7 sept
最近我先發覺
原來自己係好耐之前已經學識點樣保護自己
係感情方面
中三果時鐘意第一個女仔
一直到大學二年
由鐘意到放棄 用左七年
第二次，鐘意到放棄，兩年
都學醒左 四份一麻
話比自己聽，以後都唔可以咁樣
之後
就變成今日既我
6,7 Sept 2005
呢兩日我好勁，我做左三件大事
第一我drop 左一科，狠心地
第二我睇左一個我唔敢睇既e mail 也是狠心地
第三我交左學費
第四我要鏟晒 d e mail
A day in Aug 2005
今日 我忽然好想寫日記 好想寫一篇好長既日記
其實無寫日記 係因為 係呢四個月
我都唔知自己做緊乜 好似無左方向
有一條路自己一路行緊 所以就乜都無諗咁繼續行
好想知道呢條路幾時會行完 一條唔知行幾耐既路 你會唔會行??
好鐘意睇醫道 因為好正面 提醒我要積極咁繼續我行既路
或者係假既 無可能既野 所以先會係電視先會出現
每當我覺得辛苦既時候 都好想放棄 但係諗到如果我放棄
我就覺得好似乜都無咁樣 然後又再次回到路上 日復日
一條知道結果既路 幾辛苦我都願意行
但係呢個世界又點會有人知道未來既事
所以每當我諗到我仍然要走這條路 我就覺得自己有 d 悲
我成日都會問自己 究竟我有d 咩可以做 會令自己變得好d 再進步d
但係我又真係諗唔到 係我太蠢 唔知自己應該做d乜 定係我自己諗得太多
其實我已經好盡力咁去做自己本份 但係可能真係能力不及
總覺得 呢個世界真係有太多野唔公平喇 我自覺唔係一個貪心既人
我只係希望得到努力後應有合理既回報 但係總不能如願
我明白 有d野 點樣努力 都係唔會得到 而我亦唔希望自己會去強求
13 Aug
一直以黎 我都有好多野諗 但係好亂 無辦法將咁多件事串連出黎去講
直至上星期有一個朋友打比我 同佢傾左四個半鐘既電話之後
果一刻 竟然能將咁多件事連起來
一直要打既一個 e mail 好快就要面世
12 Aug
經過幾星期既努力 至擒日 我考左三科 本來想繼績努力
但係 可能真係要休息番一日 又可能因為今日既心情麻麻
原因係...更年期 哈哈
電視話 人既最高境界 係自嘲 因為咁樣 人地就無機會笑妳
我都覺得自己唔多唔少去到呢個境界
以前我好介意人地點睇我 但係而家 我覺得已經無乜所謂
因為我係為我 同我身邊既人而活 呢個改變
係受到我既同事影響
11 Aug
醫道 e道 依度(這裡) 呢度 伊度 醫呢度 呢一道 醫呢一度
20 Feb
三條衭...兩件衫、一件縷、一件冷衫...係我今日既收獲
付出，係四位數...
13 Feb
今日同教會朋友食飯 都係傾下計 好笑
不過 我覺得我講既野 或諗法 已經開始世俗 或以前係自命清高
我諗我既宗教 已經離開左我 七七八八 八八九九
我 feel 到 我既價值觀 同之前 已經變左好多
12 Feb
今朝係大陸趕返黎 睇左超人特工隊 好睇
要記住今日
31 Jan
話咁快又到二月
今日出去食野 坐係隔離木台係一班男仔
佢地講既同做既野係 溝女 食煙 粗口
或者無乜出奇 但係我諗 佢地全部都係中一 可能係六年級
佢地 或者我可以一個打三個 (你話係咪好細先)
另外我有一樣野要寫 不過我突然又唔記得左
28 Jan
今日上堂 講手提 講Bandwidth 講download 既速度 講 Smart Card
到九點半 Dr 仲繼續 個勢唔想停咁喎 我開始有d擔心
然後佢個咪突然無電 OH.....
咁佢就講 " I think It ask me to stop here and let u leave " <== (大概係咁啦我唔識背)
咁有人就講 " It is a Smart mic "
哈...好搞笑
26 Jan
香港發現紅火蟻 比佢咬親
會有病 但我唔知會唔會死
佢地對我地有害 所以我地要消滅佢
然後要諗辦法殺死晒佢地 就係因為佢入侵我地既地方
人類真係好賤 好自私 好殘忍既一種生物
我覺得我地好恐佈
24 Jan
其實我有時會搵"人"同我傾計
係網上 我好少傾電話
我 覺得好似賭博咁
或者 因為就好似玩緊一場必輸既遊戲
其實我都唔知自己想講乜
或者 會明白
23 Jan
昨天當了一天導遊 帶著一行十幾人
多了一點特別的感受
明白了一些不好事情 但很好的經驗
21 Jan
係時候報告一下我既讀書情況 比關心我既朋友仔
一月十七開學 讀 AI 同埋 Mobile 既 data management
一月十四出左成績
Radio Mobile Communication 係 A
E Commerce 係 C+
期望係 A and B
有d d 唔達標
我會繼續努力既
至於MCSE 我已經準備好去考 XP 我係只許成功既
20 Jan
其實有另一個問題 我都係諗左好多年
就係如果你既另一半問你 你想你死先定佢死先
究竟你答佢 "你死先" 還是 "我先死"
邊句係代表 你好愛佢呢
不過 我知道 係無答案既
17 Jan
聽到好多人講
邊個邊個歌手唔識唱歌
邊個邊個演員唔識做戲
我係呢方面無乜要求
其實我覺得 如果首歌係作得好聽 聽落你覺得好聽
只要佢唔係唱到走晒音 咪OK LOR
睇電視都一樣
entertain 0者
唔通真係要 pro 先做得果樣野咩 係咪先
11 Jan
想快d讀晒書去考試 所以今日全日係屋企
早上起來 為左唔落街 就決定食杯麵
忽然覺得 屋企得我一個人自己係度食杯麵 或者 係世界上最慘既事
而家夜晚 又係對住要讀既題目 暫且休息一會
耳 傳來張學友唱既小城大事
眼 看著二零零五年一月既日歷
腦 也許是想著某某
