7月
| 我又游水呀~~ 7月31日 2.26PM |
| 水---就真係游唔厭架~~仲好好玩tim呀~~不過今日特別左d~因為行雷~so游小左45分鐘囉~~我真係唔夠喉架~~哈哈哈~~ 番到屋企樓下..見到有個人著住"KISS"既衫呀~~!!!>.<~!!!勁呀~~我愛hide呀~!! |
| junk story .\ /.哈哈哈 7月29日 5.40PM |
| amam同完亞哥游水....佢話教識佢游自由式就買junk story俾我呀~~開心死呀~~雖然佢仲未點識游~但係佢都話買俾我呀~~不過要等佢出糧哦~~要等多幾日呀~~都好快既姐~...講真句呀~如果佢唔買俾我~我都會同佢游既~~話哂都係我親愛既哥哥呀~ |
| 失望呀~~>︿<~ 7月27日 4.43PM |
| 今日叫左嘰同我一齊去揀結他~我傻傻地咁拎左四百去...諗住買一部結他..一個結他套同一本結他入門書...我地行行下..有d唔對路呀~~因為結他比我想像中貴同樣衰...靚果d好貴..平果d好樣衰...點知行左半日一d收穫都冇..我好失望呀.~~我諗唔知幾日先至會有一部屬於我既結他....其實我想學電結他..我會有心機學多過木結他..但係我唔想屋企又多個負擔呀...... |
| 垃圾站 7月24日 10.58AM |
| 我張台一向都有大量垃圾呀~就好似垃圾站咁...我咩野都會放係台...但係亞媽開始忍受唔到我呢個習慣...佢今朝要我拾好哂台D垃圾>.<~~唉...拾到我都唔知點解會有咁多野~拾左個幾鐘....之後仲搞到成地塵~而家都未掃...一陣有排搞....我琴日游完水仲未勀完架嘛~~~~~~ 冇錢買Junk Story..........好真係好想要~~~~~>.<~!!!!!有冇人可以買俾我~~!!! |
| 赤...7月23日 3.43PM |
| 一早又去左游水~又係5個鐘....唔知點解今日勀好多...本來好好玩架....仲見到舊同學TIM~~>.<~但係游完水之後就落雨..最慘係我對拖鞋爛左....>︿<..唉~要赤腳去亞嘰屋企換鞋...好彩佢借左2隻VCD碟俾我睇~~係卡通黎架~..好暴力哈哈~裡面有個男主角梳hide以前果個"怒髮"頭架~佢好打得架~不過唔知點解佢個頭完全濕哂都唔會跌落黎~~好勁架~~~ |
| 櫻花木棉...||| 7月22日 7.48AM |
| 前果2日我去姨媽係布吉,離香港好遠~`好遠既大陸樓住左一晚....真係好遠呀~~搭車都搖左好耐...搖到我頭暈>.<~!!不過果度好靚呀~~個餐廳d野食好正架~最好味都係個咕嚕肉~d肉脆外面.裡面嫩架~~仲有個泳池呀~~雖然唔大呀~但係好靚...不過d"綠"氣勁得濟~搞到我游得好辛苦~我都係游左2個鍾咋~仲搞到個鼻鬼咁痛~...>00<...有一樣野好搞笑架~我見到大陸果d木結他好橙架~係勁橙免果隻呀~我問個sales用唔咸唔淡既廣東話同我講~"係煙化唐木面".....(係櫻花同木棉)>.<~!!! 大陸d書真係好平呀~媽咪買左本harry potter俾我..當然係簡體字啦~~都係二十六個半咋~平到噁呀~~>.<~!!呵呵~~不過d字就睇死我lu~~~ |
| 勁呀~~7月19日 6.50PM |
| 整日都在日本網站留連..俾我搵到好多好多hide既相有好多我未見過...而家要收埋先~因為我今日好勀呀~再唔陏得啦~我聽日仲要上大陸..不過好彩都係住一晚...星期日下午返~我聽日同後日都唔會上網啦~希望網上一切平安啦~唔好有咩問題就好啦~ .....呀仲有野要講~就係我個網已經爆左yahoo個容量啦~~yeah!!而家其實係2個網既合體啦~~congratulation 仲真正感受到hide對我既愛~!! |
| 水水~7月18日 10.08PM |
| 勁勁勁呀~今日又同嘰游水仲有佢細佬呀~~好辛苦呀~游左5個鐘頭呀~~游完水十分肚餓...買左2個麵包~當然十分好食啦~~~真的..~!! 可能是亞嘰太靚既關係呀~佢又俾救生員聊~~哈哈~~我連佢一半都冇呀~~真係~呵呵~~不過今次既救生員靚仔好多呀~~[嘰話既]......冇眼睇啦~ 嘰今日仲俾左d係日本既hide fan既資料我呀~仲有好多hide既雜誌資料~開心死囉~但係都冇錢買啦~~可憐蟲呀~ 當真可憐蟲~我好似病左~發燒~~而家要訓啦~hide早抖啦~ |
| 勀...7月16日 |
| 好勀啦~這個幾月以來..真的勀透了..天氣又熱..電腦又壞..這是多麼的可怕呀~>.<~ 改板總算完成啦~~可喜可賀呀~哈哈~但有些link還沒有完成....我諗好快就ok啦~可能有些都忘記整....你記得提醒我呀 |
| 爆炸7月1日 |
| 今日維港爆炸呀~>.<~!!仲好靚tim~哈哈~~好大架~......因為香港回歸袓國....我真係好有強烈既回歸感覺架~因為一回歸..屋企既經濟就....總之就勁啦~!!都係五十年不變啦~~ 表姐今日買左seasons lee既大碟[深舞]俾我呀~開心哦~呵呵~~仲聽左2次tim~佢既感覺同hide x japan係好唔同~~可以話係極端...hide既係好快~好快~好激進~好似要主宰世界咁~[可能係我個心]....但係seasons lee既係輕輕帶過咁...會舒服過聽hide既歌~但係呢種感覺對我十分不安~..係真架~可能我犯賤!!~~>.<~ |