佢叫RAYMOND，我鐘意叫佢RAY RAY多D，好聽嗎！？佢係我0既契細路，佢好得意家∼好似BB咁，D皮膚又滑喎∼佢話佢細果個時，成日用牛奶沖涼喎，所以D皮膚先咁滑．．．．佢把聲好似女仔家，如果0係電話度，唔知係佢呀，仲以為係女仔打唻添呀！好受歡迎家佢，係我地班，有好多人鐘意過佢，或者鐘意緊佢家．．．．

ICQ#119286720

佢叫做Berlin，不過D人多數叫佢做施柏0既．．．佢呀？！幾靚仔0既(好懷疑)，不過佢又真係好好人家！但係有D(唔係有D，係好)重色輕友囉，不過咁先證明佢好鐘意佢女朋友嗎！佢對朋友又唔係好差0既，都好好家！係我唔開心0既時候，佢都會安慰我；係我有事解決唔到0既時候，佢又會俾意見我，都好好家！0係佢身上，都識到好多人家∼佢成日介紹佢果班D人俾我識0既．．．所以，我而家都識左唔少人．有時，佢好單純,有時又好成熟喎，好難講佢0既性格．．．仲有，佢好信星座D野家∼成個女仔咁∼∼∼

ICQ#115241010

佢呀？其實我都唔知同佢算唔算係好朋友，不過我都當佢係0既，如果唔係，都唔會寫佢啦．．．不過唔知佢當唔當我係呢？佢都好受歡迎家∼仲受歡迎過RAYMOND添！！有成半班都唔止0既女仔鐘意過佢或者鐘意緊佢家．．．所以佢冇我呢個朋友都冇所謂啦．．．仲有咁多人同佢玩．．．佢好高家∼有成184cm高(記住，係中一咋)，你話高唔高！？同佢講野呀,好辛苦家．．．

ICQ#101240957

佢又稱燒雞翼，係咪好好聽呀？佢幾好家，都唔會蝦女仔，唔似得我地果班D男仔咁，成日蝦女仔，冇D風度！佢以前都好靜家，可能跟得我地班D男仔多啦，搞到佢而家大膽左．．．有一次上堂仲好大聲講"春回大地"四個大字添∼好搞笑家．．．不過,如果唔係我果班就唔會知咩事，亦都唔會覺得好笑．．．咁就算啦∼∼∼

ICQ#120113123

佢好多花名家∼等我慢慢講啦----有病神，跛手，腎病等∼點解會有呢D花名呢，病神---佢個英文名讀音，跛手---佢之前跛過手，腎病---佢個英文名讀音倒轉．．．D名係咪好傻呢！？介紹完佢，係時候講下佢啦！佢好好人家，(個個都係咁講，冇計啦，佢地個個都咁好)仲有呀，佢係一個講得心事0既人囉，佢好守得秘密．．．