上集講到:龍一同左涼平講,話晒佢同阿依d野比Fanny聽,而龍一都知Fanny唔開心~

Give You My Heart~第十三集~

涼平(呆左):你唔係呀?你將你同阿依d野講晒比Fanny知?你究竟攪咩呀?佢聽左有咩反應呀?

龍一:佢好似唔係咁開心囉~我係唔係好傻呀?

涼平:梗係傻啦~你究竟對Fanny點嫁?你坦白同我講啦~你有冇鍾意Fanny呀?

龍一(諗左一陣):冇唔係冇~但係我始終放唔低阿依!

涼平(打左龍一個頭):你係唔係有病呀?好掛住唔掛住,有個生既人你唔鍾意,你走去鍾意個死人?你講呀!你究竟對阿依係懷念定鍾意呀?

龍一:懷念掛???我唔知呀~

涼平:係懷念咪得囉!我話你根本係鍾意Fanny~聽日約左佢地出街呀!到時你自己執生啦!

龍一:盡量啦~我都唔知點面對佢啦~佢又好似唔開心咁~總之就….

涼平:總之你聽日就同番Fanny講清楚啦~唔好諗咁多啦~早d訓啦~聽日仲有野做呀!

到左第二日,係瓜子屋企..

瓜子:死啦!今日第一次係日本上堂~唔知會點呢?點呀?我個樣得唔得呀?

Fanny:你咪鬼咁緊張啦~你個樣好正常~不過再緊張就唔掂啦~

美子:要出門口啦~再唔走就遲到嫁啦!

去到佢地上堂個個課室,佢地見冇咩人…

瓜子(汗流浹背咁):嘩,好在唔係我地再遲咋~如果唔係實糯死啦~

Fanny:仲講咁多?快d搵個位坐左先啦~好累呀~

美子(指住個角落頭):不如坐個度啦~

佢地三個就坐左係個角落頭…一邊上堂,Fanny都冇乜心機聽書,Fanny個腦就只有龍一對佢講阿依既野~話咁快就4.30啦!即係佢地放學既時間…..

瓜子(埋怨):都唔知個阿sir講乜~上左咁耐堂,都唔明~Fanny,你明唔明呀?

Fanny:我好似冇乜聽個個阿sir講書呀~

瓜子(指住Fanny塊面):做咩唔聽書呀?太掛住龍一呀?陣間你咪見到人囉~唔駛咁心急喎!

Fanny(諗起龍一同阿依):我陣間唔去啦~我覺得個頭有d暈呀~

美子(知Fanny唔想去):咁你係屋企休息下啦~我地買野食比你啦~

瓜子:你唔舒服?駛唔駛叫龍一黎睇下你咁呀?

Fanny(好慌張):你再唔行快d番屋企呢,就趕唔切去見你個慶太嫁啦~

瓜子(睇睇隻錶):我d時間多的是啦~而家先4.45!我約左佢6.30呀~係屋企訓陣都仲得呀!

美子:你地唔好嘈啦~快d行番屋企沖涼啦~我好鬼熱呀~

瓜子:美子!你唔係熱,熱情如火咋掛~哈哈~

話咁快又到左6.15……

瓜子:美子呀~行得未呀?我地要出門口嫁啦~快d啦~

美子:得啦!我行得啦!(轉向Fanny)咁你係屋企~(笑住咁講)好好休息下啦!!

Fanny:知道啦!同涼平玩得開心d啦~