手 用鮮奶 浸餅乾食
口 在吃"它"
此刻 我又感覺到一點幸福
想到南亞既災民
然後想到 Matrix既開頭
然後又是 "你要記住 人們是不喜歡自由"
假如
這個世界 就如 Matrix 中
每個人都活在自己幻想中 以自己喜歡的形式生活
雖然只是精神上的 或者 也是多麼的美好
起碼 你所做的 是好是壞 也不會影響別人
6 Jan
有一個問題 我諗左好耐
有d中文歌入面有幾句英文詞
但係我就無見過有英文歌入面有幾句中文
2005
Happy New Year to all people living in the world
26 Dec
Merry Christmas, Happy Boxing Day
"你要記住 人們是不喜歡自由"
好想試下做機械人 如果我係個機械人 乜都唔洗諗 只係照住指令做事 好
我真係乜都唔想去諗 去估 去試 去受
15 Dec
考晒試 今天休息一天 逃避了做功課
唔知點解 最近 我有一個諗法
好想好想 對住個海 諗起九份 海濱都OK 大叫一聲 (爆粗)
自覺以前讀中學既我都幾乖
可能係我反叛期而家先黎
是生理(腦袋二十五)和心理(十五)不協詞
13 Dec
今日係一重要的日子
原因是我第一次考試 我既準備都幾充足
結果係點??? 唔話你知 呵呵
10 Dec
下星期要連考兩日 呢個禮拜勁讀書 感覺個腦都轉得勁快
用個比喻
如果我係足球員 就係呢個星期有榜首大戰 阿仙奴對車仔
我既狀態操到好 fit 咁
9 Dec
勁鐘意聽張學友既一首歌...一定要用個勁字...
That was the first day I have met you
I have a dream...keep dream
the one day when we get together
forever...and ever...
Just because you
31 Nov
今日搭巴士 有電視睇 播緊卡通片 係唐老鴨
講緊有一個女性既角色 因為我中途睇 唔知做緊乜
咁佢得件圍巾圍住個身 同唐老鴨 d 仔唔知玩緊乜
咁過左一陣 佢唔小心掉下了圍巾 ...........d 細佬見到就唔知點咁
卡通係比細路睇 點解都會有d咁既橋段 係外國人既文化這樣?
係世界變了? 係而家d小朋友都鐘意睇? 係大家開放了?
還是是我食古不化?
30 Nov
開始鐘意田北辰 只講氣勢 我覺得佢可以做特首 夠強硬 (註: 我覺得董特首都ok)
"香港既成本高，D錢唔會由天上掉下來，鐵路唔會無端端生出黎"
"一係政府補貼...我地一定做到收支平衡...我地無減價既空間"
"大家講好左起鐵路....講好左踢場波，而家個球員話跑不動，想改球例，得唔得先?...唔跑可唔可以踢波先...鐵路我地係跟足法例起...而家你又話嘈...火車可唔可以無聲咁行先..."
我識背 因為我一直都認同 交通費貴 大家都要承擔 好公平 呢個世界無人會貼你
28 Nov
房屋署勝訴 多收既幾百無得發還 好多住公屋拎公援既人係度嘈
其實我無乜感覺 我覺得好正常 話晒都有人貼你
清潔工人得五千蚊人工 無端端食飯都比人屈
屈左八百蚊 我覺得好氣憤 話晒人地都自力更生 我好尊敬佢地 外判公司d人勁無良
24 Nov
皇馬有魯爾 我都"魯爾"
今日學校畢業禮 要番學
見到好多人影相
諗起自己都畢左業 仲要係零一年既事
而家係零四喇 零五都黎緊 真係"魯爾"、"老矣"
17 Nov
睇電視 講緊經濟 講緊油價
我又諗起果個問題 地球既資源
一桶一桶既石油由地下抽上黎 講緊係一日幾百萬桶
係中東既一個國家
對於地球 太陽係能源既源頭
然後是宇宙 然後回到 Atomic Physics
0卡嚓
我個腦 hang機
16 Nov
今日搭巴士 由上車 到落車 都看在風景
見到好多車 好多燈 好多人
我發覺 眼所見的每一"物件" 都需要能源在維持
原來地球既資源真係好多好多
因為"它們"每天都是這樣的運作
銅鑼灣 然後是香港然後國家然後是世界
一天 然後是一星期然後是一個月然後是一年、一個世紀
科技發展是這幾十年的事 但這幾千年所產生的資源 會不會就給我們這一代耗盡呢
人 真是很自私的動物 因為 當資源耗盡時 結果和影響 要由地球既所有生物來承受
15 Nov
每星期我都兩至三天經過利舞壹廣場
唔知點解 我覺得它 特別 每次見到我都有衝動入去
但係我又唔會入 或者我驚入左之後會覺得不外如是
倒不如留番這種特別的心情
14 Nov
搭巴士 每次經過"世貿" 都見到M記
從遠方望去 每次都見到一樣的圖畫 就是有些人坐在窗外吃著東西
任何時間
我諗 唔知會唔會有個人 每次都坐在窗旁吃著東西
然後望向巴士裡的人 都會同我有一樣的想法呢
10 Nov
前幾日我好驚 E commerce既Project 好似唔識做 因為係我最驚既Programming
不過經過呢幾日既思索 我覺得好有信心做到 仲會係輕易搞掂
我開始懷疑自己係一個天才 一個係二十五歲前 以為自己係電腦白痴
到二十五歲先發現自己 係電腦奇才 既天才
另外
今日上堂 Lecturer講野 "..............................a Piece of sheet........"
我就諗起 ".....a Piece of SHIT....."
A Piece of sheet, A piece of Shit.....我諗我既思想被二人污染了
被一個叫Vincent 一個叫Ban 既人 大家記住佢...地
7 Nov
一個細路問我
關羽張飛劉備諸葛亮去睇戲，咁要有幾多張戲票?
