從跑步看出信仰，用信仰提升跑步
F.1o個年，有一個團 leader亦都問我 :「如果你連行都行唔到，要坐輪椅，咁你點呀？」我就答佢：「咁坐輪椅都可以用輪椅跑㗎嘛!!」
F.2o個年，有人問我：「你平時成日講『我唔會做d令自己後悔o既事!!』，咁你有無做過d後悔o既事呀??」我就答佢：「有，放低跑步!!」
F.3o個年，助導問我：「點解你會跑返跑呀?你唔怕影響你事奉咩?你自己取捨吓啦!!」我就答佢：「因為我可以o係跑步當中更感受到上帝o既同在，令我屬靈生命更加堅持！而且又只係二、四練，如果有事奉可以同亞SIR講唔去練......」
今年，助導問我：「你對腳傷到咁，連行都叫哂救命咁，醫生同亞SIR都唔俾你跑，點解你仲要跑??」我就答佢：「我只係跑埋呢次，我之後三個月都唔跑㗎喇!!!.......」
其實呢d問題成日都聽到，但係我每一次回答，都會將跑步同信仰合二為一。我o係跑步當中學到堅持&專心一意向著目標前進，不到終點不罷休。有時跑得好辛苦o既時候我學識依靠上帝，與上帝同跑(行)！！仲有跑步當中我有不少屬靈經歷，以下是最近一次的經歷!!
近期我對腳連行都有問題，醫生&亞SIR都禁止我用對腳太多，唔係之後就好有可能跑唔到！！而今次Sport Day可能係私今年o既最後一個比賽，所以我一定要跑到盡！係好辛苦，但係值得！！
記得之前o個晚••••••助導問我：「你聽日要跑幾多場呀??」「好少啫!!」「即係幾多呀??」「100，200初賽&決賽、班際、可能社際!!!total 800米」「你對腳傷到咁，連行都叫哂救命咁，醫生同亞SIR都唔俾你跑，點解你仲要跑??」我就答佢：「我只係跑埋呢次，我之後三個月都唔跑㗎喇!!!.......」
到Sport Day
第一場 : 100米(初賽)~~~相安無事，但要搽藥膏。
第二場 : 200米(初賽)~~~跑完好痛，第一次入醫療室。
第三場 : 班際
~~~冠軍，都忍到痛。
第四場 : 100米(決賽)~~~超勁痛，不過無時間入醫療室，因為200米要召集。
第五場 : 200米(決賽)~~~跑完，坐o係地下，唔敢陏，MISS想掂我&問我去唔去醫療室，但係我喘住氣咁講 :
「唔.....唔好....掂我....好....好痛....」之後我透o左陣，勉強扶住d嘢嚟行都行到，咁我扶住我好朋友。不過唔夠5秒我就成個中o左落地下，嚇死我個朋友。之後佢扶左我入更衣室(因為已經唔可以再有能力行到去醫療室)，之後我就痛到喊，喊到出唔到聲。
之後見到小腿d青根都現哂，超級勁核突!!!過o左陣我第二次入醫療室......之後就跑唔到社際喇!!!
屬靈反省
雖然今次我好硬頸，唔聽助導&弟兄姊妹講(都唔只今次)!!!但係今次我得到一個屬靈o既提醒!!
當我一意孤行要行呢條信仰窄路o既時候，我一定要好堅持，無得反悔&放棄!! (正如我同助導講堅持要跑步一樣)行呢條路好辛苦，如果當你好努力追求成長，就一定會有痛、軟弱、跌倒o既時候(因為你唔勁魔鬼都唔試探你啦)!!(正如我不停咁練跑，跑傷左對腳)而有時屬靈生命有少少成長，身邊o既人未必會知道，但係如果因為無人知道就唔好好努力再成長，就會倒退、甚至放棄。(正如平時練好耐先會進步
0.1秒，人哋未必發覺到)
而我平時練跑只會得我一個人去練，有時會好悶，痛又無人知，只可以同上帝講。我會咁諗 "信仰一定會有孤單o既時候，唔會時時刻刻都大棚人一齊行，但係o個陣正正係單獨同上帝建立o既時候。"而o係跑道上面，我會同上帝一齊跑(無論靈性好唔好)因為我知道如果唔係上帝加力俾我，我唔可以跑得有進步。尤其是o係我靈性唔好o既時候我就更加要跑，因為佢會提醒我 "你唔可以放棄㗎!!"
今次我知道我如果今次跑盡o既時候我會好痛，但係我所堅持o既係『依靠上帝』!!!之後雖然要跑到又喊又入醫療室，但係我之後有個好大o既得著。
當我跑完 200米決賽，真係痛到呢.......不得之了！之後咪扶住我個朋友，成個跌低。我會覺得當我哋面對完一個大型聚會之後，好多弟兄姊妹都會軟弱。不過其實上帝會去扶住我哋，同我哋去度過。其實上帝亦會預備身邊o既人去支持我哋!!!之後我去o左更衣室o既時候，d青根都現哂，真係核突到爆炸！其實d青根好似我o地d隱然未見o既罪，平時唔知有幾恐怖，但係當d罪現身o既時候，就已經好嚴重㗎喇！！但係只要我哋肯去認罪，就好似我用d按摩膏搽對腳，就好好多。