釣勝於魚！
好開心呀依幾日！
同媽媽佢地去左冰湖釣魚！
最衰唔係用數碼相機影啦！！
如果唔係就可以比你地睇下喇！
因為我媽媽個ｆd係紅番喎﹐咁加拿大既紅番係可以自由打獵同捉魚架！
咁所以我媽媽個ｆd成日都偷偷地去拎ｄ魚賣∼
原來真係好好玩架！！
首先用電鑽鑽兩個窿係ｄ冰度﹐之後就撒網！
一邊放網啦﹐另一邊就係條繩喎…
最後就放個牌係度話比人知依個窿係你既就得架喇！！
真係勁凍囉ｓet upｄ野個時…
不過收獲真係多到唔識講呀！
到我地第二日去拎魚個時﹐係可以撈到四十幾條大大大大大大大魚上黎囉！！
ｄ魚真係大到丫…
有幾條有我手臂咁長架！！！！
咁我地係其中一個窿度拉個網上黎架嘛﹐咁另一邊條繩咪縮落去囉﹐
咁我地拎完魚之後拉番條繩﹐個網又落番去喇喎！
如是者﹐我地第２日又有四十幾條大大大大大大魚喇！！！
拿﹐我地係去左三日架下連續…
嘿…
因為真係好耐冇見過﹐食過新鮮魚喇！！
之前係香港差不多晚晚都有一條游水魚食…
但係黎到之後ｄ新鮮魚真係貴到死囉！！
依家一下子多左咁多新鮮魚食﹐真係開心到丫∼ [又唔使驚膽固醇高／肥喎！]
但係我驚我會唔捨得食晒ｄ魚呀！！
哈哈…
不過…最多咪…跟佢去多幾次囉！
＊ ＊ ＊ ＊ ＊ ＊ ＊ ＊ ＊
妖！！！
好嬲呀！
我睇中左個超靚既ｖivienne westwood頸鏈喎！
粉紅色個個呢∼
咁諗住擺佢上黎啦…
點知我ｄownload 成五﹐六張相﹐冇一張擺到上黎係睇到架囉！！
激死我喇！！
＊ ＊ ＊ ＊ ＊ ＊ ＊ ＊ ＊
嗯！
呀係呀！
唔記得講埋我另一個夢添！哈哈∼
又係話說我上簽簽堂喎…
咁佢又比我地激死啦…
跟住佢就發癲係度鬧喇喎﹕「我唔教喇！叫馮雅穎黎教啦！」
咁囉下…
咁我听完就係度狂笑喇喎！
仲係發夢自己面紅架下…
跟住望去隔離﹐見到ｗinnie ｓo都面紅架下…
跟住望下去後面﹐又見到陳愷嘉喎[當然佢係冇面紅啦]…
之後佢就同我講﹕「係呀！佢都鍾意馮雅穎架！！」
咁喎…
之後又係係我大笑個時就醒左喇…
死啦…
依排都發埋晒ｄ咁變態既夢…
仲日日都笑醒喎…
仲要係我明明唔鍾意馮雅穎架啦嘛！！
死喇死喇…
我諗係我ｄ膽固醇高到我就死喇…