陳 冠 希 （ Edison ） 昨 日 從 台 灣 返 港 ， 下 午 即 趕 往 尖 沙 咀 為 婚 紗 店 做 剪 綵 嘉 賓 ， 歌 迷 聞 風 而 來 擠 滿 店 舖 門 外 及 對 面 行 人 路 ， 見 Edison 坐 開 篷 車 出 現 ， 歌 迷 叫 囂 聲 此 起 彼 落 情 況 墟 。

對 於 被 周 刊 拍 下 Edison 和 BoBo （ 陳 文 媛 ） 出 發 日 本 的 機 場 相 片 一 事 ？ Edison 則 言 ： 「 冇 講 哩 ！ （ 仲 乜 一 講 就 面 紅 ？ ） 冇 呀 ！ 」 講 到 被 踢 爆 赴 日 可 感 尷 尬 ？ Edison 坦 言 ： 「 唔 覺 得 ， 咁 我 都 廿 一 歲 有 女 朋 友 都 好 正 常 ， 但 我 真 係 冇 ， 所 以 冇 好 講 。 」 對 記 者 不 斷 追 問 ， Edison 便 舉 起 手 ， 笑 言 ： 「 你 再 追 問 我 就 舉 牌 （ 示 意 投 降 ） 呢 ！ 」

生 日 同 媽 咪 食 飯
問 到 七 日 （ 即 今 日 ） 生 日 和 誰 人 慶 祝 ？ Edison 謂 ： 「 我 會 同 媽 咪 食 飯 ， 希 望 冇 人 騷 擾 我 啦 ， 因 媽 咪 唔 想 影 相 亦 唔 想 見 報 ， 但 我 知 都 好 難 囉 。 （ 咁 可 會 約 BoBo ？ ） 如 果 夠 時 間 約 班 朋 友 出 都 會 ， 但 晏 晝 去 完 生 日 會 ， 就 同 媽 咪 食 飯 ， 之 後 就 拍 戲 。 」 問 到 收 到 BoBo 的 生 日 禮 物 及 電 話 祝 賀 ？ Edison 直 言 ： 「 都 冇 見 佢 ， 點 收 呀 ， 而 且 今 日 先 六 日 ， 唔 通 今 日 打 預 祝 ， 正 日 又 再 打 咩 ！ 」 有 記 者 笑 言 上 次 你 咁 趕 都 去 日 本 慶 祝 啦 ？ Edison 反 駁 BoBo 是 十 八 日 生 日 ， 她 十 八 日 就 返 港 ， 又 怎 和 她 慶 祝 ， 但 問 到 是 否 一 齊 去 日 本 時 ， Edison 又 無 奈 說 ： 「 我 舉 牌 啦 ！ 」 至 於 緋 聞 女 友 BoBo 昨 日 在 電 影 開 鏡 活 動 ， 對 拍 得 和 Edison 在 機 場 的 相 同 樣 回 應 說 ： 「 冇 講 ！ 」

Edison 從 台 灣 返 港 便 為 婚 紗 店 剪 綵 ， 歌 迷 蜂 擁 而 至 ， 相 當 熱 鬧 。

若 然 Edison 身 邊 的 女 孩 換 了 是 BoBo ， 相 信 一 定 掀 起 歌 迷 騷 動 。