|
|
2005-06-06 [TUE] |
|
|
" 簡單的人, 原是最開心的人 " 但, 呢個簡單既人, 今日唔太開心...
|
|
|
2005-06-02 [THU] |
|
|
哈, 終於考晒試喇 !!! ^^ 起初都有 d 失落, 因為冇寄託, 失去方向似的 但, 過了下午後, 興奮極了 上網同朋友仔傾偈, 好耐都冇試過咁輕鬆, 真好 ! 因為這個考試真的對我很重要, 考試同之前既日子都冇好好放鬆過, 連續咁坐著溫書, 真係腳都麻痺, 手又痛... 曾經有一刻覺得, 自己真係唔鍾意讀書 但好彩, 每次考完都會帶到 d 希望比自己, 提醒自己, 好快就完喇, 好快考完嫁喇 嗯, 真係有 d 感動... 今日份 legal, 我覺得 miss 出得好淺, 考完都好開心 :P --------------------- 黎緊有好多野學, 學習點用誠意打動別人, 加油 !! ＋++好想冇煩惱咁玩餐飽啊++＋
|
|
|
2005-05-26 [THU] |
|
|
今日既考試, 衰左一題 LQ 唉, 早知答另一題好過啦 ! 咁就冇左十幾分, 好唔抵呀... 嗚......
唔知係咪仲有幾日先考下一科呢 放左學都冇掂過 notes 嗯, 當休息囉... 呢幾日為左某 d 事緊張左, 對手又痛, 唉, 唔想咁快有職業病...
仲有呢幾日訓得唔係咁好, 放學返黎訓番夠本, 到依家先識笑咋 =.=
＋＋+samen 返黎喇, 謝謝你的手信 ^^"+＋＋
|
|
|
2005-05-25 [WED] |
|
|
膞頭好累啊... 好眼訓啊... 好緊張啊...
但, 期待中...
|
|
|
2005-05-22 [SUN] |
|
|
今日天氣好熱呀 ! 又落大雨, 好彩未至於黃色唧...
嗯, 今日考左 CBP, ok 啦 ! 仲有三科, 繼續加油 !!
唉也, 依家先知時間緊迫, 得兩日溫 e-com 咋=.= 今晚努力溫先得喇...
ps: 心情勁好的一日 !!^^"
|
|
|
2005-05-22 [SUN] |
|
|
尋晚算叫做訓著左, 又比個電話嘈番醒 今朝又不斷比人嘈醒, 朝朝係咁... =.=" 搞到今日唔係咁精神, 唉... 不過, 好彩都溫到書咋 聽日考第一科喇, 唔太緊張, 反而輕鬆呢 真係好想快 d 考完呀 ! 唔講住 lu, 繼續溫書, 我要為將來努力 !!! ^^
|
|
|
2005-05-19 [THU] |
|
|
噢 ! 尋日返學考 audio, 唔知有冇機會 pass 呢 ? 希望可以啦 ! 因為唔夠時間 check 呀, 唉...
跟住就同梓瑜去旺角行街... 我真係悶到傻左喇 ! 哈哈~~~ :P 狂掃左好多野, 差唔多由頭到腳都買晒呢 !!! ^^" 嗯, 我諗黎緊既日子, 要慳 d 駛喇 =.= 仲行到對腳好累添呀...
尋日已經冇溫過書, 今日又係溫唔入腦... how come ar???? ------------------- 今日 send 左幾封信, 唔知有冇機呢 ?
|
|
|
2005-05-16 [MON] |
|
|
仲有一星期就考試 lu... 依家溫書既進度尚可, 但就愈黎愈冇心機溫 因為真係有 d 悶...
前幾日, 發現左樣好驚嚇既事, 好擔心 希望快 d 冇事就好 lu... 呢幾日決心做下運動, 每日跳半個鐘頭跳舞機 出左汗, 感覺舒服多了 希望, 係六七月有 d 成效啦, 唔駛再肥落去喇 !!
