2004 年 4月 30日 星期五

今日好唔自在...因為...真係完全無幫過手囉...呢個reading fiesta...

見到佢地個個都咁努力...我個心完全過意唔去...

往年，有呢d野...我接手黎做...好正常...所以...一無野做我就好唔自然...

而且，我更加唔想玩...= ="...唉...

今日個game stall...睇得出佢地既努力同用心~

仲有個musical....真係好俾心機架佢地...>.<

雖然輸左~但係唔緊要~

真係唔知點咁...好唔自然...完全係想像唔到自己一d野都無做過...

係呢一日入面~我睇得出4D係團結架~無論表面上點唔妥都好~

4D係連住大家既心既~雖然我地可能無人地咁團結~但係大家都會為呢一班負出~

尤其是我地班既chairman and chairlady~佢地兩個好努力佢為我地籌劃reading fiesta既game stall同個musical~

仲有好多好熱心既同學~幫手整game stall~諗到呢度...又覺得自己好衰...

可能我真係唔做野唔得 = ="...好煩惱...

我地呢班fd係form 4 都分散曬啦...應該開始為各自既前途諗下~

亦都要為自己班出力~不枉自己成為果班既一份子~

今日見到Leo做4E個劇既主角...好開心~

真係發自內心既開心...睇到佢既表現~I am proud to have such a good brother~!

可能我之前又發神經喇...依家既我同佢...無左以前咁走得咁埋啦...

可能唔同班喇...同埋~我地都要為各自既班出力~投入去果班度~

可能...咁樣會開心D~

總之~佢開心時~我開心喇~

見住佢nervous果時...我真係唔知點算架...除左笑住同佢講放心喇無事既之外...乜都唔識講...

哈~我好笨也~

根據九型人格學說，我係第二型『付出型』，即係...無論點都好...我都要為幫人地而去改變自己...成為

人地心目中既理想對象...唔係特登去做...係極為自然既...所以...時間長左...呢種人會埋怨『我幫左你咁

多...多謝都無聲~!』，因為人地都覺得我幫佢地係理所當然既事啦~所以...佢地既心...會好複雜~最重要

既係....佢地有『多重人格』，根據書中所說...呢個係第二型人既最大考驗~一定要咁多種人格想法一致

先可以正正常常咁生活~

不過~幫到人...自己都會開心~~~^^