前晚剛回港的陳冠希,被大批傳媒包圍。

  學成回港 即助調查毒品案
陳冠希無損心情風騷出席試映會
文: 潘 琳 24/03/2002


陳冠希終於完成兩個月學業前晚回港,他承認在機場協助一宗毒品案調查,昨日他出席《想飛》試映會時,明顯沒有影響心情,更風騷地表示此行收穫甚豐,四篋去九篋返,但卻完全沒有預BoBo陳文媛一份。


陳冠希為期兩個月的日本、美國學藝之旅終於結束,並於前晚返港,他承認甫入境即協助調查一宗毒品案,但事件卻沒有影響他的心情,並於昨日再度投入工作,為電影《想飛》試映會造勢。

提到兩個月來在外國的生活,陳冠希即滔滔不絕說:「我學跳舞、日文同國語,唔使日日做同接受訪問,屋企人同公司打唔到電話畀我,更加唔會有狗仔隊跟,加上我成日去玩,日日唔同地方,仲買好多衫、鞋同DVD,四篋去九篋返。」問是次行程花費多少,陳冠希即故作神秘說:「今次全部自資,用一部電影片酬囉!」

買禮物唔預BoBo


至於有否買禮物給緋聞女友BoBo,陳冠希說:「BoBo關我乜事?(佢係你朋友嘛!)咁你(記者)夠係我朋友囉!我好少會買禮物畀朋友,原本諗住買畀公司同事,結果都冇買到,淨係買家姐打電話託我買咋!」

陳冠希回港後的工作密密麻麻,他說:「原本諗住去三個月,但因為多做俾公司叫返,咁我都放兩個月假,返要做番都應該。」

source:the sun dailynews