<<邂逅2>>   第十二回

係醫院既手術室~

阿悠: 點解咁耐都未出黎...

光希: 阿悠...唔好咁心急啦...

阿悠激動: 唔心急?!點唔心急呀??!!小音入左去日啦!!

光希無言...敬多上前捉實光希隻手~用眼神話比光希聽唔好咁介意~之後同阿悠講~

敬多: 阿悠...小音一定冇事架...

阿悠抱頭痛哭: 點解會咁...點解會咁...點解入手術室個唔係我...點解要係小音...我寧願係手術室個係我...小音...千祈唔好有事...天啊...點解要咁樣對我...

光希眼有淚光: 阿悠...

就係呢個時候~醫生出黎~

阿悠撲去醫生度: 醫生!!小音點呀??

醫生搖頭: 病人既傷口好近心臟~我地勉強幫佢止左血啦~但係仲要係深切治療部觀察一段時間~仲有~病人暫時會昏迷不醒~

阿悠: 咁佢幾時醒??

醫生: 唔知...

阿悠: 咁咪好似植物人??!!

醫生: 冇錯~可以咁講~

阿悠忍住氣: 咁有冇生命危險??

醫生: 已經脫離危險期~

阿悠鬆一口氣: 咁就好啦~

係深切治療部~

阿悠: 光希,敬多~你地返去先啦~呢度有我得架啦~

光希,敬多: 咁好啦~有咩事call我地~

等光希佢地走左~阿悠就望住仍然昏迷緊既小音自言自語~

阿悠微笑: 小音~我係阿悠呀~你聽唔聽到呀??你知唔知呀~晴欣比警察拉左啦~我地可以安心咁過日子啦~你要快d醒番呀~如果唔係光希同敬多都唔可以一齊架~你記唔記得你話過要同佢地同一日結婚架~我地遲d結唔緊要~但係你唔可以咁樣累到敬多佢地架~我知啦~你係咪同我地玩??唔好玩啦~唔好咁曳曳~快d醒啦~我地仲要生一大堆BB架...