今日飲茶, 見到 winnie, 雖然冇同佢聯絡一排, 但見番佢, 感覺佢成熟左, 仲識打扮添, haha ^^ 難怪有咁多狂風浪蝶啦 :P
嗯, 呢個禮拜要認認真真咁溫書喇 ! 最後一年, 一定要努力 !!
|
|
|
2005-05-12 [THU] |
|
|
唉, 榮笑就好啦, 有得去 camp...好羨慕啊 !! ><" 好想快 d 考完試啊 !! 好想玩唷...=.=
哎也, 忽然好想睇番上年既日記, 做過 d 乜黎, 但唔知點解, 唔見晒 d backup 既, 嗚...>︿< 我明明 save 嫁, 做乜會冇左嫁 !?? 唉......失去才珍惜, 就係咁了
|
|
|
2005-05-11 [WED] |
|
|
今日係咁椅掂過下 d notes, 但都冇乜點入腦 都集中唔到精神既 @_@" 仲諗住今日會溫到一半添, 唉... 尤有聽日努力 d 啦 !
晏 d, 等媽咪放工, 叫佢陪我, 依家愈黎愈鍾意搵佢陪, 因為輕鬆, 開心嘛 ! ^^" 去左個租客度剪髮, 佢收我地五十蚊咋, 廿五雞剪一次, 都算係咁喇卦~~~ 媽咪 d 閹尖聲氣真係好犀利呀, 哈哈 :P 我將前面剪番劉海, 同埋偷薄左後面...鬆晒~~~ 仲有, 又拉左媽咪陪我去修眉, hehe 第一次出街修眉咋, 咁快手就比人賺四十蚊 =.= 下次等我叫阿 jo 幫我搞先 ^^
|
|
|
2005-05-10 [TUE] |
|
|
今日九點幾起身, 因為尋晚成三點先訓... 其實都唔夠訓嫁...但冇計啦 ! 起身繼續打埋份野, 晏晝都開始 "牛牛" 地 lu...
同榮笑出去食野, 哈, 個衰仔又幾生性喎... 尋晚佢居然問我拎 account 個 number 話出左糧, 比 d 錢我駛咁話喎, 當然我冇比佢啦 ! 一來我唔知個 number, 二來我作為家姐, 點好意思收細佬 d 錢喎, 不過, 知你咁有心, 我都好安慰咯 (好似...=.=) 哈哈~~~^^
食完野返學拎返 d 書, 咁岩佢又出荃灣, 就一齊囉 ! 同佢係車度傾左好多野, 哈哈...都幾抵死 !
佢潤我, 話我對於愛情方面乜都唔識喎, 呵~~~ 咪聽佢講下佢地 d 男仔點睇女仔囉... 都幾有道理既...領略到 d 野... 或者真係如佢所講咁, 我係乜 d 唔識, 因為經驗少啦, 我有時都幾主觀啦, 仲有原則添 @_@
其實, 我覺得男同女都係一樣, 都會要求樣貌, 身材... 榮笑話, "比著你, 都唔會同塊豬扒一齊啦 !" :P 嗯, 仲有人品都係最重要 !
得閒同佢傾下偈, 個人都開心 d, 唔錯^^" 但未傾完就各行各路 lu 返到學, 靜英英, 好快咁去 locker lor 書, 好快咁 print 完野, 但本書拎到我出晒汗=.= 去逛下街, 哈, 我成功講價, 減左十八蚊啊 ! 勁咧, hehe :P
嘩...聽日開始, 要比心機溫書 !!! 目標都定左, 希望能夠達到啦 !!!
|
|
|
2005-05-09 [MON] |
|
|
返埋今日, 都唔駛返學 lu (除左之後既考試) 本黎梓瑜話帶相機返黎影相嫁, 點知個個都冇乜心機影, 可能落雨啦 ! @_@ 嗯, 諗返起中七果陣既 last day, 真係好開心 !
今日個天落到好大啊, 感覺好似好耐冇落雨咁, 有 d 唔慣添...尋日仲比個雷嚇親添 =.=
放學, 拎左條褲去換, 好彩換到件仲好 d 唧, he... 得今日放肆咋, 因為黎緊既兩個星期都會閉關@@"
返到屋企都好夜 lu, 媽咪唔知係累定咩呢, 唔係咁開心咁既 ? 唔通因為我 ?! 唉也, 唔敢話比佢聽買左野, 廢事佢哦我啦 :P 仲有, 今日都冇乜精神, 累累的...
