日記
30/1/2002
Well~心情好矛盾tim~我對佢真係又愛又恨，有時真係好唔鐘意佢咁細膽，點解佢係電話度咁大膽，但出度黎同我面對面時就好似陌生人咁，永遠得我講，佢就唔出聲？咁算點wo~食飯jei~都要驚？我真係頂佢唔順呀~唔通一男一女食飯就一定有野咩？都唔知佢點諗？最嬲係…佢好似好想我快D唔再咩佢咁，講真係電話度聽到佢講o個句野時，你知唔知我真係好難受。唉…不過我諗我暫時真係放棄唔到，因為同你一齊的感覺真係好開心，好幸福同埋好舒服。我唔想咁快失去左呢種感覺呀…我好怕…
今日都無乜野講，個頭好痛，個胃又痛…
29/1/2002
唔知自己仲可以寫多幾耐日記呢？今日團年食飯時，我好開心，但當我諗起醫生對我說的話時，真係好害怕，好擔心。都唔記得幾時開始有呢個病了，我完全唔想理它，不過就係因為這樣，令到我…生命對任何人都好寶貴的，但係一切係咪已經太遲了呢？說真，我真係好怕，以前不怕咩的我，到今日先發覺到o個種可怕…我還能夠說什麼呢？
今日我寫了一封好長，但都係我所有心底話的信啤佢。昨晚的事，令我察覺到自己的心意。雖然同佢相識的日子不是很長，但係我想講，係我撞返您o個一刻，我相信緣份已把我們纏在一起。開頭，我未曾想過我會對您產生了這微妙的感覺，到後來，我每天都準時地出門口，因為想見到您。開始每天期待您的來電，和您鬥嘴。開始每晚都無理由地等您上網，和您分享一切的喜與悲。開始每天都會想您，記掛您…終於我發覺自己對您產生了感覺。當時，我無想過讓您知道的，因為我怕讓您知道後，幸福就會飛走。很幸運，在那寒冷的晚上，雖然流下了失望和傷心之淚，但當我聽到您的心底話和您那一段比任何甜言還要感動的留言時，我好感動，而且還留下一滴滴開心之淚。雖然我到現在都未能確定您對我是不是真，但是我仍然會等您，因為我喜歡您。唔知您仲記唔記得o個盒朱古力，雖然那天我好肚餓，甚至胃痛，但我都無食到，因為我唔捨得，我唔知您會唔會再請我食朱古力，仲會唔會關心我？我知您是一個不多講說話的男仔，都唔係一個好男友，但在我心中，您係最好的。現在我不再求任何東西了，我只是要求您心中有我這個人的，無論那個空間是多少，都好過被取消資格。無論怎樣，我都會默默地支持您，和為您默默地付出，我唔再要求您會對我作出什麼回報了。因為只要您給我待在您身邊，已經好滿足了。我喜歡您，雖然呢段說話對您來講，可能什麼都不是，或者甚至係廢話，不過這全是我的真心話。我已經唔知自己仲有冇機會再對您說這些話了…有時我會想，究竟被愛的幸福，還是愛人的幸福，但現在我有答案了，我唔理自己係咪鐘意您多過您鐘意我，因為有您在我身邊，每天能聽到您的聲音，已經好幸福了。
27/1/2002
今日係我自從升讀高中後的大日子，今日係家長日。當我拿住呢份我見到都覺得不知所謂的成績表時，真係好內疚和後悔。我係度問自己，我係咪真係唔適合讀理科？定野係只不過我平時唔留心上堂，返到屋企又懶得溫書？當我想了一個小時後，我發覺自己真的十分不知所謂，什應我入左呢班精英班，就要啤心機讀書，後來卻一一拋於腦後。其實我最對唔住的莫過於係媽咪，婆婆，公公同埋Lam
Sir和Luk
Sir~因為我記得我自己應承過佢地會啤心機，但到頭來都係…特別是媽媽，佢好辛苦咁搵錢返來啤我補習，但係我而家卻啤D咁的垃圾成績啤佢睇，我真係好無用。所以，我下學期開始，真係要急起直追，唔係到時真係後悔莫及…各位好朋友，一齊啤心機ar~-_-"
