One 2 Free Jay Chow in Concert 04
周杰倫 04 無與倫比演唱會
後記

2004/11/12（FRI）  8：15 pm  B553294/95

Official photos

對比上一次，少了花巧華麗，卻簡單直接，以歌會友，純演唱會。依舊精采無與倫比。
我的間斷性失憶又回來，希望盡量將記得的寫下卻不知從何開始寫，零零碎碎的，請見諒。

全場爆滿。雖則是 200 蚊的最位坐，但好正中，個場睇晒。亦都因為正中，d 燈光超級燦眼。大電視個 d 鏡頭我覺得可以再 snap 得好 d 囉。我旁邊的女仔好興奮。

一開場的那紅紅十字架站著穿著閃閃西裝的杰倫，搶眼到痺！
一輪快歌一輪慢歌，各有各好，突出晒 Jay 既即場發揮歌唱才華，絕對係 CD 聽不到！
唱既歌有以父之名、星晴、黑色幽默、龍捲風、簡單愛、安靜、開不了口、回到過去、爺爺泡的茶、東風破、三年二班、晴天、點題之作七里香… 數不盡了，特別快歌，有 d 唔太識分。

吹笛，引黎無限尖叫，又一次見證他的多才多藝。
跳舞，比上一次跳多左但還有待進步，看得出他的努力。
彈琴，我至愛一 part，很喜歡他大大的手靈活的彈黎彈去。粉紅色琴，出奇的 match，好靚既 Yamaha。邊唱邊彈，enjoy 的他，享受的我，型爆∼
同南拳媽媽 jam 鋼琴，嘩，隻手好似唔係佢咁，精采到拍爛手掌。
廣東話歌「償還」 + 「獻世」，又一輪尖叫（當然包括我囉），秘密練兵後的他，雖則 " lur lur 月利 "，但還是非常可愛。

唔，還有很多…
全場喜歡地拍拍那附送的 "拍拍棒"（我是這樣叫它），一路跟佢唱一路打拍子，好有 feel。
慢歌，如我至愛既安靜、星晴、晴天等，我都會揮下螢光棒，好正，佢 d 慢歌好 touching。
見到佢同 d fans 握手，我有 d 羨慕又妒忌哦∼
嘉賓，南拳媽媽，好有杰倫 feel，但唔知佢唱乜，anyway，我會依舊坐係位尊重佢地。
今晚我好興奮，冇收埋自己，有大叫，但冇尖叫，有大力的拍 " 拍拍棒 "，亦有靜靜的聽。
請准我大呼「Super Love Jay」，期待他未來的演唱會，我會繼續支持。

Unofficial photos（taken by my mimi）

花巧的演唱會多得是，但我卻獨愛周董的純演唱會（雖則我都喜歡有 gimmick 既 concert）但如果 Jay 只懂賣弄花巧，我才不愛他。我是真正喜歡他的音樂，他的才華。
今次 concert 我好開心好滿意，氣氛好好，希望 Jay 佢繼續努力，下次會更有 suprise，bring more good music for us。