唉, 點解唔記得拎書返屋企嫁, 聽日又要返學喇 =.= 嗯, 順便去 print 下野都好 ! 聽日唔好落雨就好 lu...d 書咁重...
|
|
|
2005-05-08 [SUN] |
|
|
今日原本心情幾好, 諗住可以輕輕鬆鬆咁過, 點知, 晏晝先知原來有咁多野仲未搞掂 ! 中文份 report 又未做好, printer 又用唔到... 妖, 好鬼憫啊 !!! >︿< --------------------- 仲話等媽咪放工同佢行下街, 點知搞到咁, 唉... 鬼咩, 又唔專心唔到做份 report, 激死人啊 !!! PS: 生人勿近, 好想鬧人啊 !!!
|
|
|
2005-05-03 [TUE] |
|
|
今日心情特別緊張, 因為有兩樣緊要野要做, 普通話情景對話, 同埋 present 旅遊景點 嗯, 好彩兩樣野都能夠順利進行
哈, 最開心就係 present... 冇諗過同學仔 d 反應會咁好, 個個都笑 @_@ 唔知係咪因為我成日講錯野, 比佢地先笑我呢 ?? 種感覺很特別, 好有滿足感啊~~~ :P
放左學行左陣千色...返到屋企成個人好累啊... 媽咪話就黎落雨囉, 佢咁講, 係咪話我風濕啊 ?? 慘喇 !! 咁後生就有老人病?! @_@
聽日要六點起身, 早 d 返學先得喇, 唉 一陣要讀熟篇 human present 先得喇 !!
|
|
|
2005-05-02 [MON] |
|
|
開喇叭 !! 又另一首好歌推介~~~ 想用一杯Latte'
把妳灌醉
|
|
|
2005-05-01 [SUN] |
|
|
剛剛度緊 present 個稿, 翻看好友的日記搵靈感, 因為佢去過泰國, 所以想更了解泰國既人、事 看完後, 再拉下去, 重看佢寫既記事, 睇到一篇講上年去南丫島, 最後的一句寫著 : ------------------------------- 小鳳鳳, 該學著長大, 學著獨立. 學著群體生活, 而不是孖公仔生活了~ 為你的"未來"努力"啊~^___^ ------------------------------- 上面很鼓勵的字句, 其實, 有時我都幾怕一個人, 面對唔熟既人, 會沉默著, 直至讓別人主動時, 才怕怕醜醜的應一兩句... 所以鍾意有人陪自己
嗯, 依家比以前有進步的, 講的說話多左, 主動左, 對一些唔熟識既朋友, 都會打招呼同傾偈, 有時, 仲會傾得好投契呢 !^^
我唔想再比人感覺係一個乖乖女, 淨係識得呢埋係屋企既女學生, 畢業之後, 我要改變一下自己啊 ! 我要擴闊視野, 擴闊社交圈子... 我唔要好似以前既陳鍵鋒咁咁自閉 !! ( 點解我講佢 ?! 因為今日睇左佢一篇訪問囉 !) PS: 陳鍵鋒好靚仔啊~~~~~ :P
|
|
|
2005-04-29 [FRI] |
|
|
尋日晏晝開始, 努力咁搵資料, 做個 powerpoint, 做到一點幾兩點先訓, 但至今仲未完成, 希望聽日前做起啦, 好想做好佢呀 !! " Maybe I am perfectionist, I always want to do better, but always dissatisfied with what I have done. " 以上,係尋日 interview 唯一遺留係我腦海既, 半真半假既說話!
嗯, 我信有能力做到, 我定盡心盡力, 相反, 只有丁點能力時, 和欠缺自信時, 對某 d 事就避之則吉, 可能因此而錯過機會 @_@
尋晚某朋友問我, 會點形容我自己... 果一刻, 我係度諗, 係喎 :" 我係一個咩人呀 ? " 以前, 我可以諗都唔諗, 即刻答到 :" 好人囉 ! " 但今日對呢個詞, 用係我身上就有點兒慚愧了... 因為......我有缺點...
