| 1 黑仔 x 100 |
| 第一日當然我訓唔著啦
. 諗住唔會唔知醒好好啦 . 但係出門口岩岩走左架車 . 好唔開心呀 .
又要等成半個鐘 . 好擔心會唔會遲到上唔到飛機ga?
去到機場因為大笨象好麻煩地要坐窗口位 . 最後攪到又無窗口位又無得一齊坐 . 最衰大笨象呀~好嬲! 做乜分開我地呀? >.<....... 好喇 . 到日本喇 . 排隊過關果時我見到森美 . 佢個樣好高傲 . 一過完關 . 成個機場充滿煙同燒焦味 . 有無攪錯呀?機埸火燭無車飛賣 . 咁我點返酒店呀? 一黎到就浪費我d時間 . 我問d日本人佢地又話唔到我知佢時有得賣返 . 點解唔識擺係出面賣 ?日本人蠢.... -___-"十年唔知有無一次咁都俾我遇到火燭 . 咁唔知叫好唔好彩ne? 最後問個香港人 . 我地由ternimal 1 搭去 ternamal 2再搭返酒店 撘撘下車我見到窗口有小水點 . 落雨 >.< 個天係都要玩野ga wo 之後落車撘taxi去hotel . 一入去joey 已經係入面喇 .咁我地一齊上房參觀下la . 雖然好細小 . 不過都好骨緻下 . 個toilet仲好先進tim . 東京最cheap 果間酒店都叫住得下人啦 ! 咁放低d野我地就行返出新宿mtr 果邊送走joey . 我地認住返酒店條路同點買mtr飛 . 今日留係新宿閒逛 . 落雨濕濕好鬼麻煩 . 我地行左beams 同百貨公司果d . 走果時係一間拉麵店食 . 又幾好食wo!!!今日乜都無買到呀~見到d野覺得唔係好靚又好有衝動買 . 不過係睇定d先啦 |
| 2 crazy shopping~爽! |
| 好喇
. 終於等到第二日出發去我地既天堂--原宿
. 今日第一次撘山手線
. 感覺好新鮮 .
不過日本既火車其實同香港都差唔多啦 .
一出去諗住食60 yen 壽司 . 不過原來唔係碟碟60 .咁我地就無食喇 .經過竹下通 . 行行下頂唔順入左一間餐廳食拉麵again 果到好似茶茶廳 . 清一色麻甩仔/佬食野 . 我覺得竹下通好似旺角 . 對日本之旅有d擔心... 食完又起行 . 順利到達beams . 買左好多野 . 去埋 369 . nh . head porter... 明明ape係附近 . 但係搵唔到 . 搵左一陣原來無行錯 . 原來係地底 . d shop 全部懶特別 . 起埋d怪位到 啍!咁出返去行laforet . 有晒x-girl . hys. hysmini . sl .heather . em&e . 行得好鬼起勁仲好tired 坐低睇下自己買咁多野使左幾多 . 但又唔係好多wo . d$好似洗極唔完超爽 . 咁就落埋x-girl . 又做豪客 . 而家下午 . 我都一袋二袋. 一陣都唔知點算 . 搵porter 果時問路 . 發覺d日本人真係好鬼好人 . 好似幫唔到你自己好唔開心咁 . 點都要教識你點去為止 d shop晨咁早就收 . 入夜就過涉谷 . 一出到口好大部電視好多人 . 咁去食100yen壽司 . 要等不過好快 . 但係就無乜款 . 算啦 100yen都預左 . 買左好多雜物 . 最開心有斑馬紋床單 . 想買既野今日都買晒 . 聽日都唔知點算 . so happy today |
| 3 ape支線一日遊 |
| joey話d
shop日日有d新野
. 所以d人日日都晨早鋪頭開就去排隊 .
今日我地晨早去驗証呢個講法 . 行返ape真係多一兩件不過又無乜人排 . 去x-girl
又係多d野 . 又有得購物 super 開心
係ape拎左佢所有shop 既map . 咁就開始原宿ape支線一日遊 .bape gallery/milo/bapy 到到都山卡啦咁遠 . 東南西北去晒 好tired>.< nite 又去過涉谷買立雜野 . 竟然幾時去到其他地方呢? |
| 4 nice day |
| ape完之後今日到就supreme
. 勁多人排 . 本身我地想走ga喇 .
見到我地之後不停有人黎 .
