2004 年 5月 8日 星期六

今日黑雨...落好大好大雨...令我不其然進入自己思想既深處

由細到大，我無可否認自己係個充滿感情既人~缺乏感情會令我崩潰。

但係，我知道...自己都係一個軟弱既人。

咁，何謂軟弱?

好似d人講左唔做咁叫軟弱? No.

好似d人話喊就喊咁叫軟弱? No.

好似d人成日被蝦咁叫軟弱? 都係No.

真正既軟弱，其實係逃避現實...而沉醉於幻想世界中~

我真係唔敢面對殘酷既現實...

我既回憶...好既係幻想...唔好既....係過去...

所以我覺得...與其唔開心既心情會影響到其他人....咁不如自己收埋喇~

所以我點都係收收埋埋好多秘密~

不過...呢d所謂秘密...對一D我重視既人...就唔再係秘密~

我講哂俾佢地聽...務求得到佢地既信任...可能...呢d叫攻心計...但係...我無惡意

我自細...鍾意聽人地講野...聽得多...分析能力自然比其他人高一D...所以...硬係同其他人玩唔埋...朋友...的確好多~但係要玩...就唔多啦~

諗起自己細個...直至遇到細佬呢段時間，我俾人講得最多既係~軟弱~無錯...我的確係一個弱者

我想改變自己...細細過已經想~但係...學鄭sir咁講...冇『赤子之心』...我細細個都冇...真係咩都唔敢去問~去試~

直到識到細佬，見到佢果種係中學都仲有既天真~同埋赤子之心~我先至迫自己去試...去放膽做野~

可能佢係上天派黎幫我^^""...我只係覺得...望佢一眼~就好似識左好耐咁...有番果種係中一冇既安全感...

點講都好...依家既我....唔多唔少都係佢(無意中)既鼓勵同埋推動所改變既~可能我都令佢改變罷...依家既佢...眼神空洞...冇左顆『赤子之心』...

另外兩個人令我改變...係Tina同Jessa...佢地俾我經歷到好多野~更加~幫我領航，陪住我行既~都係佢地~

諗落諗落...我真係欠佢地好多...

再諗諗今年既自己...真係完全令人迷糊...我都搵唔到自己既想法...

稍為清析既係...我想搵番童真...一樣我無左好多年既野...

呢個想法...令我主動去識form 1......又好巧合地~俾我遇到個仔...佢係今年form 1 少有既一個...完全童真既想法~令我地每個人都樂在其中...我好鍾意呢種開心...因為...係毫無顧慮既~

更加~巧合地...識到Mona Vincent 佢地...令我知道...成熟既form 1 ...係存在既...

但係...今年既野真係好模糊...

可能模糊仲好喇...起碼會令我一諗就諗番d開心既野...

人...今日唔知聽日會唔會升天架嘛...

如果我一定要聽日升天...我會揀...為左救我著緊既人而犧牲果種...因為~我想臨死都帶住充分既感情...