陳 奕 迅 （ Eason ） 即 將 約 滿 英 皇 ， 據 知 其 唱 片 公 司 Music Plus 本 計 畫 於 四 月 底 為 Eason 推 出 一 張 精 選 大 碟 ， 但 至 今 亦 無 影 蹤 ， 不 禁 令 人 聯 想 是 跟 Eason 約 滿 有 關 。

公 司 望 夾 埋 一 齊 出

記 者 致 電 Music Plus 的 助 理 總 經 理 Ivan Mui ， 他 直 言 叫 記 者 不 要 太 敏 感 ， 還 表 示 ： 「 起 初 公 司 真 係 有 諗 過 四 月 幫 Eason 出 一 隻 影 象 碟 ， 推 遲 係 因 為 Eason 新 碟 已 經 做 緊 ， 差 少 少 後 期 未 做 完 ， 所 以 公 司 只 係 諗 住 夾 埋 一 齊 出 ！ 」

Eason 跟 英 皇 在 六 月 底 正 式 約 滿 ， 新 大 碟 亦 已 接 近 完 成 階 段 ， 但 問 到 Ivan Mui 計 畫 何 時 推 出 時 ， 他 只 謂 ： 「 而 家 仲 未 知 ， 雖 然 Eason 拍 完 戲 要 放 兩 個 月 大 假 陪 徐 濠 縈 ， 但 我 相 信 若 果 到 時 出 碟 話 ， 佢 一 定 會 幫 手 做 宣 傳 。 」

當 年 常 被 查 身 份 證

而 Eason 昨 日 與 容 祖 兒 繼 續 於 灣 仔 為 電 影 《 神 經 俠 侶 》 拍 宣 傳 片 ， 坦 言 出 碟 的 事 有 待 公 司 安 排 ， 到 時 當 然 會 盡 量 配 合 公 司 宣 傳 ， 而 昨 日 穿 起 警 察 制 服 的 他 非 常 神 氣 ， 還 回 想 起 十 七 歲 在 英 國 讀 書 時 ， 返 香 港 都 經 常 被 警 察 查 身 份 證 ， 他 笑 謂 ： 「 我 當 年 頭 髮 長 到 膊 頭 ， 曬 到 好 似 古 天 樂 咁 黑 ， 成 個 印 第 安 人 咁 ， 又 成 日 短 褲 人 字 拖 ， 差 人 查 身 份 證 都 好 應 該 ！ 」