歡迎來到最新動態，這裡會有關於本網頁既一切更新通知，也有我或我們一班同學的最新消息報導，內容好豐富o架，要密切留意喇！
網主的話：
幾經辛苦，個網頁終於都整完喇！真係好開心，開心到唔知點樣形容，就好似心願已成咁，但係又得自己開心，好無聊呢！本來依一頁係介紹本網站o既一些更新資訊，但係新網開張，又點會又咁快有更新呢？所以我唯係依一頁加o左我對製作這個網o既一切心底話，係碼唔駛空o左一頁佢啦！不過，以下o既文章，可能你會覺得幾無聊，所以唔識字o既人可以唔駛睇喇！
未講製作依個網頁o既過程之前，我想講o下我o係特殊學校識到一班好friends o既同學o既一ｄ心底話，因為我整依個網o既目的，都係為o左紀念佢地。點解要紀念佢地？我紀念佢地並唔咪因為佢地全部死Ｑo左，而係想紀念一班同我生活佐一年既同學。我本來由大家都唔識，到大家都聚在一起：一起上堂、一起吃飯、一起打機、一起做Project一起考試等。雖然大家唔係識佐好耐，只係一年。但係在依一年裏，發生了好多事，有開心的，也有唔開心的，所以要讓依個網頁去將一切記低！
如果你們睇到上面o既形容，可能會覺得有點真情流露而感動，又可能會覺得過份虛偽而失實。無他o既，日久見人心嘛。但係我對你們的回憶，都是美好的。儘使大家仍然彼此有誤解、有矛盾，甚至發生不愉快事件，但是我對大家都是我的好友。正所謂放得低偏見，看得起友誼，世界自然大。當畢業後，大家都少o左見面了，話題都開始少了，之間都變得陌生了。所以，我才想到去整一個介紹我們一班的網頁這個念頭，亦希望可以挑起大家已變得朦朧的回憶，的確係唔錯。
離畢業後大半年的某天，當我翻開我的紀念冊時，看到你們對我的一點睇法。我才知道，仍然有人是那麼體諒我的，我真係有ｄ感動，又使我回憶起以前同你們一段又一後快樂的回憶，那種懷念與捨不得之間的矛盾，從心頭中、腦海裏，一浪接一浪的湧上來。但是回憶此終會不斷腐蝕，而變得殘餘了，而我只可無奈地給它漸漸消逝，很是痛苦。
在紀念冊裏面，除了有各同學對我心聲和祝福外，其中有三友幾好的朋友，異口同聲的都對我發出一個同樣描述，為何我在下學期才跟你們熟絡呢？這麼一提，我可以很老實的告訴你們─你們都幾好人呢！回想起當初，因為自己考得唔好，心情好down。到了上學的時候，心想讀這個課程的人，都是同我一樣，不是成績差異，就是品性怪異，真係唔敢出聲（我唔係懶高貴）。
不過，大家係同一班，就係同學，又點會可以唔出聲咁自閉呢？不過，多數只會同隔離o既同學傾訴。但係，我知道我這樣係唔work o架，因為人此終會面對每個人。其實我識o既朋友真係唔多，有些只會有事才懂得記起你o既存在（做Project時就會見到），何況，唔係個個朋友都可成日倍到我，所以我要開放一o下自己（別想歪）。
在某一天放學後，我唔記得o左係咩o野事令我覺得很是苦悶，打算去逛街散心。後來，有幾位同學告訴我當天我們班有個足球比賽，還叫我去睇睇棒場。我本來對足球沒有興趣，但係時間尚早，而佢地又咁有誠意，我咪比面佢地去睇o下o羅（呵呵）！只此，才發現佢地每天放學後，係有好多節目：一齊食飯（好懷念當時每天都係剭扒啊！）、去打機、番九樓鋤弟，甚至好白痴咁玩扭扭樂，真係好熱鬧啊！
