2004 年 2 月 14 日 星期六 【靜夜】


今日...係一年一度...對有情人既人既美好日子...對無情人既人既痛苦日子...對小朋友黎講係一個好好玩既晚上...
既「情人節」~
但係呢...我覺得無乜野啵......唔知點解...唔通真係要有情人先係會開心既咩?...點解d人總係鍾意拎我黎講?...
好好玩咩真係?...有時唔係我嬲呀...係另外果個嬲丫嘛...
你估我唔知...情人既stardard係拖手，拍拖...咩.!
但係我覺得依家唔應該係咁住先嘛...講真...路係我地兩個人自己揀既...你地點講都無用架..
相對係你地呢班諗野成熟d既朋友...d form 1 俾我既感覺真係會好d......我唔係話你地唔好...但係...有時真係好過份!!
我覺得...平時俾你地講下...無所謂...但係唔好成日係度講「哎呀~都係唔阻住你地啦~」「哎呀~人地要二人世界呀~」「哎呀~做咩叫xx做電燈膽呀?」...真係好....好好好好好好『煩」架 ~!!!
好乞人憎..(唔係我講架...)..好唔順耳架!!!!
不如你地試下我個情況丫~~我不斷係咁講呢d野丫~~真係唔會好受架!!!我希望你地明白!!!
我平時唔出聲~一係你地大個人...認為你地識適可而止....二係唔想傷和氣...三...係因為就算我講左你地都會反駁我架...甚至串番我...
咁算點喎!!!!!??家下一個人善善良良咁...就要不斷地俾你地蝦架啦咩?真係唔合情理!!!!
今日真係好似好大火氣...衰仔都要做一次!!
Leo呀~!!!唔好成日乘住我唔會話你而不停咁串我!!!你知唔知我忍你忍得好辛苦呀!!!
Juitina呀!!!改下你d情緒呀!!發嬲之前...唔該冷一冷靜丫!!!
邦哥呀!!!唔好成日踩低人喇~~仲有呀~~唔好成日講粗口~!!!
樂怡呀~!!!唔好成日咁大聲講野...仲有...唔好成日針對dogdog!!!
dogdog呀!!!我知你成日受冤，但係都唔好成日咁衝動...
snoopy呀~!!有時...唔係人地睇唔起你...係有時你過於硬頸呀~!!
...真係一口氣將我收收埋埋未講既野講左出黎...
希望你地會明白我有呢種諗法!!你地需知...我有呢種諗法唔係「一朝一夕」架~!!!真係積左好耐!!!
你地知唔知...我有時唔出聲..唔開心...係因為我矛盾緊...究竟我講俾你地聽我既感覺好...淨係唔講好...
你地都知架...我係要顧及好多人同時間既感受架!!!
我真係好想問你地，你地有幾何會顧我感受呀!!!
成日要拎我黎講就講...顧都唔顧下咩場合...
你地試下丫...自己最唔想人地再提既野不斷地間唔中拎出黎笑下丫...睇下你地會點諗?你地會唔會唔likey?
所以!唔好覺得你自己咁樣做無問題....就算我自己睇自己!!!我都有好多問題架!!!!
我可以話俾你地聽...有樣野我一定做得俾你地好!!就係不斷改進自己!!!識得反思自己!!!
你地成日淨係識諗「以前」「人地」既人格行為...!!
你知唔知...我唔出聲唔代表我認同呀!!係因為你地有時真係太固執...都唔聽我講...咁我出聲有乜用呀???下~!
就當我唔好唔著啦!!!我都係要話俾你地聽呢d野!!!
我成日落一樓既原因都係因為咁呀!!!班form 1 俾你地好係因為佢地會比較接受我講野..唔會反駁你...而係俾意見你呀!!!
知唔知「駁」同「傾」係差好遠好遠架?????
我每一日呀!!淨係諗點解去對你地...都諗到我頭都爆啦...!!
我係要每一日都用唔同既心情去融入你地度架...如果唔係我同你地真係無計傾架!!!!
我知我咁樣俾你地既感覺好自以為是!!!但係!!呢d係因為我真係俾同年齡既人早熟~~睇人睇得更加清楚者!!!
你地真係要試下...搵次用第三者角度思考事件!!!我包你有唔同睇法!!!
我今日想講既野講哂啦...要得罪既都得罪埋啦....我唔理你地點嬲點唔憤氣都好!!呢d係我既真心說話!!
你地唔接受既~FINE~~~你可以做番依家既你地~~~但係我可以擔保~~
難堪一定係你地第日出黎社會既必遇既!!!因為你地既性格只會俾社會淘汰!!!