愛下去~第三話~
好快又到左禮拜六喇, 慶太搵左美琪做呢個party o既女主人
小麗o係個party未開始之前就已經到左, 佢坐左o係慶太屋企裏面o既泳池旁邊飲汽水,
慶太見到小麗自己一個人就走去同佢傾計喇: 「仙麗, 做咩坐左o係到呀? 唔食野?」
「頭先食左喇」
「唔游水?」
「我都唔識游水...」小麗好唔好意思咁答
「咁第時我教你丫」
「我咁蠢, 學極都唔識架啦, 無為浪費時間啦」
呢個時候, 美琪走左過黎: 「慶太, 我終於搵到你喇, 你o係到同小麗做咩呀?」順便瞪左小麗一眼
「同仙麗傾計, 佢一個人孤零零o係到冇人理, 你做主人o既唔理, 咁我唯有自己黎陪佢囉」
「仙麗?佢係叫小麗喎」
「我知佢叫小麗, 但係我唔鍾意呢個名, 仙麗呢個名係我為佢改o既」
「真係估唔到你竟然有呢份閒情, 而且, 你點招呼佢都冇用啦佢都冇朋友注定佢孤獨, 更何況我黎搵你都唔係為左同你討論小麗o既事」
「你講野唔好咁刻薄得唔得呀?咁你搵我有咩事呀?? 裏面有d咩唔夠食唔夠飲呀?」慶太好唔 耐煩咁講
「乜都冇唔夠! 慶太呀, 你睇下今日o既天氣幾好!不如你同我影相丫」
「今日o既節目冇話要同你影相架喎, 我冇準備」慶太好冷淡咁講
「同我影幾張相都要準備?」
「呢到有咁多朋友, 每個幾張, 咁我咪好唔得閒?」
「我淨係叫你同我影咋喎, 冇叫你同其他人影喎」
「我同得你影, 就應該同埋其他人影, 呢個party又唔係為你一個人而開」
「我點同呀? 你點可以張我同其他人比架?」
「你有咩唔同呀? 你係美琪咋, 冇特權架」
「我係呢個party o既女主人!」
「咁你唔鍾意可以唔做, 我可以搵仙麗」
「你...而家竟然為左小麗而同我嗌交?」
一怒之下, 美琪就推左小麗落水 慶太知道小麗唔識游水, 連忙跳落水救小麗, 而美琪見情況不妙, 都急急腳走人
而小麗就做左呢個party o既女主人喇
<待續>