今晚的氣溫好凍，我凍得手都沒有知覺了。不過，我個心卻好暖。唔…尋晚發生左D事，令我非常感動，令到我流下淚兒…昨天我賞到了苦和甜的感覺。看住床上那盒朱古力，昨晚發生的一切一切都浮現在眼前。唉…其實o個種感覺就好似朱古力咁，苦苦地甜甜地。佢終於知道左我的心意了，而結果…我都不知會點？不過，我想係度同佢講，其實自從對你產生好感開始，我一直都覺得好幸福的。所以…我都不是一個好女友…
今日唔知點解唔想再叫自己做夜鬼？我改名叫做黑天使！好多朋友都問我做乜改呢個名。我都唔知？夠cool?唔係！夠型？都唔係呀！唔知…不過我覺得呢個名同我好貼切，我覺得呢三個字對我來說好親切掛~點都好，舊日的夜鬼，酒鬼不會再回來，她已經為了心上人已去作出改變。現在她只是個幸福的小女子。呵~其實我好鐘意飲酒，尤其是大陸青島啤，超"正"~
26/1/2002
今日我都係喊左，聽左好朋友電話後，都唔知點咁？其實我都好心痛，不過我唔可以咁自私~妳係我最好的朋友，係我心目中，無人可以取代妳個話。妳唔雖要心痛，因為如果妳心痛時，我會更加心痛。我只係想看到妳得到幸福和開心。其實我一早已經有心理準備，妳不會再像以前那樣，常常都和我一起，不過唔緊要啦~我唔會再咁自私了，妳身為佢女朋友，妳應該多D陪佢，況且我都知妳唔係一個
"有異性無人性的人"！老婆仔，我永遠都會咁愛妳ga~^^
愛呢樣野真係好奇怪？我都唔知點講好？佢可以令人開心，傷心，酸…而我樣樣都試齊，甜？當自己心上人關心你，痛錫你時，你心裡自然會有一種甜的感覺，比任何朱古力，糖果還要甜。酸？當你看到他和其他女仔玩時，你就會嘗到那討厭的感覺。苦，當他不再愛你，不再關心你，不再知道你需要什麼時，那種苦真的比死那種痛苦更難受。至於辣，當和他在嗌交時，那種感覺，就像吃完麻辣火鍋時的感覺。我都唔知點講好lu~
見到好多朋友都為感情而煩惱，痛苦？佢地問我應該點做？哈哈~問我？我還不是被情所困。"當局者迷,旁觀者清"，當朋友有煩惱時，你會知道要點樣教佢？但當同樣的事發生在自己身上時，自己有係咪真係會識解決呢？有時有d野講就容易，但真係要做時，又係另外一種事。
我終於知道自己鐘意的係邊個了，不過我可以點？有D野唔知講唔講好，講左又唔知會點？況且我係女仔，我邊有咁的膽量同勇氣wo~所以我會等，我會等幸福自己降臨係我身上，我會等他的承諾，雖然我唔知要等幾耐，不過我願意。愛情路上，行得多，跌得多，個心好累呀，現在我搵到一個我可以用來遮風擋雨的安樂鍋，不過唔知佢肯唔肯啤我住進去…係度講咁多野又點，我真係儍，佢又會知我講的係佢咩？我真係儍…愛一個人原來不容易…
24/1/2002
睇黎真係有苦自己知，點講好呢？眼見好朋友拍拖了，但心入面始終都係好唔開心。好似啤人搶走d好保貴的野咁…我發覺原來自己好自私，我開始覺得自己好恐怖，唔通朋友拍拖都唔啤咩？無理由ga嘛~算喇，雖然我真係好唔開心，但係我都會祝福你地兩個。因為點都好，你地始終係我小萍的好朋友呀嘛~
至於同個個衰人，我都唔知點講？佢有時真係幾cheap ga~人地都話唔鐘意佢，佢仲覺得我好似無左佢唔得咁，好心佢喇。為左唔好再啤D朋友誤會，我決定係度同各位朋友講，由呢一刻開始，我和他只是朋友關係，我不再鐘意呢D一腳踏兩船的人。我都和他無拖無欠。
Um~確定左自己係對某某產生左好感，不過咁又代表D乜？算喇，我唸住順其自然喇。我知自己唔係一個好女仔，所以我唸佢都唔會睇上我。但係我都願意等，因為我會不斷為他改變，希望有一日，我同佢真係會開花結果喇。感情路上，行得多，跌得多，感到好累，現在只係想搵個真係錫我，同埋會保護我的人。而佢出現左，但係…
強顏歡笑真係一D都唔容易，有時其實好想好好咁喊一場，但係又唔想D朋友擔心。咁我可以點？我知自己一控制唔到情緒，我就會𠝹手，但我唔想咁…
22/1/2002