答案係一張
原來係因為關羽果張"飛"留比諸葛亮去睇戲
咁都比d細路諗到
然後我反問他
一串魚旦賣五蚊 一串腸賣三蚊
咁兩串魚旦一串搶要幾錢
6 Nov
我今日先發覺原來我已經二十五歲
不過搭火車果時 從鏡中看到自己
都覺得唔似
是衣著? 還是什麼原因
4 Nov
生日 都要做野 但開心
28 Oct
近排好鐘意睇譚耀文 鐘意佢入面個角色
不過 佢吸毒
雖然人人都知道吸毒係對身體唔好 不過 點解仲要吸
唔知點解 睇住個電視 我體會到果種心情
或者 我都經歷緊 0係唔同既事上面
25 Oct
阿仙奴輸左比曼聯 有d不忿 我係阿仙奴 Fans 係人都知
我一路都覺得雲佬好波 但係一路都唔鐘意佢 今日更加 有d憎
我覺得阿仙奴唔係輸唔起 係唔值得咁樣輸0者
不過經過呢場波 我更愛阿仙奴呢隊波
亦因為呢場波 我覺得佢地今年更加會拿下冠軍 證明自己既實力
13 Oct
Mobile 果科個阿Sir派番Assignment 既Solution
點知...淨係得最尾個答案
大佬 咩叫Solution呀 呢個只可以係叫 @nswer
不過經過我兩小時既努力 我終於KO左個@ssignment (是下星期Test 給我的動力)
個感覺就係打爆機再勁d
What can i say is...I am a GENIUS
11 Oct
我覺得自己已經 回到過去既某一個時間
我講緊係我既心態
不過 以前係為人 而家係為自己
今日我無返教會 其實已經有一段時間
但係同之前既心情唔同左 或者係因為我已下決定
變得沒有懷疑 沒有不安 也再沒有留戀
9 Oct
之前兩星期買左五、六條衭，覺得自己好狼
今日我， 一日買左八件衫， 應該用咩形容詞
24 Sept
好搞笑 我聽到一個賣 "模疑市民" Game既廣告
玩模疑市民 你自己咪市民 lor....玩乜...
你話係咪搞笑喇
28 Aug
最近係咁睇Olympic
見到好多好感動既場面 尼莫夫既表現令全場觀眾要求加分
劉翔既百一米跨欄平世界記錄
邢慧娜一萬米比賽後的一句 "我贏了 我終於贏了"
當然仲有我既最愛 周蘇紅
所有都令我覺得好感動
雖然我呢排有d DOWN 不過睇到佢地
令我重燃一d信心 佢地咁努力 我都唔會輸既
18 July
中國女排好勁 雖然無左個主將 不過仍然以戰術打敗左高妹意大利同美國
周蘇紅 我超 like 因為我覺得佢係幕後功臣 而且......
結果 佢拎左香港站最佳攻擊手 ...........................我果然有眼光
另外
我今日突然去左跑步 一口氣由神召跑到海濱公園
果一刻 我就知道自己
寶刀未老 呵呵呵
仲有 今日我第一次 一日飲兩次茶 仲要係兩個鐘之內
But 飲茶 唔代表老
14 July
我從虛幻既世界番到黎現實當中 要面對既問題又番黎 我覺得 有d 難過
13 July
去完南京同青島 有三件事令我最深刻
第一 : 去完南京大屠殺記念館 我既心情頓時變得好沉重 係180度既轉變
第二 : 導遊姐姐行過 我地問佢個袋新買架 佢話唔係 然後佢馬上好開心指住個袋 心滿意足咁話 二十塊錢而已 我見到佢 就覺得香港既女仔同大陸既女仔好唔同 佢地買到平野 會好開心 相反 香港既女仔比我既感覺係 佢地會覺得愈貴愈開心 好似要鬥貴咁
第三 : 唔鬼記得左
3 July
蜘蛛俠呢套 Film 我好鐘意睇 我諗係因為我鐘意佢既俠義精神 佢以自己既幸福
黎換取正義 我
覺得好感動
24 June
買左機票 七月五日去南京 七月十三日係青島番
23 June
如果我係一隻蛋 我會搵我既麵包 整蛋治 or 多士
21 June
以下呢個係我這兩星期係咁不停做既野...
睇波 -- 監考 -- 訓覺 -- 睇波 -- 監考 -- 訓覺 ....................無止境
20 June 2:45am
中國和英國 地球既兩邊 玩同訓覺 休息同周圍去購物 普通話跟英文唔理廣東話
無可能同有少少可能 最後係哈爾濱同埋倫敦
仲有地球好大但香港好細
"認識"同埋 "知道"
我同你
最後淨番明白同唔明白
19 June
今日去左鈎墨魚 點講呢...都玩得幾開心
6 June
一句 "關你咩事姐"
就馬上將我既心打沉
果一刻個心就好似比人插左一刀
我覺得自己好 cheap 好似地底泥
然後 我真係覺得好好笑
因為架....係自己丟
30 May
呢幾日係咁睇 French Open 見到好多好激既場面 例如有中國既女球手
第一次打到入十六強 第一次係電視睇到佢 真係好有中國味
好少女球手係著衭 帶 Cap 帽 同埋著短襪 佢樣樣做齊
我鐘意 佢既獨特
我諗應該係第一次 電視直播佢既賽事 話晒四大滿貫之一 我好高興見證佢打既呢場波
因為佢一路上都係捱打 先輸一局後反勝 我覺得佢既技術都幾好 可惜佢個子不高
發球局完全無攻擊力 好易比人打破發球局 不過憑住佢既努力同唔放棄既態度
最終都可以進級
另外 我一向覺得費達拿係一個好全面既球手 他在態的時候無乜人可以贏到佢
不過我竟然睇到佢點樣比人KO左
泥地王古爾頓以強勁發球同超勁既反手直落三盤 6 - 4 搞掂左佢 係技術擊倒
至於我最鐘意既球手費里路 由於佢今年手同腰有傷 亦比人搞掂左 真係聞者傷心
不過我仍然會繼續支持佢 同埋學習佢既打法
29 May
今日補番之前既 Listening 監考 點知去到發覺學校無人 原來我早左成個鐘去
我記錯左係平時考術科既時間 咁點算呢 唯有去晨運
於是我選了附近的一個公園 那裡也是兩間 Hospital 的附近 環境不錯
我行了一個圈 決定了路線 -- 平路、上斜、下樓梯 然後重覆
我比較喜歡上斜 因為感覺要付出 這個路線我不需要向下走
考Listening 我有帶埋我部 MP3 開著了 傳來的歌係 Air supply 既The way i Feel
張學友既講妳知 同埋草猛既半點心 於是我也選定了這三首歌作 Cycle 式的重播
原來一早這樣晨運 對我的鼻敏感很有幫助 感覺上我覺得自己變了一個退休人仕一樣
這三首歌 讓我想起我的愛情觀-- 好感、喜歡和愛(The way i Feel、半點心、講妳知)
也讓我想起...一些事和人
或者我對愛情都係比較悲觀 我真係唔希望我鐘意既人 最後只係做到朋友
就如草猛既半點心...我真係有d驚...