咁我地又坐係度唔好蝕 . 之後我地問隔離個閒日係唔係都咁多人
. 咁佢唔識英文 . 我地就畫圖佢睇 .
畫好多火柴人同好少火柴人去問 , 勁頂癮 .
跟住佢好努力咁諗個英文去答我地 .
真係閒日少人d . 咁星期一又要黎過 -____-"
之後同日本仔傾計
. 佢知我地hk即刻話sars . 我地緊幫hk宣傳it"s ok
now啦 . 之後佢問應該之後去邊旅行 . 佢d日文.英文.手勢
. 我以為佢問我地之前去過邊 . 我地答korea 同us .
wa... 之後睇佢地既反應我諗我地誤會jo .
佢地以為我地係去完日本再去korea 同us有錢人 ~哈哈...不過算啦
. 都唔知點同佢地解釋返 . 就做一陣子有錢人啦
. 我地又問佢d日文粗口點講 . 閒談到開門 . so funny
入supreme無野買又走去上野動物園 . 趕住去睇企鵝 . 跑到死死下 . 點知同書既介紹唔一樣 . d企鵝俾野圍住 . 都唔係企出黎 . 等我地跑得咁辛苦 . 好多野睇 . 剩係bear都有4種 . 有獅子/老虎/大笨象/馬騮/弗弗/蝙蝠/斑馬/袋鼠...講得出都有 . 我地見到弗弗make love . 北極熊用頭"r痕" . 黑熊扮死 . 好得意勁好笑!!!不過未行完就要close...去埋上野 . 好似話呢度係d手信地區 . 勁多人~d野都唔岩我地 . 係d冬菇.魚翅果d黎ge >.< 夜晚過池代 . d shop 已經close 晒 . 行到勁tired 見到有間野d野食勁吸引 . 雖則對我地黎講好似貴左d . 咁挫左咁多日 . 今日食餐好啦 . 最後我地上左去 . 間餐廳全部野都用星星... 好靚呀!叫左意粉同雪糕 . 賣相超靚lo . 又好食!下次去池代我一定制襯呢度 |
| 5 日本文化 |
| 今日又到排bape
gallery. 日日nite行到勁晏又勁
支力 . 第二朝又要逼自己好早起身 . 等d shop一開我地就入去
. 起身果時好似跑完1500m咁 . 我feel到自己行果時係無靈魂ga
. 人地去旅行嘆 . 我地去虐待自己
係bape gallery睇完玩具就去原宿神宮橋睇怪獸 . 好多怪人呀!!!有超級mk人啦.有超級punk 人啦.有護士有漫畫人 . 佢地一班班咁坐晒係到唔知做乜 . 好鬼頂癮呀真係 . 好多外國人影佢地 . 又有好多magazine映佢地同訪問佢地 . 我地都唔執輸搵左幾個最經典既一齊影 , 佢地都好nice呀 . 仲擺晒pose ~~wahahaha,.... 真係好鐘意係呢個地方玩 之後想搵跳蚤市場 . 搵極都搵唔到 . 行行下有個人係隔離話"yum yum yum..."係 y 文我地唔想搵佢影相. 但係想問佢路 . 不過佢已經走左 . 最後我地由原宿行左去涉谷 . 行極都係搵唔到 途中見到有個人拍野 . 勁似shunko呀攪笑 . 唔知係唔係明星呢?. 行行下心諗會唔會係原宿上半段路 . 又撘返mtr 去原宿 ...勁低b 之後去3鷹個宮x峻博物館 . 好開心地去撘貓巴士 . 點知買飛唔係係門口ga . 要係巴士站買 . 咁果到d人就俾map 我地出返去買飛 . 入面勁靚呀!!!d龍貓.貓巴士 . 勁勁勁好睇 . 不過最衰唔俾人影相啦 . 不過我唔舒服 . 都無乜仔細咁睇 . 都無行晒tim呀俾錢入去嘔ja . 所以下次有機會去日本 .我一定再去過!!! 咁好簡略去完博物館 . 就返酒店休息 . 因為我真係頂唔順喇 . 係度訓左 兩個鐘 . 男朋友落樓下打機 . 訓完我又好精神地嘈住話要出去 . 咁就去下北汱 . 因為我要買烏冬貓d野 . 去到果間野 . 好多書同雜貨 . 仲有gloomy >milk chan>bambi>blythe ... 總之就係我鐘意果d都係晒度 . 我係咁搵烏冬貓擺係邊 . 頂~點之係一個小角有keychain . 漫畫同好細個仲好烏糟既公仔 . 個公仔唔知可以講野定點ga . 我勁想買~無奈佢真係好烏糟~~~~~~唉!唔開心~我都未行完就被逼行第二d先 . 因為呢間野好難得12點先收 . 平時8點d shop 就close 晒ga喇 . 係果度食野 . 我發覺呢個地方d人好型ga . 個個都好特別同好有性格 . 又有d外國feel . 感覺好正呀~~~~~好like下北汱呢個地方 |
| 6 激~ |
| 今日又去過supreme
.日日唔係ape就supreme . 真係悶!最後又係買唔到野喇
. 其實supreme擺明呃錢ga啦 . 間shop又無貨賣 .