今日係一個既開心又唔開心的日子。我唔係有心做電燈泡，對唔住。見到你地兩個咁幸福同開心都無所謂啦。我知道佢一定會係個好男友。唔怕話你知啦，我真係喊左，因為啤佢話係電燈泡時的感覺真係不好受，我覺得好似同你好遠好遠咁。我擔心你會唔會唔再理我？不過我知你唔會的。唔知係咪因為咁，令到我知道以前我同人拍拖時，身邊的朋友原來會咁不好受的。算吧！經一事，長一智。
係呀~鐘意一個人的感覺真係令人又愛又恨。今日同我個新女友傾左好耐計，令我唸到好多野。有時有一個人鐘意你時，你又唔珍惜呢個機會，到無時，至後悔，太可惜了。當然我相信以後都唔會再發生在我身上，我同自己講只要我真係搵到一個我值得鐘意，而佢又鐘意我的人時，我一定會珍惜呢個機會^^噫~原來對一個人有好感同鐘意一個人係兩樣野黎ga~而我唸我雖要多d時間去確定自己對呢個儍佬係咪真的存有好感了。
至於o個個人，我都唔知點講好？唔通分左手就唔係朋友？我覺得佢好老土lor~講真，我一早就無鐘意佢，之前我話我仲鐘意佢，只不過係想知佢係咪真係o個D衰男人，事實係咩？你地話啦？一個口話鐘意你，又同你拍拖，但個心就鐘意其他女仔的人，係衰人定好人？我相信係人都知道答案。不過，我仲想同佢做返朋友，但係我覺得佢的人格好不知所謂。
昨晚我怪錯左一個人，我叫佢放學後打啤我，不過佢無打，開頭我真係幾嬲，以為佢真係掛住同朋友玩，連我呢個人都唔記得左。不過原來係佢大頭蝦，所以…不過知佢一返到屋企就打啤我時，我乜氣都消o西喇~我仲記得我應承過佢d乜，我有啤心機讀書，不過唔知佢有冇啦？
21/1/2002
係我寫今日的日記前，我想講句"亞B，生日快樂"！係咪好感動呢？你大一日歲喇，記住我地的承諾呀~唔係我就唔理你。
無呀~今日好凍呀~但個心就好暖，雖然知道左我啤佢玩，但係我無為呢件事再唔開心，因為佢唔值得呀！至於另外一個他，我都確定左唔係鐘意佢，我只係當佢係好朋友。有時都好的，無左感情包袱呢家野，我真係輕鬆好多。加上…唔講得啤人知ga~係我心入面的秘密黎ga~
今日學校的惜別會好無聊，覺得D畢業生講埋d廢話，隨左F.7B，我聽完佢地的代表講完野之後，我對眼都眼濕濕呀~我想係度同一個我的好朋友講幾句話，佢就係你喇~CCC~我同你識左都有年幾，講真，你咁快就要離開學校，真係好唔捨得，不過唔緊要啦~我知我地咁FD，我地的友情一定唔會變淡ga~啤心機考好AL~然係正如亞盧咁講，入到大學就想要返一子一女呀~^^我都發奮圖強，努力讀書，考好HKCEE~
您，都唔知講乜好？因為一唸起您，就好唔開心。邊個叫您唔聽我電話wo~哼~
20/1/2002
今日上去他留言板時，我喊左出來。小軒問我乜事，我只可以話我為左一個衰人哭。原來我一直都係度啤佢呃緊，點解我硬係唔接受現實？但我真係好無耐。唔…眼前出現左好多個選擇，而我發覺我好像同時對佢同埋對一個人產生了好感。不過一個對我好，一個對我唔好。我都唔知點選擇好。係，我真係要快D唸清楚自己個心係鐘意邊個，唔係我怕我會後悔。但我覺得我應該係對後者O個個產生了好感。因為我好鐘意同佢傾計和鬧嘴的感覺。
由昨晚開始，我都好失落。因為咩？朋友有個可以信得個的情人愛佢，我應該好開心。但我卻突然間有D失落感，我都唔知點解呀？我怕我朋友會唔理我，呢個朋友對我來講好重要，無錯，同佢識左唔係好耐(都有四年)，但係我知佢對我真係好好。點講，我好緊張佢？我只係記得佢上次好惡話我時，我真係以為佢嬲，我即刻喊左出來。點都好啦，做老公實會祝福你的，正如BIO書所講，你最愛的永遠都係我^^我知你個心點唸ga~我愛你！
