2003 日記
8.10.03 晴天
今日就真係…唉……
今日阿謹同我講，話我唔同人講野，咁我就知點解佢知啦!!
因為我淨係講咗俾人個人聽!!!佢竟然出賣我，佢同咗阿瑾講呀!!!
豈有此理!!!!我最憎人出賣我架啦，雖然0個個係阿瑾!!!!
我知0個下真係有d興架，好彩佢唔係到，如果唔係…
我4堂都唔理佢，不過我又忍唔住笑wor，想激d都唔得。
不過我有一句都好激架~~~玩佢我覺得好好玩~~~哈哈
lunch後我都理返佢啦，執到啦佢~~
仲俾我知道d野tim呀……
6點幾就去咗游水，好凍呀……凍到嘔呀……
游咗兩個多鐘~~~游完就同steven食野，不過我無錢俾…
多謝steven~~~~
7.10.03 晴天
尋日係mkc 0既捐血日，我參加咗架，但係最終都係捐唔到…
佢話我食咗藥wor……搞到我無得走堂，仲俾人趕wor，
上oral 0個時抽到一個好唔好0既topic，叫我點講!!!
Victoria Harbour Reclamation Project
中文我都講唔點啦，仲要我講英文wor…死…
今日又唔想同人講野，今日真係唔好過…
27.9.03 晴天
今日要去報會考，去到新蒲岡……勁遠……
去到0個時都唔多人，等D人講到好難先報到咁，
我報咗英文同PHY，就係咁，我人生中就考3次會考……
LEE次一定要係我最後一次架啦!!!
我考多次PHY係要望拎B，望咗兩年C都係得個D……
今次一定B!!!!心頭真係高……唔B都要C呀……無理由3年都得個D掛…
報完之後就去咗鑽石山行，俾我地見到羅莽WOR，係到扮晒成個大明星……
睇佢個樣都知無工開啦。
原來鑽石山咁多野行，以前都唔覺架WOR，係咪因為要去FIONA屋企，
所以唔係好覺呢??
行到1點幾走，無野做就返屋企，又係瞓覺……
瞓完之後就唔想補習，咁就唔去LU，好似好衰咁WOR……
好鬼死多功課呀!!!!想做死我呀!!!!
26.9.03 晴天
今日又係好開心0既星期五，但係今日過得好悶……
又要開會，仲要係樓梯開!!!我都聽唔到miss講乜，聽到d又聽唔到d，
又要扮都好專心咁聽，唉……聽miss講完，有少少想退，
好多野搞呀!!!
lunch完入hall，又係無聊law，唔知有咩搞，
阿man係到玩一個遊戲，佢唔識玩，玩到勁百痴，
成個虐智兒童咁!!!!XDDDD
好快咁又放學，又唔知做過D乜……
25.9.03 晴天
今日上英文堂，miss無端端問我野，勁驚……我知佢問乜架，
不過唔係好識用長句子答返佢，只係用d勁短0既句子答佢……好失敗…=.=
我要努力咁改進我0既英文!!!之後豪哥又俾miss問野，又搞到佢咸……唉…
miss就同佢係後面講野，咁我地就係到discuss野，dis完就讀詩，
咁就好快過完啦~~~真開心呀~~~miss話我地勁tim呀!!!正~~~
放咗學之後就諗住即刻返屋企架，點知落到巴士站，
等咗勁耐都無車，等咗成半個鐘，妮就打返俾我，咁我就去咗搵佢，
我同佢原來都有差唔多成個月無見，估唔到返學0既時間真係過得快~~~
同佢去咗delifince食野，食完之後就去咗佢屋企，同佢傾咗好多野，
講咗好...0既問題，大個咗啦，講野都直接咗，幾好幾好~~~
之後佢阿媽返咗黎，勁問我食唔食飯，又係勁我問我問題……
坐到差唔多9點就走咗lu~~~
19.9.03 晴天
終於終於終於到星期五啦~~~~
實在係好好好開心呀~~~我等咗lee日等咗成個星期啦~~~
因為星期四同星期六都反通頂，休息唔夠，搞到我都無晒心機上堂……
最好係因為無英文堂呀~~~
好快咁上完d堂，放學就去咗cb，要陪fanny買野俾人，
又叫咗6manx出黎還錢……終於可以俾娟見下佢~~~
carman出咗黎之後就去咗買電話，勁煩囉佢，勁係到話佢差囉，
唔識停架囉，話到我到『興』晒，唔叫佢收聲都唔識收囉!!!
買完之後就去咗食野，食完就唔搞咩，無端端去咗睇『向左走向右走』，
睇完就走，0個時已經係成11點幾囉，我仲係到著住套校服，好後悔唔換衫……
18.9.03 晴天
今日終於星期四啦……捱咗咁耐，終於係有一日唔使上英文堂架啦~~~
我好開心呀!!!!
不過lee個星期過得好辛苦……日日都成8點幾先返到屋企，
返到屋企食埋飯玩下電腦咁就瞓啦，都唔知做過d乜……
我諗下個星期無咁慘……
我地今日終於要講演講辭啦，搞咗咁耐，終於要講啦，
成個過程我都覺得幾好，成班都好投入，幾好呀~~~
好順利咁完成咗~~~真開心~~~
之後問阿man我地點，佢都話幾好，yeah~~~~
14.9.03 雨天
尋日同fanny、大頭、x坤去咗m記整演講辭0既野，
我又遲到…因為我係屋企訓著咗……
開頭我地都好認真係到傾緊架，但係一個小休之後…
m記又『山』門，咁我地就轉咗地方，但係又唔係講演講辭wor，
係到傾偈囉……講下講下，連個公園都要『山』，之轉地方，
又係到傾，傾到12點就無端端話去唱k……係咪癲咗!!!!
幾好呀~~~又有得去唱k~~~上次我都無唱咁滯…
唱到6點走咗，去咗食早餐，d人已經死晒……
fanny又返唔到屋企，搞到我地係到陪佢!!!
又落大雨，搞到有4隻落盪雞……病架啦我……
最後我同fanny去咗m記，12個鐘前去咗m記，
12個鐘又係m記……唉……
幾好0既經歷呀……證明我地係估反多過做野……
識咗兩個禮拜就去咗唱通宵k，幾好呀……
再識耐d就可以一齊去旅行架啦……=.=
12.9.03 晴天
我個網又好耐無update過啦……
因為無野想update。不過見今日無聊up下啦~~~
好快樂0既暑假過咗…而家就係到返緊學…唔想返呀!!!
返學都返咗兩個星期，淨係得兩個星期，但係好似返咗成個月咁，
記得第一個星期係好想好想快放假，捱咗好耐先捱到星期五…
完全無心情返學，快d俾心機返學啦!!!!
中秋去咗石澳，都唔知去0個到做乜…
不過俾我見到古浪傑呀~~~又見到朱俊wor，可惜我無叫到古浪傑…唉…
之後牛記佢地入咗黎，都唔知佢地入黎做乜!!!!
聽到志偉把聲，好似返到f.3咁，證明佢係無大到…
好耐未試過同佢地係石澳，仲好耐無同佢地反，
回想我地以前成日入石澳，有事無事都入石澳，
而家……見下都無，有無可能同佢地玩返???我諗都幾難…
去完石澳之後就去咗唱k，勁累呀…我完全無心機唱，
隻眼係完全一條線…-.-頂唔順都係訓咗…
得返佢一條友係到唱，雖然我訓咗，但係我係知發生咩事架wor。
由F.2我地幾個已經一齊過中秋，下年係咪都仲係呢??
如果係，我地係咪又去石澳呀……唔係呀MA!!!!