我打算行七八個圈先番去 最後我只夠時間行左三個圈 原來果度真係幾大
係呢三個圈 我見到一個靚姐兩次 她打量了我一眼 我也喵了她一眼
見到一個穿著頗前衛既衫既一個阿叔慢跑中 三次
同埋見到兩架 72A開出
25 May
從今日
2004年5月25日開始
我 梁偉雄多左一個妹 (第一次響我全朵，全朵係表示我既誠意)
2004年5月25日係一個開心既日子
24 May 清晨
ICQing again
如果比我知道邊個發明ICQ...我一定會走過去咀佢一啖...不論佢男女
11 May
不要著燈 能否先跟我摸黑吻一吻
如果我露出了真身 可會被抱緊
驚破壞氣氛 誰都不知我心底有多暗
如本性 是這麼低等 怎跟你相襯......
若你喜歡怪人 其實我很美
10 May
今日去監考 無見到底衭喇 一切正常番 回復自然
不過呢個奇遇仍然係我腦海裡 我仍然覺得係好激
我真係驚呢件事 會係我身心造成一個"成年"陰影
之前買左張學友既 Life is a dream 唱片
佢果本相集係咁係度影自拍
搞到我都想幫自己影番本 好耐無用過既 DC 都要重出江湖
我諗我開始有d自戀狂
9 May
ICQing
6 May 晚上
我最鐘意既一首英文歌 係Richard Sanderson 既 Reality
好耐無聽喇 今日搵番出黎聽
雖然其實有好多英文歌都好好聽 好似Eagles 既 Hotel California
不過始終我都係最鐘意Reality 呢一首
無計 係情意結
6 May
好耐無寫日記喇 可能係生活平淡啦 不過今日唔寫唔得
今日去監考會考中文科 ，"經歷"左一個 "超"奇遇
奇遇都唔夠用黎形容，要加個"超"字 聽完你就知點解
事發經過是這樣的
話說開考後半小時 考生甲提早離開試場 咁本來都無乜野
不過之後我地d 監考員係佢個位下面發現左一樣包你諗都諗唔到既野...
係咩呢...竟然係一條"底衭"呀...係一條底衭呀...即係著係你條表衭入面果條呀 ...係咪唔信呢...我自己都唔信 以為自己發緊夢係度監考
不過呢個竟然係事實 ...
痴線.....痴線.................痴鬼線..........."煎 d 恨 Ban Tai"
真係世事如棋局局新 呢個世界真係乜考生都有
3 Mar
兩則我讀了要淚流的新聞
只有十一歲大的徐嚴慶已在北京火車站外混了五年...每日與徐嚴慶一同的有四五名街童，記者在北京火車站發現他們正在候車的人群中穿梭追逐。徐骯髒的面容表現出的仍是一副童真，他說:「我們都是火車站養大的，每天不幹甚麼，就是看人家吃，看人家玩。」
徐與他的同伴們住在車站一個角落，由廢紙破布鋪墊出的一張「床」，就是他的「家」...隨後又指輝街童擺甫士讓記者影相。...他告訴記者，幾年來根本沒讀過書，順著火車路線流浪了不少地方。
到晚上七時五十八分，最溫馨的一刻出現。身處北京航天指揮控制中心的楊利偉妻兒，透過通訊系統向太空船內的楊利偉發出最親切的問候。楊利偉妻子張玉梅最關心丈天的身體狀況，楊利偉傳來回話:「感覺非常好，放心吧。」張玉梅靦覥地笑了一下，之後兩人談到談到太空的景色...
3 Mar
看了一套戲，封面是這樣寫的
可是小璐認定了小東就是他心目中的白馬王子，只要王子願意坐下來聽她的心事，她就心滿意足了。
就咁我就買左隻VCD
27 Jan
今日係度諗
如果將來你的另一半 是由上帝來預備 / 決定
咁我跟誰在一起 好似已經變得沒所謂
所以我覺得唔會係咁架.......唔好係咁呀...千祈唔好係咁呀....
26 Jan
今天從鄉下回程時 見到一個很大的廣告板 (SIZE約二十至三十米 乘 七米)
掛在一間一房子的頂部
上面只有寫著六個字 " 祝君一生平安 "
我係度諗唔知咩人願意出錢弄這個東西 來祝福一些不認識的人
我覺得呢個世界真係乜人都有 唔係所有人都唯利是圖既
25 Jan
23號那一天 在回鄉前到快餐店吃點東西才出發
我見到一對夫婦 枱上有一包紙巾 鄰枱有一個婆婆
那妻子說 出面的紙巾跟用具包在一起 你拿不到紙巾
丈夫說 妳怎樣知道 可能不是這樣呢
於是出去問服務員拿了 (PS : 路程不短 和 真的有淨紙巾 最後他拿了)
我心想 你不是這樣吧 為了一張紙巾 要別人將刀叉都洗一次 這樣更浪費
他回來時 將紙巾給了鄰座的婆婆
我不知道他是否認識那婆婆 可是證明了我以小人之心...
