上大帽山前要先沿水塘行一大段路，路上佈滿泥濘，雨時細時大，間中吹來一陣強風，很快便將我們用垃圾袋自制的raincover吹爛，我地貪玩用海芋的葉做左一ｄ擋雨的帽，結果大風一吹就爛左！
我地行得好慢，行行下見到有個亭，亭入面有幾隻狗係度避雨，我地都走左入去抖下，點知ｄ狗一見我地就走，初初以為佢地怕人，點知原來係去"吹雞"，只見ｄ狗吠左幾聲，就有十幾隻狗走出來，仲行下近ｄ行下近ｄ．．所謂好人不與狗鬥，我地閃！
3號波,暴雨,怒上大帽山!
日期：24-08-2003
出席人物：LingLing，阿基，阿Poon ，fun，Catherine
行程：城門水塘，大帽山，川龍
難度：Undefined
後記：by 基
一個打三號風球的下午，五個唔識死的年青人，抱住"要睇下三號風球下的大帽山是怎樣的"的天真想法，結果經歷了一次險死還生的旅程．
雖然天文台一早掛左三號風球，但基於好奇同無聊，我地決定要睇一睇三號風球下的大帽山是怎樣的，我地係荃灣地鐵站集合，然後一齊食野，當時天色雖然好暗，但冇雨，直至我地上左小巴雨先開始大，車上還有另一班行山友．到左城門水塘，雨勢更大，同車的其他人決定原車落番山，但我地就照行．．．．．
上大帽山前要先沿水塘行一大段路，路上佈滿泥濘，雨時細時大，間中吹來一陣強風，很快便將我們用垃圾袋自制的raincover吹爛，我地貪玩用海芋的葉做左一ｄ擋雨的帽，結果大風一吹就爛左！
我地行得好慢，行行下見到有個亭，亭入面有幾隻狗係度避雨，我地都走左入去抖下，點知ｄ狗一見我地就走，初初以為佢地怕人，點知原來係去"吹雞"，只見ｄ狗吠左幾聲，就有十幾隻狗走出來，仲行下近ｄ行下近ｄ．．所謂好人不與狗鬥，我地閃！
到左大帽山山腳，開始上山，上山途中回望城門水塘，嘩∼一片陰雲密佈，些時狂風大雨逼近，大家睇到的這張相，就係我地係山上最後一張相，因為山上天氣太惡劣了，影相是不可能呢！
風大雨大，我們狼狽地在大帽山山脊上急走，強風夾雜雨點打在身上，感覺好像被無數支針剌中，很難想像被雨打可以咁痛∼
我們全身早巳濕透，上山的路早巳經變成了一條瀑布，山脊上的山徑就像一條河流般，行山巳經變左做行澗．．．我們只能低下頭避開迎面的雨點，行進變得十分困難．
我們在山脊上一步也沒有停下來，幾經辛苦終於接上了住川龍的車路，和狂風暴雨搏鬥下，Ling 和Catherine的體力巳明顯下降，顯得很疲倦了， 而且天巳全黑，大霧之下能見度很低，可是接下來還要走一段上山的斜路和一大段下山的車路，我都不禁有一點擔心∼∼可是現在只有向前走吧！
風和雨仍然很大，我們找到了一個背風的位置休息一下，也吃了一點東西，在照片中可以看見我們多麼狼狽！阿poon是在強顏歡笑吧∼Ling 和Catherin一臉倦容∼而阿fun的樣子很奇特呢！
阿fun你好樣衰呀！！！
接上車路之後，風力不減反增，我們嘗試鼓起力氣，逆著強風向前發力奔跑，可是不到十多米強風便把我們吹得停了下來，雨打在身上有如針剌般痛楚，全身濕透的我們開始感到寒冷，四周一片漆黑，濃霧下看不見下山的路，只能用電筒照著行車線走，強風吹過山邊發出∼嗚∼嗚的巨響，我們如此近距離地感受大自然的威力，不禁感到害怕，大自然的威力真是太可怕了！
我們行到近天文台的門口，突然身後的阿Poon大叫一聲"好凍呀"，兩頭守門口的狼狗便撲了出來，作勢要咬我們！我地退一步兩頭狼狗就逼近兩步，我和阿fun用身體擋著牠們，牠們一步步逼近，我巳拿出行山杖準備打狗之際，阿fun勇猛地向兩頭狼狗大喝一聲，兩隻狗立即嚇得走夾唔抖．．．（野人fun好野∼∼）
而整件事的罪魁禍首阿Poon卻一直躲在我們身後．．．．（要Con la..)
將惡狗趕走之後，我地繼續同風雨搏鬥，下山的路是之字形的車路，路的一邊是山崖，濃霧下看不到山路的走勢，強風吹得我們行不到直路，更不時把我們逼向崔邊，情況很危險呢∼
行下行下，阿Poon同阿fun相繼抽筋，結果只好二人三足咁行，而我，catherine同lingling就打頭陣擋風，阿Poon同阿fun真係冇鬼用∼
最後．．．．
天文台接人放工的小巴見到我地係景暴風雨中痛苦地掙扎，於是便很好心送我地落山．．．多謝你呀．．停車比我地的司機叔叔∼！
安全脫險，當然要食番餐好ga la ~我地去左打邊爐 ∼yeah~