Fancl 的真面目
好多女仔都會信 fancl 真是無添加，我都信架，期期都睇它的雜誌，聽講在日本都咁出名，應該都唔會假掛？.............
有一個好朋友她話將來要去美國喎，咁0岩她又是 Fancl 的 fans ，成身都用它的產品，成日都叫我買它0的產品啦！好有用架！..............咁我都聽她講過買 Fancl Silm Up ，買左幾盒，飲左之後，覺得都幾好飲喎！..........但就無乜效咁了...................我個時就唸會唔會人人都唔同呢？咁就唔飲了，我吃少0的仲好過................
呢排做左某某雜誌既會員，人人都講緊關於 Fancl 既野，但是話它好既就少過話它又貴、又唔是出名、又少...........好多好多.............咁我咪在呢度話比大家聽，原來 Fancl 的真面目是.....................
唔明點解香港女仔咁鐘意用Fancl，唔好話我危言聳聽，早前日本雜誌"女性自身"揭穿Fancl西洋鏡，其實佢大部分skincare都有添加劑，無添加不過係個gimmick，佢地無添加產品，計上黎唔夠一成。當時Fancl發言人表現支吾，居然話重來無標榜過『所有』貨品都係無添加。唔信唔該買來自己睇，十二月中一期，紀香做封面的。
根本Fancl o係日本係個二打六牌子，你地諗0下，日本紙水咁貴，化妝品如SK-II, Kose賣得仲貴過港，偏偏Fancl價錢不過係香港六、七折，你就知佢幾不濟喇！
你無留意次次去日本只有香港人掃Fancl的嗎？日本雜誌你又有無見過佢地介紹Fancl?加上仲要搵梁詠琪做代言人，超級反感！
你地睇完有咩fｅｅｌ？？
信唔信...好似幾可信咁woｒ．．
你話，咁多人話它唔好，成為會員既我，其實我覺得它既 MCO
落妝油都好正架！但除此之外，我對它既健康食品就有所保留了，我都未食過喎.................但是我買左本雜誌 "no-non"，入面都有介紹 fancl 的產品，咁我就對於呢件事就唔知是真定是假了？.........
最新消息呀！有個會員話她的媽咪在醫院度做既，她媽咪話有幾個病人不約而同咁話她們之前係飲過 Fancl Silm UP ，嘩！我睇到都驚呀∼但我唔知是真的定是假喎？？.................
我都會講其他牌子既，例如 effusais啦、lpsa、Lancome.......既牌子，唔會咁悶麻！..........近排ettusais因應春夏的來臨，給予各位女仔的特別需要(好似是給油性皮膚的女仔用既喎.......)有毛孔三重潔淨組合(淨膚紙、毛孔潔淨面膜、毛孔潔淨精華等.....)又有些女仔在夏天成日都有面油，它都出左呢0的產品包括(防暗瘡控油啫喱、防暗瘡防曬霜同埋清爽粉餅添！) 又或者有ettusais的Acne Body Whitening Mist，是預防身上長暗瘡........計我話，呢0的新產品都是0岩油性的皮膚用既............
今次lpsa出左一0的 "全新抗氧防曬系列" 能阻擋紫外線、乾燥的空氣及氧化帶來的傷害，因應唔同的需求，給你周全的保護、預防紫外線。
而Lancome今次就出左一個優惠，就是你買滿 $680 ，你就可以有一份禮物，有一個袋、兩個細袋、一枝香水、一枝唇膏及一份美白套裝。我咁0岩同男友去Lancome買野，買左野就己經超過 $680，他用過男裝的產品，都話好好用呀！同埋我本身是會員黎架，買野仲有積分呢！......哈......
近日睇返0的網址，發覺某部份女仔對於清潔皮膚都有0的誤解，我就在呢度講返啦，起碼可以幫到她們。其實有0的女仔出街之前都會搽防曬面霜既，是咪？但是有0的人就唔知返到屋企沖涼時尤其是洗面個陣，有0的只是用洗面啫哩或洗面乳，但是到底知唔知，如果只是用呢0的野洗面既話，你塊面會好唔乾淨架！真正黎講是要用卸粧油黎卸粧既，跟住一定要洗塊面先喎！如果唔是既話，過左幾天之後，你塊面會生左0的粉刺、黑頭或者塊面會生紅點架，我都試過，咁後尾我就買返 Fancl 的卸粧油之後，我塊面真是好乾淨架，又靚左好多添！如果你平時有搽防曬產品或者化裝，洗面時一定要先用卸粧油呀！呢點要切記切記！！...............
有0的人話飲左花茶會令到皮膚靚0的架，好似話飲玫瑰花茶咁啦，有人每日只飲呢種茶，一個月後就令到皮膚白左兼且滑左呢！好似呢排萬寧都出左花茶，但我可以話，除左在個度買之外，我在出面買茶呢，買$80有50克玫瑰茶，每日用溫水沖黎飲，0的皮膚粉紅左，仲滑左添！在有信譽既藥鋪或者在百貨公司買都得架。不過呢0的野都係見仁見智啦，有0的得；有0的人唔一定得架...........
有時都可以做磨砂(例如︰Olive Oil+砂糖)令到面上既死皮沖走，但記住啊！唔可以成日做架，咁樣對皮膚會做成傷害架，最好一個星期做一至二次就己經夠了。對於油性皮膚，有個方法既︰用粗鹽敷臉上數分鐘後就洗去，之後你塊面變得光亮乾淨同埋己經有消炎功效架了，拍上保濕液便可，一星期做二次。有個秘訣呢！*洗完面後飲半個鮮檸檬汁，這可以保濕皮膚兼可美白架，你可以試一試喎！