23 Jan
今天去拜年 到了一處上年去過既地方(其實之前幾年都去過拜年)
這處有一個市場 靠著一條河
上一次去的情景 / 對話就馬上出現在我的腦海中 好像只是前幾天的事而已
原來這麼快就一年了
Year 2004
24 Dec
今日去旺角，見到上一次已經見過既一個婆婆，她是行乞為生
我無意中留意到她的眼神
她的眼神告訴我，她已把自己尊嚴放低了
在這之前，她經過長時間的掙紮
那一刻 我覺得很心寒
14 Dec
事情要實際發生後，才算發生了。而往往事情並不像表面上看起來的那樣。
13 Dec
風不是物體，那只是空氣移動的總稱而已。
12 Dec
村上春樹
也許世界上大多數的人都不想追求什麼自由。只是以為自己在追求而已。
一切只是幻想。
如果真的給你自由時，大多數人反而會傷透腦筋。
你不妨記住。人們其實是喜歡不自由的。
7 Dec
天使與撒旦 都在我耳邊討論不停
我的價值觀 不斷被摟曲
30 Nov
今天崇拜 牧師說了一個比喻
小獅子自少由一驢媽媽養大 經常跟他們走來走去
因為他自以為自己是一隻驢仔
後來一隻大獅子經過 想弄一隻驢來吃 驢羣當然四散
自以為是驢子的小獅子亦跟著驢羣四散
大獅子就覺得奇怪 大叫說 你是一隻獅子呀
牧師說這個故事的目的
是要告訴我們 有時別人會提醒我們 當中可能會造成傷害
可是 假如驢子聽得懂獅子(或驢子)的語言 應該會覺悟了自己的身份
又或者說這個故事跟本的假設已經有問題 (應該說這故事不可能是真的)
有問題的假設 是否適用於說道當中?
這樣子 我覺得好像有點誤導成份
28 Nov
今天在火車上 有兩個中學女生一前一後的在我身旁(以我專業的角度 她們應該是中三)
她們的樣子都屬於乖乖型
其中一個(學生A)跟男朋友在一起 到某站後 她男友離開了
她就拿出一本漫畫來
另一個(學生B) 一直在途中都拿著一本英文書在看著
那時我在想 可能由出生開始(或所經歷的成長環境) 某程度上 我們的性格已經分別了
那些將來會是有目標 有理想的成功人仕
那些會成為一些普通市民
當然呢個係小齒輪與大齒輪的故事
大家都係社會上的一部份 才組成一個整體
27 Nov
當我走到火車站，見到列車正經過車站，在想，不是這麼 "黑"吧
怎麼會差幾秒才趕得到
後來發覺原來列車正在埋站
而在這件事上，我再一次發覺我是悲觀的人
16 Nov
今日又無返教會 原因係唔知醒? 係看球賽? 還是已經開始對此沒感覺
祢要我將一些東西交出來 可是我真的做不到
就像被賊人打劫 發覺銀包裡沒有錢
難道你還想在我身上留一刀?
還是 你想我逃跑
12 Nov
為什麼 好像老是沒人認為我是認真的 真的很失望
11 Nov
今天在City食Tea，見到一個鬼佬(應該是說是外國人會比較有禮) 金色頭髮果d呢
佢食义鵝飯呀...係义鵝飯喎...
好想和他(和那碟义鵝飯)影一張相
7 Nov
很想跟妳講聲生日快樂 祝妳學業進步
4 Nov
我24了...會很老嗎
20 July
前幾天發生了香港開埠以來最嚴動的交通意外
一個母親為了保護她的女兒 在意外發生時、自己昏迷之前把女兒抱入懷中
女兒奇蹟地兩天後出院
中國某地方下著豪雨 那處大水浸 從電視中看到有一個人被洪水沖走
幸好那裡有一些樹給他抓住
然後有兩人駕一小船 冒著被洪水沖走的危機前往救他
雖然現今社會中人們唯利是圖 但危難當前
我們也會顯現愛的一面
22 June
今日在街上 遇到三個講國語的人
令我想起我在旅行時認識的兩個內地朋友
這三個人問我借錢打電話回家鄉
當時我在想 這應該是騙人吧 可是假如他們真的有困難 那事件可大可小
於是我借了四十元給他們 某部份原因是因為我的兩個內地朋友給我親切的感覺
他們堅持留下了我的電話 說他們的爸爸明天會找我還錢
雖然我也知道他們還錢給我的機會很微 但多少我也對這個世界有一點的盼望
事後我有一點後悔 因為一天後我知道了那盼望是白費了
幫人竟幫出了後悔來 我問 神 究竟這是怎麼的一個世界
你的話叫我用愛心幫人 可是郤換來傷害 也許別人會笑我傻
可是求你叫我的心平靜下來 求你持守我幫助別人的心 因為
我怕我再沒有這樣的心
11 June
在垃圾筒見到一隻蒼蠅飛來飛去
禁不住開口問他 真的好吃嗎?
31 May
不知何時 開始喜歡喝暖開水
感覺很Warm
28 May
"飲可樂" = "不成熟" ??
