陳冠希Edison自美國進修歸來後，立即被「毒郵包」等連串負面新聞圍攻，昨日有傳百事有感Edison形象受損，決定暫停他所有宣傳工作及將他飛出局！不過汽水商方面已否認此事，並表態支持Edison！
陳冠希從美國進修回港後，即發生「毒郵包」事件，其後有關他的負面新聞可謂一浪接一浪，繼早前傳出他與緋聞女友陳文媛在家中吵架，Edison一怒之下將她逐出家門後，昨日又傳百事有感Edison連串不利傳聞令他形象受損，故決定於今年九月約滿後，便將他飛出局，並部署簽下台灣人氣王周杰倫，取代他的代言人地位，更下令即時暫停Edison的所有宣傳計畫。
否認被周杰倫取代
本報就此事向百事發言人Fion求證，她聞言即強烈否認說：「我完全唔覺負面新聞對Edison有影響，發生件事（毒郵包）後，我已了解過，知道完全唔關佢事，我絕對支持佢。（Edison係咪今年九月約滿？）佢係今年內約滿，但份合約仲有工作未完成，我已經同佢傾緊暑假合作計畫。（同Edison傾續約未？）舊約工作都未完，點使咁快傾續約呀？」
此外，Fion亦澄清簽周杰倫絕非取代Edison：「Jay（周杰倫）同Edison兩個形象同風格完全唔同，根本唔存在取代問題。」
與百事關係良好
而Edison所屬唱片公司Musicplus中文唱片部市場總監甘菁菁則說：「Edison一入行就簽畀百事，可以話係同百事一齊成長，所以百事無論同我，或者Edison經理人公司，關係絕對良好，所以又點會唔要Edison呀！我仲已經傾緊暑假合作計畫添！」