但係，最能表現到合作精神o既，當然係o係做Project o既時候吧！講到依度，可能有意會到我刻意抄翻ｄo野o黎講，甚至開始影射緊佢。但係我可以講句，我唔會咁做，亦唔需要咁做，因為每個人的不是都已經街知巷聞，我都聽膩了。而我想講o既，係大家真正互相合作的精神，大家都好緊張，不眠不休，一齊完成個Project。到Project都完成後，大家都得到喜悅，如釋重負，証明了大家o既努力係冇白費o既。這個現象，往往在離交Project前兩三天才看到。
睇到依到，係咪開始覺得我寫ｄo野有ｄ偏激呢？又或者懷疑我係咪真係好掛住班同學？我又可以係度講句，的的確確很掛住佢地啊！美麗o既回憶，此終蓋過一齊誤會。朋友此終係好難擁有，當擁有時就要好好珍惜，這些只係我o既經驗之談o者！但在班裏，至少有一個朋友很值得我尊重。大概可能是我在班第一個對話的同學，又是大家都有相同喜好，這樣真係好難得。他好聰明，一直幫到我好多忙，又教識我好多o野，教我看透一ｄ「道理」，真係好感激佢呢！
寫到依度，我先知自己已經寫左咁多字喇！但係我就好似越寫越興奮。不過講真，我自己都唔知自己寫o既o野想說明ｄ乜，可以講係寫乜春？真係無聊呀！但係除o左作文，我就諗唔到咩o野方法可以表達我內心o既興奮同對你地o既無奈。不過慶幸o既係我班o既同學都唔會去睇，因為我唔見得佢地係識字o架！
製作過程：
各位靚仔靚女，馮你地整齊o既衣服同誠懇o既眼神，我深深感受到你地o個份博學多才o既智慧。相信你地睇完上篇文章o既話，都會不遲勞苦咁睇埋依一篇呢！依一篇主要係講o下我製作這個網頁o既小故事，都幾得意o架！
係課程o既尾聲，大家都意識到彼此之間都要分開，各奔前程。大家都提著拍照機到處拍低豔照，留下最美回憶。又會到處請同學簽寫紀念冊，交換地址電話等。當然這些指定動作我也做過，但係就覺得有點簡單，唔夠特出，所以我就嘗試把紀念冊搬上電腦，亦o者係製作一個紀念我們一班的網頁了，那時已在六月尾！
講到依度，我突然想交代一ｄo野，就係個網名同個。曾經有人問我，我整o既網頁叫咩o野名，我自己都有好幾個選擇。曾經諗住叫純愛校園，個名係唔錯，仲好有思意（但係冇最靚o既豬腩肉），不過好似抄人咁，何況我寫的小說都命名為純愛校園（我本小說唔係抄人）。之後又諗到不如叫魏晉群俠傳，一聽落個名夠晒威，好似我地班個個都係英雄咁，但係當然係講笑啦！一來個名勁白痴，二來我班ｄ人一一都唔起武，何來叫人人英雄？
最後，我想起有本漫畫係我想睇好耐，叫漂流教室。本漫畫o既故事係講一班小學生，本來大家都好friends o既。點知有一日，佢地去到一個怪異空間，那裡到處都是危機。他們在這個地方，心理都變得恐懼和無奈，因此大家都互相猜疑、仇視，甚至廝殺。我覺得這本漫畫的故事內容跟我們班極為吻合，所以就叫做漂流課室。其實，這個名還有一個很有思意o既解釋（不至使你發現生命快樂與美麗），就是大家畢業後，大家一起快樂過的情景，是不會忘記的。一幕幕大家一起在課室生活的回憶，永遠在我們的腦海裏漂流著。
之後到七月份，我就購買一些教人整網頁的書籍，又周圍問人收集資料，編排好所有程序。但係就在這時，我的一個識o左勁耐o既好友，介紹了一份暑假工給我。有暑假工喎！我當然應成啦！這份工都幾多O野做，不是到處走，就係被困係個倉到排貨。由日做到黑，仲要周不時加班添，所以番到屋企都好累喇！冇力，又冇時間去整網頁喇！因此成個七月裏，個網頁絕對係冇進展o既！
