新增網頁1

20/11/03

勁勁勁開心呀~今日...一來已經係最後一科，感覺有點像考完alevel~勁興奮~鬆曬!．今日個bio都可以，可能因為我係溫pastpaper的關係，而佢出得勁小題，都不枉我只係溫高考題!^.^~

雖然今次唔係話好辛苦．總括來講今次預備的時間唔多，溫得較多只有chem~其它都係半放棄狀態麻～今天買了一本雜誌獎勵自己~所以心情真的很好~呵呵呵!

bio過後，我放下了腦袋~勁爽~到依一刻完全無用過個腦再去想任何東西．依個星期我的腦袋實在太辛苦了．被我迫害地放了很多知識入去．是時候該讓它抖抖．依刻我仍處於癲喪狀態．

30/10/03

今日的心情變化得很快，在未做bio TAS之前，心情有點差，這是正常的情況．根住在唸的過程都好順利，好快就完成左．心情又開心番．點知之後唸番起，原來我用多左solution，呵呵，真是自己也笑自己，為什麼我可以連這樣也忘記呢？就係甘又down左一下.

Lunch之後的堂都好愉快，又到左放學．今天我和了同學一起溫書．我們有了很多歡笑聲,，有時人就是需要低b一下，來令心身來一個平衡．

28/10/03

今日同同學出去食飯食得好開心唷~大家又在吹水，今日說的話題太好笑了，簡直笑到返學校，我唸大家都唔知我地在玩什麼呢~到放學的時候，我就出左街，真的很夠沒有去逛過街，心情極度興奮．我們行了很久，最後我還是什麼也沒有買過，一轉季就是這樣子，就是什麼也看不上眼．其實都睇中條綠色褲子，不過實在太不值麻~但比著以前做part-time的我，一早已經買左啦，現在還是把錢放在補習上吧!我還看中一對鞋子，我想星六會去買這個鞋子．不過我還想買多一對鞋子，現在正在物色中．仲有，都看上一個的袋子，不過都還不買著．．．

這天我很累呀!沒有什麼買到，心情更加低落！

最近，不知為何，我的胃口那麼差，在晚餐的時候，真的不想吃下任何東西，不過還要死死氣的吃下一兩口飯，又乾脆地吃下一兩口菜…好像在應酬家人，而難為了自己的咀巴．很怕自己的身體出現什麼的毛病…不過月是怕就更加不願意去作檢查.

有時也很想睡一個很長很長的覺…不想起身,不想再作什麼決定.不過一起身的感覺，又像給自己一個重新的機會．，像是給自己一個新生命．這陣子我很像感受不到神在我的身邊，很像獨個兒一樣．．神呀~你在那裡?依個時候，我實在需要你在我身邊，給我平靜安穩的心．

回家的時候，撞見刀神，又和他吹了水很久，和他們相處就是這麼簡單，就是會弄出笑話來．

27/10/03

昨晚很厲害地三點才睡覺，已很久沒有試過…也很佩服自己~呵呵呵~

唉~這天bio sir說要重做個TAS，很想X佢zy~~很激氣!這迫使我發表反對，那當然是沒有用的！沒有攪錯嗎?難度不知道做一次TAS會令到很多人不高興，心情變得低落…不高興不高興>.<十個麻煩，靖用來上堂吧，明明知道教唔曬，又曬多三堂來做tas，又叫我地未AL考好一點，無玩啦，點考呀~~

不過今日稍為有點安慰就是放早，又是時候到超級市場掃貨，心情都爽一點．

這陣子，有了一個壞習慣，就是每天要飲兩包檸檬茶…很喜愛這種酸的滋味

25/10/03

好早起身，皆因準備左好耐的嘉年華到啦！呀~~約左佢地但我又遲到啦，不過已經好勁啦我覺得，只係用左30min就由出門口至學校計，真係未試過囉!返學校攞埋ｄ野就去左會場佈置一番．足足整左兩個多鐘至完成好．食飯後嘉年華就開始，都係聽下歌，頒下獎甘，我地７s的攤位好勁甘拿左個佈置獎，萛係甘啦，大家都花左好多心機啦，為左攪好個攤位，我地真係用左好多時間去做，用盡所有的idea，我覺得真係我地的心血結精來架．日日放學都係甘做．依個獎真係確認左我們的努力哦~辛苦大家了!

而我今日都好好運，除左好低b地拿左個標語冠軍外，抽獎竟然抽中我，真係難以致信囉，點解一d從來未發生過起我身上的事，今日完完全全一次過比我經歷曬？自己都好shock啦!

今日的攤位流程比我想像中好，皆因佈置方面同我expect的效果一樣，真係好colourful．而遊戲過程見到d小朋友玩得開心，個種滿足感真係好大．但係要去控制一班小朋友，的確好難好難，但我仍然好喜愛小朋友．他們的天真是我羨慕的．他們的思想真是很簡單，任何野都會直接透過說話去表達．．很好哦~清理好個攤位，就同yolan趕去補習，當然我地都係遲到的．雖然經過一日的勞力，但係反而仲精神．．真係聽足成堂．不過好頭痛呀~~~痛死我>.<

雖然成個過程都幾順利，但中間都遇到好多問題．好多時都係考驗自己的應變力麻，我覺得我依方面就冇咩得啦~遇到突發事，我都唔可以即時唸一個解決方法出來，或者去轉轉彎，但eman佢就真係有依個skill啦，佢真係好勁，好快就唸到點去解決…我要好好甘培養依個skill!

唉~要找一個做事同自己相似的人好難，不過今次我發覺我同eman都幾夾啦，大家都係一係唔做，一做就要做到最好的人．縱使好唔仲意個社工，但應成左做，就盡全力做到最好．大家真係比個心去做，真係好想做到盡善盡美…有些人是令我失望的.已經不只一次麻..

唉~捱左甘耐，真係唔敢睇自己個殘樣．只怕會嚇親自己..不想照鏡呀!因為同中六中期一樣呀~一樣日日都是一個殘樣呢~

好啦~為左獎勵下自己，容許明天好晏好晏至起身….zzZ

24/10/03

雖然係星期五，但都要留起學校攪埋d手尾，直至５點多就走去九龍灣補習．最後都係遲到．今日又報埋ue的另一個course，即係一個星期又要補三科．有時真係唔想補，真係好辛苦．夜晚就做左陣lab report．整整下一點多先去訓覺．

今個星期真係好佩服自己，因為完全未試過訓晏覺，而夜晚又夜訓，又要兼顧太多事，真係用盡曬我所有時間，好似已經進入左turbo狀態．

明天就係嘉年華，希望做得好好睇睇啦~~