買野都係是旦俾個核突膠袋
. 但係又有人鐘意唔憂無生意
之後出發去後樂園 . 無端端係鬧市有個遊樂場 . 都真係幾鬼攪鬼 . 去到又唔使俾入場費 . 一入去已經見到果條好勁既過山車 . 我一早講明唔玩ga . 又俾人逼去玩 -____-"~見到佢又斜又長又穿過摩天輪同商場 . 超型 . 好彩玩完俾想象中好 . 岩岩上果時仲v 晒 . 玩完就知佢厲害!玩完好想再玩 . 下次去日本就要挑戰富士吉喇 之後返新宿行一陣 . 又買野 ~哈!咁食一檔章魚小丸子 . 幾好味但係超熱 . 仲要識爆 . 我又唔知 . 一咬落去爆左d料勁熱旦就去我嘴唇 . 痛到pk . 隻手又拎住野 . 唔可以抹左佢 . 眼白白feel到勁痛但乜都做唔到 . 最後我嘴唇係結左焦///超無奈 ~第一次見人食章魚小丸子食到爛嘴 >.< 今晚就過六本木 . 諗住睇東京鐵塔 . 點知果到無野行又無野食 . 我地係鐵塔前映左幾張相就走lu... |
| 7 靚! |
| 今日又到排bape
gallery 啦 . 之後過disney
land .
本身話去新果邊海洋既 . 不過我見無城堡既
. 所以我都係想去舊果到 . 一入去好多d卡通人物係度
. 入面勁靚 . 好似係d童話王國一樣 .
不過比想象中細 . d game 仲好兒童level . 一d都唔激
. 我地都係入面玩左大半日呀 !睇埋花車巡遊...真係好靚~~~~~仲以係佢會煙花
. 不過無就散場 . 咁我地都走啦 .
因為我死都話要去台場 . 走到train果到見到disney放煙花呀~~~~~wa
去到台場都好夜喇 . 乜都close晒 . 本身想玩埋摩天輪 . 不過又發現果間有烏冬貓既野既分店 . 我超happy衝入去 . 又真係發現烏冬貓d野 ^^仲有好多tim...最衰唔可以一次過買晒啦 . 下次有邊個去日本既台場或者下北汱 , 一定要幫我掃烏冬貓呀!今次去台場又去唔到沙灘同玩摩天輪 e~~~~~好彩有烏冬貓補數 之後返新宿執行理lu . 我地張d戰利品擺晒陣拍dv . so funny~~~~~~! |
| 8 走人 |
| 最後一日就去milo先
, 之後去evisu .
臨買果時發現條褲有問題 .
咁個店員叫我地去代官山果間 . 我地喇喇臨趕去
. 去到本身無size 我地又趕住走 . 果到話即刻幫佢畫個m字
. wa~~~~如果佢即刻畫我真係搵dv拍低呀 .
不過最後買左另一條 . 又教我地點洗wo .
超好態度!
之後趕去bape gallery 買野最後衝刺 . 買完即刻返新宿跑返酒店拎行理 . 之後又跑去車站 . 我地真係係新宿大街拖住行理跑 ~勁樣衰呀!. 人地唔知可能以為我地拍戲 .好彩都趕得到上火車 點知又落錯車站 . 去到死人麻煩又要坐窗口位 .又攪到我地俾人分開左 . 我勁想打爆佢個頭 .啍!好彩我隔離個人肯同我調位 . 我地又可以一齊坐仲有窗口位tim~哈~ .唔係一定全程黑面呀! |