您，我應承您唔會一唔開心就唔飲酒，近排的日記都有您個名係度tim~無計啦，您真係好鬼死得意同埋…唔講您知住。您真係要學o下我咁先得啦，唔係您一定有排啤我笑。哼~您勁啦，借刀殺人，您咁豬，一定明我講乜的。
18/1/2002
今日都唔知開心定唔開心好？今晚我終於同您們見左面，不過睇黎我真係好緊張，因為我一緊張，我就會係咁串人。您成為左呢個受害者，對唔住呀！我都話我好樣衰ga啦，令您地咁失望，真係唔好意思。不過在我們未見面前，我同您傾電話o個段時間，真係幾開心ga~不過我唸以後都唔會再收到您電話，因為我咁樣衰，我唸您都唔會再想同我呢d豬扒王傾計ga啦~對唔住呀…其實我覺得您真係幾靚仔同好人。
噫~我真係越來越唔明白自己個心點唸？有時同佢四目交投時，都仲係有點依依不捨的感覺。我想同佢傾計，但係佢又好似唔多鐘意，所以我都唔敢主動去同佢傾計和玩。唉…我只可以講我真係當佢係朋友lor(NOW)我知我咁樣等落去都係無結果，而且會造成大家的包袱，所以我選擇放低佢…唉…女人不就是犯賤的動物…
今日同您地飲完野後，返家途中真係啤我見到他，唉…邊有咁黑仔？想買酒返屋企慢慢劈ga ma~而家搞到我要陪他，我無理由拒絕ga
ma~唉…同佢飲酒唔係一個問題，而係我真係好矛盾，我應該當他係朋友定仇人呢？我真係唔清楚呀！好複雜，唔係唔想同佢做返朋友，只係唔知點咁…
17/1/2002
今早返學前在家裡哭了一大場，我都唔知自己點解會咁？或者仍然因為尋日的事啦~今早上學見到"您"，不過我當沒有看見，直行直過。我知道樣做不對，不過我唔想啤佢見到我咁樣衰，因為我怕…如果佢今日打電話啤我，我又聽唔聽好呢？我沒有這個勇氣呢…
媽咪好似都係唔多開心，我知自己今次d成績真係好難同佢交待，佢咁辛苦搵錢返來啤我補習，但係我就咁不知所謂。我應該點做？我下學期真係要發奮讀書，唔係我真係會後悔同埋要同圍內講拜拜ga
la~
自從知道自己唔係鐘意佢後，都唔知點咁？今日返學時，雖然四目交投但我都避開了，因為我很怕？唔清楚？其實我覺得佢始終都係好介意人地點睇佢，分左手就代表唔再係朋友嗎？我想不是吧？我真的好想和他做朋友，不過見到佢咁的態度，我開始選擇放棄了，因為如果他真係唔想同我做朋友，我都不能強迫他的。唉…
小儀死左半年了，真係估唔到時間過得咁快，我都唔知講乜好？因為每次提起佢都會哭。因為我係一個殺人兇手，是我親手令自己的最好朋友走上絕路的…
16/1/2002
自從昨晚同一個朋友傾完電話後，我發覺原來自己一直都好儍。呢個世界上其實
無話咩無左邊個就會唔得，前排，我一直以為自己放唔低的感情，其實一早已經放低左，只不過係輸唔起，我覺得點解係呢段感情入面，我付出咁多，但卻反被他狠狠地拋棄和玩弄？現在我終於醒來了。唉…呢一覺真係訓左太耐，付出太多代價了。當我再望望身邊，其實有好多人更值得我去放感情上去，但點解以前我唔察覺呢？係我最唔開心同最開心時，都係佢地陪我一齊渡過，我真係要好好多謝我呢班朋友。有時我係度唸，如果到左中五會考後我地會變成點呢？各散東西？我真係有d驚。不過唔想唸咁多，因為我只係想珍惜而家我所擁有的一切一切。
今日收到一個電話，電話中傳來一陣陣的哭聲，我很怕，真係好怕，我驚會好似上年4月23號咁，不過好好彩，電話中傳來的哭聲並不是我想的這樣，只是有個朋友和男友分手了的關係。不過……唔知點講好，因為我都覺得自己好衰。點解？你黎親口問我，我都咪必會講…
識到一個新的朋友，佢個名叫做"您"。記得第一日同佢傾計時，我地傾得幾開心，後期佢off9後，就成日心掛掛咁，想佢快d又on9同我傾。但係今晚發生左一件事，心情唔好好，所以我無乜點理佢，甚至想避開佢。我好想佢致電啤我，但我現在又無勇氣聽，我真係怕影響我在他心目中的形象呢！
留言畫板