今日放學, 同梓瑜互傾大家對大家既睇法, 哈, 發現左樣野, 原來當你點睇自己既同時, 人地又係同樣地, 點睇你...
閒談間, 又發現奇怪野, 就係發現左... 以前自己唔知既性格
" 癲 " 呢個詞, 估唔到會有機會用係我身上 ? 當然唔係人 "癲左" 果隻 "癲", 而係玩起上黎果隻... 不過, 暫時只係梓瑜咁覺得咋 :P 另外, 係 " 遲鈍 ", 我都係第一次比人咁話 !!!!! 但我唔認嫁, 因為我唔係嘛 ! 哈哈 :P
最後, 都好想問大家, 你地可唔可以話比我聽, 係你地既眼中, 我係一個咩既人呢 ? ^^ 有意見既, 可發言嫁, 好醜都唔介意個喎...隨便!!
|
|
|
2005-04-28 [THU] |
|
|
今日英文 interview, 我本黎預岩時間嫁, 點知去到九龍塘地鐵站, wing 打黎話就到我, 嚇死我呀, 幾緊張會扣分呀, 好彩 miss 好人咋, 但我就係趕返黎既過程, 行到腳到痛埋, 勁酸軟呀 >< 依家坐係度都腳痺, 冇陰公...嗚...
好彩今日狀況尚可咋, miss 個樣都好似幾好, 但點知衰收尾, 問果條問題, 突然唔記得個字係乜, 好彩即刻諗到條兜番咋 :P 嗯, 今日尚算滿意啦 ! ^^
另外, 今日完左呢個禮拜 d 野, 輕鬆左好多 聽日返去淨係聽同學仔 present, 同評分咋, 有 d 唔想返嫁, 不過我諗應該學到 d 野卦 ?!
噢, 今日 samen 同我講話去旅行, 初時有 d 心郁郁嫁, 不過一諗到錢方面, 太貴喇, 真係唔捨得, 搵到野先啦 !
另外, 晏晝還左個封晒塵既睡袋比小麗, 嗯, 好耐冇傾過喇, 又傾一餐, hehe :P
|
|
|
2005-04-26 [TUE] |
|
|
wow~~好好聽既英文版 lemon tree 呀 !! I' loving it~~!! >3<
I'm sitting here in a boring room Lemon Tree@Fools Garden ............................................. 哈 ! 原來有成個禮拜冇寫日記 lu... 唔覺唔覺又過左一星期, 仲過埋 test 丫嘛, hehe :P 不過, 呢幾次既 test 都覺得自己錯得好唔小心, 成日都係咁, 真係 " 早知...就..." 都冇用啦 ! 唉...
尋日派左考試時間表喇, 嘩...正正, 考到六月二咋, 又話咁快過左兩年, 係時候搵工做 lu, 爭氣 d 啊 ＞"＜
後日英文 interview, 到依家都仲未準備添 :P 因為晏晝 dl 歌 dl 到上左癮, 因為實在太多 "姣哥" 喇~~hehe ^^ 好似今日 post 出黎既背景歌啦 ! 第一次聽 lemon tree 既英文版咋 =.=" 節奏好輕快, 好得意添啊, 哈哈 ~~ ( 跟住, 我會陸續有唔同既歌嫁 !! 記住聽啊 !! )
講住咁多先啦 ! 聽日返早...嗚...ZZzz
|
|
|
2005-04-20 [WED] |
|
|
|
榮少, 生日快樂 ! 大個仔, 生性 d 呀 ! ^^ 今日好焗呀 d 天氣, 哈, 買左杯雪糕新地吃~~ yummy ! 唉也, 呢輪自己好似食左好多野咁, " 肥屎挨 (肥死我) 喇... " @_@
呢排係考試畢業既旺季, 個個都好緊似的, 希望大家都努力啦, 考試只係人生一個少少考驗, 無論結果係點, 都輕鬆咁面對啊 ! 最緊要係「問心無愧」、「永不放棄」就行了！
今日送首歌比身邊既朋友仔，係李克勤既 " 紅日 ", 為你們和自己打打氣~~~^^
＊＊＊＊＊ 命運就算顛沛流離 命運就算曲折離奇 命運就算恐嚇著你做人沒趣味 別流淚 心酸 更不應捨棄 我願能 一生永遠陪伴你 一生之中兜兜轉轉 那會看清楚 徬徨時我也試過獨坐一角像是沒協助 在某年 那幼小的我 跌倒過幾多幾多落淚在雨夜滂沱 一生之中彎彎曲曲我也要走過 從何時有你有你伴我給我熱烈地拍和 像紅日之火 燃點真的我 結伴行 千山也定能踏過 讓晚風 輕輕吹過 伴送著清幽花香像是在祝福你我 讓晚星 輕輕閃過 閃出你每個希冀如浪花 快要沾濕我 ＊＊＊＊＊
|
|
|
2005-04-19 [TUE] |
|
|
以為今個禮拜會難渡過, 點知又好輕鬆喎 @@" 可能聽日 human 唔駛 present 住啦, 搞到返到屋企, 無聊聊咁添...
