陳冠希（Edison）是新一派偶像歌手，有型有款，不但迷倒一眾香港少女，就連日本紅星深田恭子亦被他深深吸引，恭子更為與Edison溝通學習廣東話，並日日聽他的CD！但Edison卻絕情地表示，自看過恭子當眾捽腳趾後，絕不會喜歡她！
正當陳冠希與陳文媛的緋聞鬧得熱烘烘，日本當紅偶像深田恭子竟然加入「戰團」，公開表示傾慕Edison！除了每日聽他的唱片，更為了這位「如意郎君」努力學習廣東話，希望打破彼此的語言隔膜，好好溝通一下！可惜神女有心、襄王無夢，Edison正式拒絕恭子「好意」，並斬釘截鐵肯定兩人沒有發展的機會！
唔識日文難溝通
Edison昨日出席《英皇三周年記者會》，「企硬」不與恭子交往，他解釋除了因為二人生活在兩個不同地方，最大的原因是恭子早前來港時，在公眾場合捽腳趾！
Edison笑說：「因為我睇過佢張捽腳趾相！（係咪扣晒分？）係呀！」笑問Edison是否很怕女仔捽腳趾？坦白的他亦不拐彎抹角說：「做緊唔好囉！（冇睇過張相係咪有機會同對方發展？）但係我睇過，已經個腦面啦！」
但他對於報道指恭子希望與他發展還是不大相信，並表示與對方只見過一次面。他說：「係朋友?，我日本見過一次，係公司帶我去見一人時見到，之後就冇見過。（覺得佢點？）幾Cute！（鍾唔鍾意呢類型女仔？）OK啦！」
再問他有否發展可能，他說：「應該冇呢個機會，我唔係好識日文，佢又唔識廣東話。（你佢囉！）我諗我冇時間，而且我諗佢都有男朋友啦！」