17/11/2001   蘋果日報

張 燊 悅 搬 屋 搜 括 十 蚊 平 貨

張 燊 悅 （ Nicola ） 早 排 同 雷 頌 德 （ Mark ） 傳 情 變 ， 聽 聞 呢 對 小 情 人 經 過 一 輪 冷 戰 之 後 ， 已 經 和 好 如 初 。 馮 仁 昭 知 道 Nicola 同 阿 Mark 一 直 係 住 o係 雲 景 道 同 一 幢 大 廈 ， Nicola 原 本 住 o係 男 友 o既 樓 上 ， 但 o係 三 個 禮 拜 前 ， 佢 就 搬 o左 去 阿 Mark 樓 下 。

檔 主 送 椰 青
Nicola 搬 新 屋 ， 所 以 一 得 閒 就 四 圍 行 街 ， 為 新 屋 添 置 日 用 品 ， 早 幾 日 馮 仁 昭 就 見 Nicola 同 經 理 人 去 o左 北 角 渣 華 道 o既 「 日 本 城 」 搜 括 十 蚊 平 貨 ， 佢 買 o左 大 堆 衣 架 、 地 氈 、 膠 樽 同 膠 手 套 。 之 後 佢 又 去 生 果 店 ， 用 十 蚊 買 o左 個 椰 青 ， 個 檔 主 認 得 Nicola ， 重 私 人 醒 多 個 椰 青 畀 佢 o忝 ！
Nicola 今 次 之 所 以 上 屋 搬 下 屋 ， 原 來 貪 新 屋 風 水 好 ， 佢 之 前 搵 風 水 師 傅 睇 過 ， 話 新 屋 好 旺 財 ， 加 上 景 觀 開 揚 ， 所 以 至 決 定 搬 。 而 租 金 方 面 ， 同 以 前 住 開 o個 個 單 位 差 唔 多 ， 都 係 三 萬 幾 蚊 。