今日好熱啊 ! 好彩之前買左件恤衫姐, 唉唉...不過都係著到好肥 =.=" 今日個中文 interview, 嗯, 做得比相像好 我諗係咁多年對住 d 老師最唔緊張既一次, 唔知係咪因為阿 sir 好人呢 ?!一 d 都唔驚, 哈~~ 不過, 係檢討既時候, 阿 sir 都有提到我個問題, 唉, " 普通話唔太好喎..." 我都知嫁喇 =.=" 所以, 返到屋企抖左陣, 去三聯睇下有冇書岩, 結果買左本基礎拼音書, 希望今次的起心肝讀啦!!! 其實, 有心讀, 我覺得仲好過交咁貴學費去出面讀, 依家要由拼音開始 ! ^^
|
|
|
2005-04-17 [SUN] |
|
|
今日星期日, 天氣清涼, 又唔太熱又唔太曬 最好就係去行山遠足了, 好耐都冇行喇...
回想起上年, 去左好多地方, 影左好多相啊 ! 仲鍛鍊左唔少腳骨力添, haha :P 我估依家叫我行番, 一定頂唔順啊 =.= 實在太耐冇做運動喇, 前排仲頭暈暈添...
嗯, 等我考完晒試再行過先, hehe :P 尋日睇成報介紹 " 鶴藪水塘 ", 果度好似幾靚嫁, 又易行...最岩我呢 d 懶人啦 ! ^^ ++成報 's Link++
------------------------------------ 尋晚 plan 定好呢個星期做 d 乜... 嗯, 今日尚算做得到 ^^ 朝早飲完茶, 去街市買送, 當然有女麻女麻係度啦! 今日買左好多野啊, 不過都係菜黎咋... e...哥哥話 :" 乜全部都係齋黎嫁?!唔食 " =.= 哼...唔識欣賞~~~算 ! 慳番 !! 好彩榮笑食唧, 真係乖仔喇~~~ ^^
食飽飽繼續做埋 human 個 powerpoint, 同埋 legal, 嗯...legal 有 d 難度添, 點呢點呢 ??
聽日返學影班相, 唔知係咪得我地唔著 suit 呢 ?? 一陣準備下個中文 interview 先, 爭取時間啊 !! 奸爸嗲唷~~~>0<
|
|
|
2005-04-14 [THU] |
|
|
放學返黎, 訓左兩鐘頭多, 起身不斷咁打乞嗤, 頭又開始有點痛, 我唔可以病嫁, 下星期好多野做, 又有 present...唉, 只怪前幾日冇一點都唔訓, 食左粒必利痛, 今晚早 d 抖, 聽日好番啦 !!
