Hypercholesterolemia

　

依個咁水蛇春既英文字﹐係解咩呢？

其實係膽固醇過高症咁解。

咁又同我有咩關係呢？

話說我今日去拎我個身體檢查報告喎﹐

咁個醫生話﹕[順手提提﹐佢叫Judy Li呀！]

「嗯…你身體非常健康喎！…呀不過﹐你膽固醇超標呀！」

笑啦∼盡情咁笑啦你地…

我當時個反應都係對住個醫生不停咁笑﹐笑到停唔到囉…[我相信個醫生當時係幾無奈架下]

　

真係從來冇諗過架下…

今次叫我去睇報告﹐仲諗住係講我個鼻有ｄ咩事咩事…

點知竟然係膽固醇過高…囉！

要注意既係﹐我ｄ膽固醇係高過我阿媽架下…

係我血裡面既膽固醇﹐係有６.6喎…

之但係我阿媽呢﹐都只係得５點幾咋喎唔該。

而分解左之後呢﹐好既膽固醇就好啦﹐之但係壞既膽固醇呢﹐

嘿…正常人係２.8喎…

而我呢﹐可以係有４.6囉。

完全係覺得好無奈架下。

　

番到屋企話比家姐听﹐佢第一個反應都係大笑十幾分鐘唔停架下。

之後就好熱衷咁同我搵左下面既野。

高膽固醇的成因有以下因素:

１遺傳性　如您是屬遺傳性高膽固醇的話，就很可能由父母遺傳而來的。 

對這類人來說， 儘管您多努力也好， 您的膽固醇水平仍然是那麼高。 您可能需要一些特別的藥物來幫助減低膽固醇。

２高膽固醇飲食習慣　某些人喜歡吃動物脂肪、海鮮、椰子、雞蛋、魷魚等等的人會發現自己的含膽固醇指數會較高。

３缺乏運動　如沒有定時做運動，您的身體便不能有效地消耗體內的膽固醇。

４疾病　一些疾病，如糖尿病等，通常會連帶患上高膽固醇。

覺得自己直情係２同３架下…

特別係黎左加拿大之後﹐就更加暴食得好緊要…

仲要係完全冇運動過囉…  [除左鏟蒲公英呀﹐鏟落葉呀﹐鏟雪之外呀下]

　

家姐係勁到可以搵埋依個比我架下…

【自我治療小妙方】

【膽固醇過高】

１.注意體重
２.減少脂肪攝取量
３.改用橄欖油
４.不必禁絕吃蛋黃，但一週最好不要超過三個
５.攝取豆類，例如菜豆、扁豆、皇帝豆、大豆、黑眼豆、斑
　 豆等，可有效降低膽固醇
６.攝取燕麥，可有效降低膽固醇
７.攝取玉米糠
８.多吃胡蘿蔔﹐水果
９.多運動可減少動脈裏脂肪的堆積，也能提昇三餐飯後消除
　 血中脂肪的能力
１0.適量的攝取瘦牛肉，可能有益於心臟
１1.喝脫脂牛奶，其中的非脂肪質能抑肝內製造膽固醇
１2.服用蒜頭汁，可使膽固醇下降
１3.服用洋車前子（psyllium seeds）可降低血膽固醇
１4.減少咖啡攝取量
１5.勿抽煙
１6.放鬆心情
１7.菸鹼酸、維他命Ｃ、維他命Ｅ及鈣可以降低膽固醇含量
１8.茶裏的鞣酸有助於控制膽固醇
１9.檸檬草油、螺旋藻、大麥、米糠及活性炭可以降低膽固醇

　

嘿…我諗係我媽媽既嚴厲督促之下…

我係可以減晒我ｄ膽固醇同埋減晒肥﹐架下。

好﹐係咁。