...慘~
michelle 識左佢都好長時間了~0係小學5年班時的同學!當時大家一同喜歡上一個男孩,就是這個男孩令我們相識相知~現在唔多見面,但一直都有書信來往~大家多數都討論下感情生活~佢係讀中文的,但係就顛顛地~就係大家都顛顛地,所以先有一句金句"骨子裡都係脆弱的"~這就是形容我們的"金玉其外,敗絮其中"!!
阿虎 佢係裘ling介紹識既,佢地好friend呀!!!我覺得佢幾攪笑,0係icq都會傾下呀~裘ling介紹過幾個佢既朋友比我識,我覺得呢個最好玩!哈哈~
apple 呢個女仔唔講唔得!佢係我幼稚園既朋友仔~係咪好誇呢...?但真的呀~一直到左小學4年級我轉校先冇搵,但之後又搵番~佢係一個勤奮既女仔,又係大學生啦(我真係可悲!)~佢呢年都幫我細佬補習,佢都話當我細佬係佢細佬一樣~我地平時好少傾偈,但真正傾既時候,大家都會好明白對方,個feel好正!呢個網頁都係佢教我呀~市道唔好,幫人補習要送整網頁班,慘呀!
子龍 一年前0係識得既~佢好好呀~我有咩事,佢都第一時間幫我~佢讀書就讀到好高level,勁人啦~我有咩電腦問題都搵佢(我真係衰!)以前想飛車又搵佢(更衰)不過佢都容忍我,大好人一個!!!佢大我幾年,感覺倒似哥哥,又係要比我蝦~哈哈~~
王鳳 中一時識既~本來我唔喜歡她!佢係由我一個已不再一齊玩既女朋友介紹識的.當時佢地一齊讀書,我覺得佢搶左我朋友,所以不喜歡她!!但之後,竟然好起來~到現在都係好友!!佢讀緊HKU,好叻女~(又一個大學生朋友,我自卑呀!!)
mark 佢亦係我小學同學,識於5年級.佢對我好好,有日佢話我佢喜歡我...佢一直默默喜歡我好幾年,到我有男友後,佢先放棄...佢係一個令我感動的人,只是沒緣份吧~但我仍記得他一片真!
jel 識左佢差唔多2年了~由同事變為朋友!我同佢都好多野講呀~好多時都講貓,因為佢都係愛貓之人囉~~佢係好人啦~而且好守得秘密....
德文 又係一齊玩既同事,都係阿jel0個堆.佢係一個好攪笑既人,傻下傻下,但係佢對朋友好真,咩都冇所謂~係一個超級乖仔!
jessica 佢都係我同事,同阿jel一齊friend的~佢係竹昇妹,所以講野好攪笑~佢極愛佢男友,我同jel成日笑佢~之後就會一齊大笑~哈哈哈哈~
rick 呢個其實就唔係話friend到死~但係一提起jessica就要提起佢啦~佢就係jessica既愛人~~佢同我男友一樣都係打泰拳的~
winnie ho 佢係我中五的朋友,肥肥的,時常吃東西~lris都係佢介紹比我地識的~但到左F.4就為左貪靚就勁keepfit,現在fit左好多,但...就壞了~我同lris都覺得好可惜...現在都冇點搵了~不過也希望她不要再沉淪了~她真的不知道朋友會為她心痛....
煩文 佢係au既friend,都算識左好耐.不過玩就唔係玩左好耐.佢係怕羞仔一個.冇咩特別,不過佢好想入黑名單,見有位咪比佢囉~哈哈~佢個名係我幫佢改既~
　 　

　

但願我的朋友快樂,無愁~~