我們知道可樂是不健康飲料 可是有時為了口腹之慾
會暫將之拋諸腦後
試問我們連自己的身體也不珍惜 不注重 將來又怎來照顧另一半
11 May
今天我學懂了一個道理 就是機會來到就要全心全意去把握
否則過後怨自己亦無補於事
機會是一瞬即逝的
8 May
我覺得"男性花心"是天性 (這和女性重感情是相對的)
試在心裡計一計
假如男生不花心 他們就不會約會女生 算他們將這頻率減半
又假如女生不重感情而重事業的話 算她們答應男生約會的機會又減半
這樣的話 人類的數目應該遠比現在少而且有消失的可能
所以我覺得這是 神為了配合萬物而造的定律(當然這只是我的想法)
男性"花心"沒問題 問題是他開始了一段感情後是否還要"花"
6 Apr
今日番崇拜 有一個新的感受
想起以前學生時代 功課、考試、Presentation都帶給我壓力
可是必定有過去的一天
所以
就算現在的日子怎麼難過 只要勇敢地活下去
這一天總會過去 當你回頭再看
你已經成長了
10 Mar
其實每個人都知道怎樣去創造一個美好的生活
可是我們卻背道而馳 為什麼會這樣呢
7 Mar
「所謂文明，就是一種傳達，他說。如果有什麼不能表達的話，就好像不存在一樣......如果失去可以表現、傳達的東西，文明便結束。0卡嚓......OFF。」
4 Mar
明星甲際遇不好 生活有點難過
拍拖多年的女朋友離開了 後來跟別人(一個環境比較好的)結婚
我們去旅行 也會選擇一些環境較好的酒店
兩者，有沒有分別
2 Mar
不知是否喝得太多 深夜之中突然要上洗手間
錄影機正在幫我錄球賽
見到它在這深夜之中默默的為我工作
忽然感到十分抱歉
27 Feb
收音機傳來一首我很喜歡的歌 歌詞是這樣
「我只想 身體健康
要活到過百歲不需拐杖都可跟妳相擁
不忍妳忙碌的照料我 受了這種切苦之痛」
26 Feb
今天剪手指甲 記得上一次剪的時候是去旅行的前一天
相隔是三星期的時間
這樣一計 原來剪十五次指甲就會過了一年時間
25 Feb
今天在聽一張新的CD -- Love Together
從小就很喜歡 "Together" 這個英文字
因為是走左一起的意思 而且可以看成 "To Get Her"
1 Feb
新年到了 又係番大陸既時候
不過今年特別D 我會去埋旅行 目的地係上海、蘇州杭州
同埋之前去唔到既哈爾濱
我會係十六號番 到時再見
29 Jan
「沒有預約的時間 沒有共你私人去吃飯 但你讓我心泛灠 驅走失意空間 」
26 Jan
"我想可以像我的朋友一樣唱靈歌"
聲音說 "來試一試吧"
"怎樣做?"
"想著 神，然後唱吧"
"我不行哦"
"為什麼不行"
"我有罪...我不知道..."
"我是愛你的"
"但我...可能不十分愛你"
"我知道 我仍是愛你的"
"那我試一試吧"
21 Jan
我在想 為什麼我會寫這樣的日記呢 為了什麼目的? 為了什麼人?
有些時候我會覺得好像是為了某些人而寫
在這個世界上難道真會有那麼一小撮對我感興趣的人嗎? (是你呀 仲望!!!)
如果有的話，那他又是怎麼樣的人?
想到這裡我的腦袋便會混亂起來
12 Jan
「離我所坐的地方稍稍有一段距離，一對年輕情侶緊緊抱著正在接吻。非常長，非常認真的吻。有意無意地看著這樣的接吻，不知不覺之間開始感覺好像我自己在接吻似的。長得令人開始擔心會不會窒息的長吻。以各種角度，各種激情，各種姿勢，他們繼續接吻。就像剪接手法俐落的學術性紀錄影片一樣，他們以沒有多餘的動作，一面改變著姿勢一面熱情地展開各種接吻的變化姿勢。他們幸福嗎?我忽然想到。如果幸福的話，需要向人要求那麼多親吻的幸福，到底具有什麼樣的形式和特質呢?」
1 Jan
在新的一年裡 我竟然見到一條價值 HK$1750 既頸巾
你見過未???
29 Dec
我很喜歡看足球比賽 不單是它的過程 其實從中也可以看到一些人生道理
例如甲隊和乙隊比賽 當尾段的時間甲隊領先兩、三球
很多時候 乙隊會放棄
於是大家便等待完場的來臨
小部份既球隊會積極面對 試圖反敗為勝
可能奇蹟發生的機會不大 但這奇蹟的發生卻是令人期待和振奮
正如你追女仔 和做人也一樣
20 Dec
今日係一間銀行門口 見到一隻流浪狗
牠企圖進入這間銀行裡面 可是卻又怕了那個護衛員
當時我在想 牠也許知道人們在裡面 是為了一些事情
可是當然牠不會明白我們在做什麼
(因為目前為止我還未看見一些流浪狗排隊提款或作投資之類既活動)
其實人和動物在智慧上的確有很大的差別 在生活條件上我們可以看到
我們應該感謝 神的
可是這卻換來很多生活上既煩憂
Nov 21
D人成日話要男女平等
如果男女真係平等 D女仔仲邊會咁幸福
Oct 3
係台灣既最後一日 發生左一件最難忘既事
當時我地五個人 諗住搭的士去機場 (台北的士只能坐四個人)
咁M小組跟阿Ken 而Y同S小組就跟我
上左車 我用好純正的國話講左 "我們要到機場"
好景不常 原來台北有兩個機場
一個是中正機場(去台灣本土地方) 而我們要去的正是另一個(桃園國際機場)
可能是我的國語太好了 那司機以為我是台灣人 所以去了中正機場
當我們三個下了車 等了一會 發覺有點不對路 因為我們不見另一輛車的人
時間一分一秒地過去 而距離上機的時間亦越來越近
我嘗試到機場裡面找 發覺裡面全是去高雄等台灣的地方
於是我走到一詢問處 向那年青的女職員說"請問妳 我想到香港 是從這機場去的嗎?"
她有禮的告訴我"你要到的是桃園機場" 還耐心而詳盡的告訴我該從那裡去
我還問了她時間的問題 於是我便決定乘搭巴士去 最後我們都準時到達目的地
我問了其中一個和我乘車的女孩(S小姐) "妳當時害怕時?"
她答道"不害怕" 我都有點安慰
我想是因為我帶她去多了一個景點 哈
Sept 30
第三日我地去左市林夜市(伍佰D歌都唱過呢...有無聽過?)
