不離不棄~~跑步
我相信如果比較熟悉我的弟兄姊妹都會知道我好鍾意跑步，可能o係我小學o既時候我已經係田徑隊o既成員，直到現在我亦會跟南華o既亞sir練跑(逢二、四 6:00~9:00)。有時會覺得好辛苦，好辛苦，因為每次要練三個鐘，感謝主o既係個亞sir好好人，唔會成日鬧我!!
小學篇
當我在小學四年級時啱啱夠年齡入校隊，當時要P.E.先生揀先可以入。個P.E. Miss又係我班主任，又教我英文，o個時我英文默書只有幾次合格，心諗「今次一定唔得啦!!佢一定話我 "你讀好d書先啦!!"」不過原來有時老師o既眼睛都會雪亮o既，佢同我講「何紫茵，你想唔想入校隊呀?」之後我就入左校隊 lu !!(我當時係全校女子短跑第一名)
中學篇
升到上中學之後，F.1至F.2頭都係校隊，但係因為同MISS鬧大交，就退出左lu!!!(諗返都幾幼稚)之後，就自己練啦!!但係因為F.1返左教會之後，少左d時間練，成績亦愈來愈慢喇!!!不過我都覺得值得!!(返教會點都重要過跑步)
南華篇(F.1暑假)
其實o係F.1暑假，我同幾個朋友去o左南華參加o左個訓練班!!終於接受較專業o既訓練，成績、姿勢亦大有進步!!不過當練完三個鐘後，下午又要返教會事奉，其實會好辛苦!!不過我絕對唔容許自己因為跑步而影響事奉!!!而當時我o既
錯敗篇(F.2 Sport Day)
我訓練完之後o既第一個比賽就係Sport Day，當時我可以話係幾威風!!因為我所參加的賽事都可以入到決賽，對我嚟講係一件天大喜訊!!不過當我返回觀眾席o既時候，我竟然聽到我最好最好o既朋友同埋一位姊妹講我壞話。我聽到之後，我喊到出唔到聲，有d窒息o既感覺!!真係好唔開心，我只好扮咩都唔知，不過個心就好亂。之後我就o係決賽o既時候跑到最慢，因為我已經唔想再跑!!之後當我再踏足 跑道，我就會諗起呢件事，我就放棄o左跑步!!F.3 Sport Day都無參加過一樣賽事，但係又再諗返起呢件事，又大喊一埸.......
重拾信念，南華篇(F.3暑期)
放低o左一年幾o既跑步，我諗通o左!!我諗：「我唔可以因為咁就易放棄㗎嘛!!咁易放棄o既就唔係EVA啦!!!!!」而我又同o個個朋友&姊妹都無事和好o左啦!!佢o地又覺得有d對我唔住咁!!佢o地又叫我不如再參加多次南華，咁我就再次踏足跑道!!!
今次o既訓練我更加認真，我要比之前更快!!頭兩堂，我d朋友都有部我o既，不過之後嘛又係得我一個上嘛之後o既堂!!不過感謝主，可能因為一個人o既關係，我就去識其他人，o係啱啱o個次o既<<Goal! Let's Goal!運動會>>帶左佢哋返o黎!!有d仲跟我返<<感動佈道會>>，有個仲決左志添!!!直到而家我仲跟緊南華d亞SIR訓練，不過......而家對腳已經唔可以再跑 lu......因為對腳已經唔可以再傷喇!!!