到了八月中，份工終於做完喇！得到ｄ錢，緊係去玩啦！唔係點算放暑假呢？不過，我又要面對一個新問題，就係我去讀書丫？還是搵o野做呢？其實我係好想再讀多ｄ書先去搵o野做，但係家人唔支持我，我又點有得讀呢？班仆街成日係咁話我係想逃避唔搵o野做，方死我會飼養佢地咁，真係煩到想死。係心情咁down o既期間，我把整網頁o既事放低多久。
到了九月中，我開始又把心機放係整網頁上。可惜天公不造美，我用來整網頁的電腦壞掉了，我有很多資料都給洗掉了，幸好的是ｄ相有Copy，淨係要重新整過個網去呢！另外，我就係要等待取回我的紀念冊，因為裏面一些東西對網頁很重要，但係o個個手羅o左我本紀念冊o既同學都未歸還，所有仍是等待。
到了十月至十二月份到，我好似冇乜點樣去整理個網頁了。因為有兩個好友，介紹o左玩一隻改變o左我對中國武俠小說睇法的線上遊戲─金庸群俠傳。依隻game的評價是很極端的，喜歡的話，就會迷上玩它，甚至想看看它的小說，更會一張又一張月費買去玩。不喜歡的話，連看也不看，甚至評為低趣味性遊戲。但我卻迷上了它，所以整裝頁o既決心變得朦朧了。
到了十二月中度，我開始又專心於網頁上。因為我曾講過話要整好個網去，講得出就要做得到。但係我已忘記了網頁的account同密碼了，唯有再申請一個。在這麼漫長的日子裏，我也會不時加些東西在網頁上。有時，我會遇到一些困難，想問o下班同學，話晒個網都係圍繞我們一班做中心嘛！誰知我每次問他們的時候，他們都淨係識得問：「你個網頁整成黠呀？Send to me！」等字句。我很感動，原來有人係緊張我個網頁呢！所以我決定暫時放下金庸，努力整網頁。
之後，個網頁整得都接近完成階段，只差了留言板。但是我想申請我留言畫板卻暫停申請（詳情可瀏覽http://www.hkflash.com/gb/index.asp），所以我唯有又等o下添啦！係依段等o下o既期間，我有不停加ｄ減ｄ，盡量將個網頁整得好好睇睇，咁就唔會浪費晒ｄ時間啦！不過所有o野都準備好晒時，個留言畫板都仲未開放申請，我已經等唔切喇！我想申請留言畫板無非都係貪佢個度有得比人畫o野，但係我冇可能再繼續無止景咁等落去，所以我決定申請另一個留言板，雖然冇得畫，但係都唔錯o架！
正當我以為所有o野都做好，可以擺上網O既時候，先知道我個頁太多o野喇，完全超出o左所申請存放網頁o既空間。當時真係唔知點算好，整O左咁耐先O黎話擺唔到上去，真係好無奈。最後，我諗到試o下用兩個網頁o既空間咪得o羅，最終都得o左喇！
睇到以上咁多籍，你可知道整網頁並非一伴簡單的事。對某ｄ人o黎講可以係好易，亦可以係好難。但係我想講O既，係做咩o野事，先前都要諗過度過，係咪自願先好去做。如果唔係，要自己做ｄ唔鐘意做o既事，就會冇心機做，仲會有返效果，好浪費時間。還有o既係，講o左o既就要算數，如果唔係就會比人地話你得個「講」字，唔算數，而你自己就會喪失一個罵人O既權利。你可知道嗎？冇得罵人係多麼的痛苦啊！另外，同上篇文章一樣，睇依篇文o既人真係好「岸居」啊！