self reflectn
2004到左…
回顧２003﹐有開心﹐有唔開心﹐而且今年對我影響好大﹐我出左國。
過埋廿六號﹐我仲已經十六歲添…
係依年我自己成長左好多…
開始諗同計劃我未來既人生。
我變左好多﹐
變得假左﹐大個左﹔[肥左醜左唔計啦]
開始後悔以前咁對朋友﹕
我知自己唔係一個守到秘密既人﹐我會忍唔住將自己所有既野同晒所有我識既朋友講﹐甚至講埋人地既野…
依兩年[自從陳愷嘉件事開始]我其實以經開始改﹐真係好難改…
所以我開始唔去听大家既秘密…
我好希望黎緊既日子我可以真係改到﹐可以做到一個可以真係同大家ｓhare到秘密既ｆd。
好多時我會得罪人﹐特別係當我心情唔好個時…
記得有一次唔知咩事﹐可能只係我多口或者咩﹐
我係咁笑ａｍy有暗瘡﹐係咁笑佢…
當時都唔覺得有咩野﹐其實之後我知ａmy已經嬲左我…
如果佢會睇到依篇野既﹐我想同佢講對唔住。
其實自己已經唔係得一次咁對朋友…
我依家覺得自己好衰﹐對好多只係冇咁熟既朋友就會做ｄ咁既野…
完全冇尊重過佢地既感受…
好次之前ｅlisa件事都係…
我以為我講左對唔住﹐俾番錢佢就可以當冇事…
但係原來真係可以影響到人地好緊要…
我對以前俾我笑過﹐玩過﹐得罪過既所有人講對唔住…
我應承以後會珍惜我身邊每一個朋友﹐就算熟唔熟都好﹐就算識左幾耐都好﹐
我會當全部都係我最最最最最好既朋友。
一路以黎我都覺得係我自己未有能力﹐好多時都好想好豪﹐
好想請下人依樣個樣…
而奈何自己未出黎做野﹐如果要用老母ｄ錢請自己ｄｆrd食野或者請番老母食野等等…
都好冇意思…
好希望到我大個既時候﹐
我可以有依個能力﹐可以當我想買野俾ｆrd／父母既時候﹐可以靠自己﹐咩都係自己俾既。
至於變假左﹐
我唔敢講依樣係好事壞事﹐
或者將個假字轉做圓滑會好ｄ…
好似之前同姊傾過咁…
應該係人大左﹐出左黎社會真係係需要做到囉…
好多時唔係你假﹐就係真係假囉…
我唔識講﹐不過我諗大家都明…係囉﹐我就係變到「咁」左喇。
而我已經開始計劃我黎緊既日子[講到好似得幾個月命咁]
雖然我仲未諗好我大學會讀咩﹐但係當我係依邊畢業之後﹐我會爭取番大陸讀我想讀既中史同中Ｌit…
而ｐrobably我第時將會﹕
考警察[射錯人]﹐
做空姐[嚇死人]﹐
揸飛機[撞機]
做醫生[醫死人]… 既！
依個係我個ｐlan啦﹐不過以後既事冇人知﹐話唔定我到時做左掃街都唔定呀！哈哈哈！
依ｄ都係命水﹐命中注定既！
如果我係注定掃街﹐就算我識揸飛機都係唔會做得長既…
以後以後﹐我會錫晒我既朋友﹐錫晒爸爸媽媽﹐俾晒我最好最好既野你地。
我一定會吐氣揚眉！
我相信我地大家﹐特別係姊﹐陳愷嘉﹐ｆlorence等等﹐都唔會係普通人﹐
我地亦都唔會甘心做普通人﹐ｒight？
雖然我變左咁多咋喎﹐
但係我都係唔會改我既ｃharacter架喎…
你地唔好諗住會有好日子過喎…
我仍然會係粗粗魯魯﹐大癲大肺﹐口賤賤咁既衝〞既。
當然﹐以後係會照住我既原則黎口賤啦∼[姐係唔傷害人地口賤]
還幸你在場
令我不至蕩失於這漂亮 遊樂場 [來現場 ]
同伴成雙 [不必緊張 ]
人大了珍惜今次不可有下次
成熟了每天都要精彩過舊時
過去但求亂唱得怎麼都可以
這次當對著前度要他高舉姆指！