2004 年 3月 16日 星期二【陰】

今日...我始終都係無番到學，一睜開眼個頭就赤赤痛...>.<

最終我十點幾硬著起身，朦朦朧朧咁去洗面刷牙...= =" 搞左半個鐘有多...未試過...

跟住咪好似好乖仔咁拎左本physic 書出黎囉...睇睇下...成十二點啦...

媽咪突然打黎話番黎同我飲茶，咁...我又好乖咁落左去搵位...

諗住今日我地成家都唔舒服...飲茶都會少講野d架喇...點知岩岩相反= ="

佢地一坐低就話今日睇醫生果時...問埋醫生佢個仔去外國讀醫讀成點...

個醫生話...佢個仔係美國讀左十幾年...考哂所有考得既醫學名函...依家係美國醫院番工添...薪水好可觀...

媽咪爹地一講到呢度就即係借題發揮...話自己做到四十幾五十歲就算喎~跟住同我一齊移民去美國= ="

講到100%成事咁...我勁無奈囉...

叫我去美國讀醫...唔係唔好...但係...移埋民...我咪見唔到香港班朋友兄弟囉...>.<...我係唔捨得呢樣者...

不過...我九成九都會去外國讀書架啦...所以...我諗我一定會珍惜呢段時間...記住同每個fd 既事...成為日後既美好回憶喇...

我諗...最有可能係form 7 完左就去...即係三年...三年既記憶唔知會係點既呢...?