睇 "學警雄心", 學到好多人生既道理, 愈黎愈好睇, 平時做慣少爺小姐, 根本唔知出面個社會係點, 幾咁辛苦賺錢又唔知, 駛慣嘆慣... 其實自覺依家真係好幸福, 好多野唔一定成日有嫁, 所以有機會一定要把握 ! 首先, 要戒除懶郁懶郁既習慣, 由從家務做起啦!^^
嗯, 數一數, 原來只有五科既考試係要背咋, 聽落好少, 但睇見一疊疊 notes 眼都突埋 @_@" 好想 miss 快 d 派考試時間表, 想知幾時考試, 幾時唔駛返學, 好好為前路作打算了......
|
|
|
2005-04-13 [WED] |
|
|
呢排發覺自己鍾意左行街, 漫無目的地行, 總之就唔想咁早返到屋企住啦...點解會咁既呢 ???
尋日放學, 本黎諗好晒返屋企做乜功課, plan 晒... 點知 samen 一打黎, 我又走左去沙田逛, 行下宜家, 行下西田百貨......
今日放學又獨個兒走左去旺角閒逛, 嘩 ! 竟然買到搵左兩三日既野, 駛左一百蚊咋, 激正啦 ! hehe :P
之前因為搵呢 d 野, 搵左咁耐, 依家終於了結左, 唔駛再囉囉攣喇 ! 哈~~~ :P
嗯, 可能太耐冇 enjoy 咁行街, 一時失去理智吧 ! 聽日開始, 收心養性了...^^ 仲有幾份 assignment 等住我做嫁 !!!
|
|
|
2005-04-11 [MON] |
|
|
噢．．我又一再沉迷整網頁喇 !^^ 呢兩日搞掂左幾樣野, 嗯...諗住遲 d 唔得閒嘛, 咪襯依家有空檔修葺下囉 :p 依家有歌聽啦, 有相睇, 相既部份有 d 似日記嫁, 會寫下野咁...
另外, 又加左個語法教學室, 唔算難整既, 係搵資料度麻煩 d 囉... 嗯, 我諗黎緊既日子, 都唔會有 d 咩更改了, 等佢固定下先啦 ! .............................................. 尋晚, 傾電話傾到點幾鐘, 依家好眼訓啊 ! ( 梗係啦, 依家兩點幾喇, 仲打日記 ?! )
哈, 傾左好多野啊, 講下東講下西咁, 好耐都冇試過 lu...一傾就傾左咁耐, 嗯... 當中亦感受良多...
有時, 有 d 事真係沒認認真真咁去考慮過, 諗既同做既係可以好大分別... 究竟, 我適合做咩工作呢 ? 今朝忽發奇想, 真係好想實行果個夢想 - 做老闆娘, 哈哈... 係咪好大想頭呢, hehe ^^
哎也...做老闆點會咁易做丫...好多野都要顧及嫁... 投資既野, 講真我真係唔在行, 本錢都冇, 學咩人搞生意丫...算啦 ! 咪發夢了 :P ......................................... 有 d 野, 唔想將佢營造到好似事實咁, 咁樣或者會令自己好過 d...
|
|
|
2005-04-06 [WED] |
|
|
今日既 meeting 衰左喇, 嗚 ><" 好黑仔啊 ! 抽中左做 chairlady !
原本 prepare 果陣都唔緊張嫁, 仲諗好晒跟住點講, 點知轉去第二間房果陣, 西西襯阿 sir 出左去, 突然叫要我講埋全部 complaints, 我邊記得喎... 仲要全句咁講 =.= 口窒到咩咁... d points 又比佢地講晒, 真係唔知講乜囉 =.= 加上一望就望到阿 sir 同鏡頭, 名副其實既 "發台溫 ", 唉唉...超 down 啊...><"
今次 pass 到真係要偷笑囉, 有 d 後悔點解今朝先起身背野, 之前又唔準備好...唉, 依家講乜都冇用嫁喇, 算啦 ! 下次 interview 一定要做得好 d 喇, 追番 d 分...
諗諗下, 我語言方面, 真係特別有問題, 有好大既阻礙啊, 搞到自己都冇信心講野, 而且自己都對於語言方面既野, 有 d 恐懼...