果到好多野賣又好多野食
當我地去到夜市既中間
見到一位老伯 佢唔收錢幫人剪影(用一張黑色紙兩分鐘剪底妳既則面)
佢只係接受人們的物料贊助 仲叫人千祈唔好比多過50蚊(即係大約港圓十元)
也許你會覺得這是他的技倆 但你真係可以唔比錢佢佢都唔會話你
他站在那裡一整天 只為了將他的藝術貢獻出來 我覺得真係好值得我地學習
而呢件事 更加令我要實現我的"離島士多夢"
Sept 29
由於上一期出左街既真人真事反應極好
我今日再講第二日(Sept 19)我係台北所發生既好事
話說當天我地既行程係台北大學
我同阿Ken正當離開之時
一輛輕型貨車向我們快速駛過來
當時我們不知所措
說時慢那時快
一個女孩騎著單車在那輕型貨車前"打橫"殺過來企圖擋著它
幸好 那輛輕型貨車也及時停下來
真的十分危險 現在想起手汗也出晒黎
Well......Again啦!!! 謎底又係一個字
(PS. 上一期答案: 師)
Sept 28
今天想講番一個我係台北發生既"每日一好事"
這絕對是真人真事
有相為証的
話說去到台北既第一日(18 Sept)
行左好耐 有點累
到左傍晚 咁我同阿Ken(另一個男仔)去左一間Coffee Shop食Tea
A餐: 咖啡一杯、牛排包一客
B餐: 咖啡一杯、多士一件、布甸一杯
咁我同阿Ken就叫左一個A同一個B餐
但最後我地竟然飲到四杯咖啡喎
點解呢? 謎底係一個字
(Tips. 服務員全為年輕女性)
Sept 22
岩岩去完旅行番 昨晚才落機
今次去左台北四日(Sept 18-21) 係自由行
台北比我既感覺係好好治安
人們的公民意識好強 好肯幫人
亦都唔會騙人(特別在遊客區)
果度好多七仔 同埋棉羊仔 真係多到妳唔信
仲有好多日本靚女Tim(去之前記得學番幾句日文先好去)
今次去台北 令我諗番起我既退休計劃
我好希望將來老左 可以同我老婆係離島開間士多做遊客生意
賣一些價廉物美既食物
香港既旅遊業 妳我都有份麻 哈哈
(PS. 感謝 神保守我們一路上的平安)
Sept 8
好耐無寫日記了 因為每天也在找工作
找得有點麻木了
亦好唔開心 因為始終搵唔到
每時每刻都問自己 "為什麼會這樣???是否什麼出了問題???"
日子也真的很難過
然後今天有兩個學生
她們送了一份禮物給我
還有一張咭 是一張鼓勵既咭
是因為她們知道我唔開心
然後我好開心
原來在這幾個月裡
我忘記了希望成為老師的理由
也許這是 神還未為我安排工作的原因
原來不知不覺間
我真的變得驕傲了
這一刻
她們提醒我 再一次的提醒我
很感謝她們
也感謝 神讓我遇到我的學生
Aug 1
這是珠珠的話
「我相信太陽，即使它今天不照耀；
我相信愛，即使此刻我感受不到；
我相信神，即使祂沉默不語。」
July 27
Once upon a time (忽然想起這句子 我想這是每個香港人小學都學過的)
我們的神 創造大地
亦依著祂的模樣造了阿當和夏娃
在想
假如他們一個是用右手一個是左手
那現代人用手的比例大約應該是50%
而如果他們兩個都是右手的 (因今天大部份人也是用右手)
那麼左手的人(gene)又是從那裡來??? (難道蛇蛇是左手的???可是它沒有手哦!!!)
July 26
行雷天 在床上看書 腳依著牆邊
突然背後一閃 雷聲一嚮 腳邊不停傳來震動
腦裡即時想 難度是港版 "台灣大地震"
(生命真很脆弱 神啊!!!小弟還未結婚呢)
July 25
朋友問我 "什麼是愛情"
我想一想
說: 「這是我的定義
第一眼的是好感
接觸多了是喜歡
了解後才算是愛」
July 24
今日睇左"黑鷹十五小時" 我鐘意睇有關打仗的西片
雖然每次睇完都覺得兩班人射黎射去唔知做乜
不過我鐘意睇既原因係因為可以感覺生存既意義同價值
而我不太喜歡外國的愛情片
可能因為大家文化唔同...睇唔明
July 18
今日怒寄左五封求職信
今日和媽媽Shopping 笑料百出 好開心
July 14
牧師A風趣的講道
說: "我為一個教友的親友禱告 求主醫治他的病
可是過了兩天這個病人竟然死了..."
這時全場的人笑起來
這是一個笑話 還是一個悲傷的故事??
July 8
有時我會為自己的前路感到害怕
在想
出世時 我們一無所有
去世時 我們也一無所有
那我們要去的 不是要感受生活的甜、酸、苦和辣
這樣才有意義 (但好難做到哦...哈)
July 7
要是你的面前是一個愛的懸崖
你會跳下去嗎?
July 5
朋友A愛上一個女孩 女孩不愛他 卻愛令一個人
朋友A自覺有一點恨這個女孩
朋友B愛上一個女孩 女孩不愛他 卻愛令一個人
朋友B繼續愛她、關心她 還祝福她和他
世間上如果有兩種愛
那愛的反面是"恨" ，還是"愛'?
July 4
今天在街上經過 不難發現迎面而來的人 都是"口黑面黑"
不知何時開始 香港人變成這樣了
July 2
好鐘意麥當努既一個廣告
兩個男孩子食薯條 見到一個靚女
食客甲吃著薯條一邊數、一邊說 : 鐘意我...唔鐘意我...
然後幻想...怎樣和這女孩子結婚
在最美好的時間食客乙叫醒他說 : 她不喜歡你唷!!!
