愛下去~第二話~

慶太同小麗o既呢番說話, 梗係俾可惡o既美琪同暖暖聽到啦, 放左學之後,

暖暖就捉住小麗: 「你唔好以為慶太對你好d你就好巴閉呀, 佢覺得你可憐先對你好少少咋, 慶太梗係唔會鍾意你啦, 你知唔知慶太約左美琪放學去街呀? 佢地而家一定係玩得好開心啦, 你唔好做埋d 咁賤格o既野去勾引慶太呀! 佢唔會受你架!」

打左小麗一頓之後, 就走左 經過o個次之後, 小麗係好遠o既地方見到慶太, 都即刻走都走唔砌咁避開佢 但有陣時俾慶太見到佢, 慶太都會追上去, 因為慶太高, 腳長, 所以次次都追到小麗

而小麗就睇下周圍有冇人, 見冇人先同慶太講一兩句野 見到有人係好遠行緊黎, 小麗都即刻急急腳走人, 尤其係美琪同暖暖

有一日, 放左學之後, 小麗好開心咁自己一個人返屋企, 突然慶太係佢後面拍左一下, 嚇左 小麗一跳

慶太:「仙麗, 做咩咁開心呀? 係咪你今日數學羅到100分呢?」

小麗向慶太微笑:「嗯」

慶太:「咁不如我送一份禮物俾你丫?」(嘩, 你當人係細路咩?!)

小麗諗左一陣間:「唔駛啦」

慶太:「要o既, 你咁叻」

然後慶太就係個褲袋羅左個蘋果形o既鎖匙扣俾佢:「呢個鎖匙扣靚唔靚呀?」

小麗好怕醜咁答:「靚呀」

慶太:「佢係我姨媽o係美國寄俾我架, 我而家送左俾你丫」

小麗:「多謝」

慶太:「鍾唔鍾意呀?」

小麗:「鍾意」

 慶太:「你鍾意就好喇, 呀, 係呀, 就黎聖誕節喇, 我打算下個禮拜六係我屋企搞個party呀 , 到時你一定要黎喎」

小麗點點頭

慶太:「好喇, 我約左朋友去街呀, byebye喇, 仙麗」(梗係又唔知同邊個女仔去街啦)

小麗:「再現」

 <待續>