《愛是…》
by 紫雨
《第十四回》
20 May, 2003
< > 類心想 << >> 筑紫心想
<<< >>> 司心想
上回提要：筑紫的家人去了漁村生活，剩下筑紫一人在東京，類因擔心她，便要求筑紫搬到自己的家與自己同住。
…………………………………………………………………………………………
~英德學院~
下課的鐘聲響起，班房門外便像昨天那樣，聚集了一群女生，她們都是來看花澤類的。
筑紫拿起袋子後，便走出班房與類會合。四周的女生都紛紛向筑紫投射出既羨慕，又妒忌的眼光。筑紫並沒有理會她們，與類一起往校門走去。
筑紫：「類，我真係要搬去你屋企住呀？我覺得咁樣始終唔係太好。」
類：「我因為擔心你，先叫你搬去我屋企。」
筑紫：「咁……」
類：「唔好再諗喇，我已經叫傭人幫你準備好房間。」
筑紫見類為自己安排了一切，便不好意思再推卻：「咁我就要打擾你你喇。」
類：「唔好講喇，而家快D返去你屋企執野先啦。」
之後，類與筑紫便離開了英德，往筑紫家的方向走了。
他們剛的對話，全都被一名剛巧經過的學生聽到。之後，該名學生四處與別人提及筑紫會搬到花澤類的家與他同住。這消息很快便傳遍整個校園，所以師生都知道這消息，當然少不了F3、小滋、和也、櫻子他們。
~英德草地~
美作：「剛才我聽到有人話，筑紫搬去類屋企度住呀。」
櫻子：「嗯，我都聽到呀。」
司：「都唔知類諗咩架，竟然俾個窮女人去自己屋企住。」
西門：「唉，筑紫都吃夠苦頭喇，我諗類一定可以俾到幸福佢。」
小滋望了望司，說：「對呀，類一定唔會好似某個人咁，只係會不斷咁傷害筑紫架。」
司：「死猴女，你做乜望住我呀？你咁係咩意思呀？」
小滋：「我話緊你囉。」
司：「你……」
美作見司快要發火了，所以便立即說：「司，你唔好咁激動。」
小滋唯恐天下不亂似的繼續說：「我而家講得唔岩咩？你地唔記得係邊個傷害筑紫，攪到佢要走到去北海道咩？」
司聽完小滋的說話後，感到有點兒頭痛，但他不想眾人知道，所以便藉詞離去，說：「我費事同你講呀。」
道明寺說完之後便走了，一路上，他都在想著剛才的對話。
<<<點解我一知道個窮女人搬去類屋企住，我會有忿怒既感覺？唔通果個女人真係如佢地所講，係我一直忘記左果個人？>>>
另一邊，類與筑紫都不知道，他們已經成為校園內的話題，還在為筑紫搬家的事而忙著。
~筑紫家~
筑紫：「類，我執好喇。」
類：「你搬走左之後，這裡便會退租，所以你要執好所有野呀。」
筑紫：「類，你幾時變到咁長氣架？」
類：「咪識左你之後囉。」
筑紫：「好喇，快D走啦，我陣間仲要去打工架。」
~類家~
類一回到家中，便迅即裝出一副很冷漠的樣子。
傭人：「少爺，你返黎喇。」
類：「你地準備好間房未呀？」
傭人：「已經準備好喇。」
之後，傭人帶他們來到先前準備好的房間。
類：「無你既事喇，你返去做野啦。」
待傭人走後，筑紫便問類：「你平時響屋企都係咁冷漠架？」
類：「係，因為我唔鍾意響度。」
筑紫：「點解呀？這裡是你的家喎。」
類：「咁係因為我爸爸，我以前細個果時佢好錫我架，但係自從我媽媽死左之後，佢成個人都變晒。每次放工返到屋企，佢都只係會關心我D成績點樣，一但達唔到佢既標準，佢就會鬧我、打我，完全無關心過我。起初我每次俾佢打完、鬧完，我都會躲在房間哭，亦都問自己，這個真係我爸爸嗎？但係後來我已經習慣左，無再因為咁樣而哭過。」
筑紫：「類，對唔住呀，令你諗起呢D回憶。」
類：「唔緊要，而家呢D事對我黎講，已經無所謂喇。」
筑紫察覺到類在說此話的時候，眼中是閃過一絲哀傷的神情。
類：「難得有你呢個聽眾響度，你就聽我講埋落去啦。」
筑紫：「嗯。」
類：「不過因為咁我患左自閉症，從此之後我對任何事都漠不關心。後來靜既出現，佢將我由我自己既世界中拯救出黎。」
<<類，響你心目中，依然仲靜學姐既存在。>>
類又繼續說：「但係真正能夠賦予我生命色彩既人唔係靜，而係另有其人。」
筑紫：「咁係邊個呀？」
《待續》