我要搵辦法克服佢啊 ! 語言係呢個社會真係好重要嫁...><"
|
|
|
2005-04-05 [TUE] |
|
|
今天是清明節，放假一天！ 中午出了旺角傾英文， 唉...感覺今日好像晒了很多時間似的， 傾了也沒有什麼作用一樣．．
明天便是了，何解我一些緊張的心情也沒有！？ 不怕 fail 嗎？可以著緊些嘛？ 可能，對這個 test 都沒有多大期望吧．． 既來之，則安之！
|
|
|
2005-04-04 [MON] |
|
|
哈, 以為今日會好難過, 又好快咁過左喎... 嗯, 今日心情明顯唔同晒，多得哥哥囉 ! :P 以前以為佢好 cool, 唔多理屋企, 原來佢愛在心入面嫁...^^
多得佢尋日係 ICQ 度 hi 我咋( 佢住 hall ), 如果唔係佢唔同我傾, 我科 e-com 將會好差... 仲有獎門人都幫左我, 嘻 :P
每次 test, 例牌都會四點半起床溫書, 今日當然唔例外, 連續咁溫溫到八點幾先返學, 好彩岩岩睇得晒, 如果返學先睇, 就弊加火喇...
返到去, 以為會齊晒人, 點知我果組得圓圓返左, 唉...未準備過, 乜都未傾過, 又點可能做到好野比 miss 睇丫... 於是等埋西西佢地, 就開始傾...
嘩...早知就放假傾啦, 今日用左個幾鐘頭先傾得果條魚同士多啤梨, 咁星期三個 meeting 點算...=.="
聽日仲話出去傾, 去旺角 ?! 邊有地方我地傾呀 @@ 聽日清明, 圖書館又唔開...我唔想 fail 啊...
今日派番兩份卷, 唉...audio... 再係咁落去實 fail 嫁... 得番一次機會, 仲有希望卦...??
放學行左陣街, 睇中左好多衫呀 !! 哎也~~ 今次真係要決心減肥喇 !!>︿<"
|
|
|
2005-04-03 [SUN] |
|
|
情為何物？愛情真的那麼重要嗎？ 這個世界沒有誰，不能過得開心嗎？ 記著，還有親人、朋友，他們很關心你的！
為何要愛得那般傻？！無論你怎樣對他， 他都會一樣冷淡對你，何必要自己受苦， 最終傷害你都只是你一個。
清醒吧！無謂因為一顆樹，放棄整個森林！ (別誤會這個人是我。)
|
|
|
2005-04-3 [SUN] |
|
|
以前, 以為自己會 handle 到, 所以收埋自己, 又唔想諗咁多野, 提咁多, 專心讀書就算...
但係, 我發覺咁係唔得嫁, 真係唔諗唔得, 根本問題仍然存在, 而且仲愈黎愈嚴重...
尋日 samen 打電話黎, 眼淚就不斷流... 講左好多屈係心度既野, 雖然佢都係幫唔到我, 但總算舒服左...麻煩你同我分享...
我就係知自己會忍唔住喊, 所以有時都唔知點同屋企人講自己既感受... 又唔知佢地點先肯平心靜氣咁傾... 甚至乎坐埋一齊既時間都冇...
尋晚問左媽咪幾句, 佢 d 說話, 又令我再大喊一埸, 佢跟本都唔知我為乜事喊, 佢跟本就唔知唔關任何一個人既錯...
聽日就 test, 我溫極都唔熟, 個腦不斷諗起 d 唔開心既野... 唔知點算好...又有英文個 meeting, 真係唔想返去...好想呢埋見唔人...
或者我需要既係時間, 比時間我去適應, 比時間我去諗辦法解決... 比空間我去做自己既事... 但起碼要到六月中之後, 我先得閒... 仲有兩個幾月...點算...
好在依家有 d 野比我寄託, 就係做好黎緊要做既功課同考試...
|
|
|
2005-03-31 [THU] |
|
|
唉，愈黎愈覺得自己過緊 d 頹人生活．． 日日都好似冇理精神咁，灰啊！ 究竟我因為乜有精神呢？
另外發覺左樣野，令我好失望、好唔開心。>_< 點解佢依家學到咁壞嫁！？ 比媽咪佢地發現左，都唔知點算．． 點算好？我應該點做．． 幾時先可以再過番 d 正常、開心既日子？？！
|