July 1
今日睇左陳果既"去年煙花特別多"
但係就錯過左一年一度既回歸煙花匯演
June 30
世界盃終於完左 無波睇 唔知點
June 28
每寄一封求職信出去 對自己的信心就少一點
對我黎講 寄信搵學校既感學已經改變左
呢個只係責任既問題 我只盼望九月一日的來臨
June 17
經過一排既低潮期 我又再站起來了
好希望 神會繼續係我身邊 支持我
June 7
希望聽日中國隊打場好波啦
June 4
中國隊 加油呀
June 1
今日踢波整親舊患 希望快D好番啦
May 18
要是沒有渡過浪費、無聊的生活
我們如何學懂充實
May 12
我愛媽媽 因為媽媽愛我
媽媽愛我 卻沒有原因
May 7
我的心好亂 是前所未有的亂
該怎麼辦
May 5
阿仙奴 2:0 得到足總盃
看著它的球員多麼開心 很團結
要我是他們其中一員 必會是多麼的高興
我愛上這球隊了
May 4
好似有D唔開心咁 自己都唔知點解
聽著 一句歌詞說: 我試著把痛苦淡化成不快樂
雖我的說不上是痛苦 但也覺說得好!!!
May 3
今日終於番埋最後一日 同D同學仔去打機唱K
有D唔捨得 可能又去到人生既另一段旅程
April 26
今日又去跑步
April 25
從外國的電影中見到一對外國人親吻，會覺得他們好溫馨、好恩愛
從香港的電影中見到一對情人親吻，會覺得有點色情
這是文化的差別，還是市場的需要???
April 21
一場火警發生，災場中有三個外國人，一是工程師，一是數學人，而另一個係物理學家，他們都看見同一滅火筒，但卻有著不同的想法。
工程師見到滅火筒，說: Let me use it to put out the fire!!!
數學人見到滅火筒，說: It is the solution of putting of the fire.
物理學家見到滅火筒，在想: How this fire extinguisher works to put out the fire???
April 17
如果這個世界只有"一"的話，那樣會有"二"的存在嗎???
如果妳說 神一定愛妳，那樣 神會不會不愛妳 這樣說神的愛存在嗎???
April 13
究竟有無一個方法可以消除人既所謂唔開心
我諗係可以聽下麥兜D歌
April 3
以下是一則...(故事來自一位醫生)
蘇家三父子參加英語口試，主考是死對頭王安石。
王安石問：「What are your names ？ 」
蘇軾先答：「I am So Sick. (蘇軾)」
王安石心想：「既然病了，放你一馬吧！」
蘇轍接回答：「I am So Cheap. （ 蘇 轍 ） 」
王安石又想：「你倒謙虛，自認低級庸給你及格。」
最後蘇洵：「 I am Susan. （蘇洵 ）」 王安石自言自語：「原來你女扮男裝。罪犯欺君，但考慮到坦白從寬，過關！」
2001
16 Oct
今日收到兩張新0既信用咭 打開銀包一數 原來有成八張咁多 仲有幾張提款咭TIM 覺得好驚
14 Oct
士可殺 不可辱 好!
士可殺 也可辱 更好!
11 Oct
今日諗住番夜校...咁咪著番"四"'正D 點知係MTR Station比人Check證
比人打破不敗身 可惡!!!
10 Oct
今日番夜校 個副校長比番一張相我
係我中一0既時候 參加左唔記得係講故事定係朗誦比賽 英到爆
好懷念哦
7 Oct
中國 1:0 阿曼 (FT)
中國足球衝出亞洲!!!恭喜恭喜!!!
18 Sept
一 句 珠 珠 的 話
我 相 信 太 陽 ， 即 使 它 今 天 不 照 耀 ；
我 相 信 愛 ， 即 使 此 刻 我 感 受 不 到 ；
我 相 信 神 ， 即 使 祂 沉 默 不 語 。
12 Sept
Such a terrible world...I saw someone jump from the world trade...80/F...
I can't imagine if i were there...and wondering whether God will still love people or not...because human is so terrible...it is unbelievable...
5 Sept
這幾天在做那些教學的題目 而明天就開始教肓文憑的Course了
很期待
3 Sept
終於等到了開學的第一日...是我教夜校的第一日...好緊張呢!
28 Aug
今日去剪頭髮...剪完之後個人問我 乜間學校比你用Gel咩...原來我仲係中學生樣...對於我要做一個出色教師有一個打擊...
17 Aug
每天沖涼都要感恩...因為我們有好乾淨0既水用...仲要係用之不盡...
可是有時沖涼會覺得自己有點浪費...
18 Aug
今日和一隊業餘足球隊踢了一場友誼賽...有一個助攻...
5 Aug
我媽經常叫我食生果...雖然感到很囉唆...但想一想...這是愛我的表現...我當然不會時常叫她吃...這證明了她愛我比我愛她多...真是不孝!
28 July
今天去交資料的回程時...見到一個超可愛...超型仔的小男孩...兩隻眼大大的...周圍望...看著他...在想...他正在想什麼呢??
25 July
每次搞親部電腦...都必定搞出事...今次亦不例外...不知是否前世和電腦有一個大仇...(註:我是一個基督徙)
幾經辛苦...終於搞點...決定見好就收...以後都唔搞佢...一來不想再為自己添麻煩...二來亦不想麻煩朋友...
22 July
我自小沒有擔量去試過山車...有一次和朋友去海洋公園...為了面子也要硬著頭皮坐上去...原來不是想像中的那麼可怕...
人必需要放開懷抱...離開安全帶...然後把懼怕擊倒...才能突破自己...
17 July
我的朋友A君鐘意左B女...可是他們並不太了解對方...我當然告訴朋友A現在還不是時候...這是一個非常理性而又正確的處理方法...因為主角不是我...我當然可以做到...
13 July
遇上不快樂事情發生...過後就忘記它算了...不要再去想...令妳快樂的事情應經常回憶...說出來與人分享...能令人快樂的事天天都發生...問題是你要懂得欣賞，從生活中的點滴中享受生命，體會人生的快樂...
12 July
前天收到一個壞消息...一位我以前中學的老師意外地過世了...頓時覺得生命的脆弱...死亡好似是一件很遠的事...可是它又可以是那麼的近...沒有預備...也沒有警告......
也許哀傷的故事令人傷感掉淚...但淚水卻教人好好珍生命...不要吝嗇自己的愛和多關心身邊的人...不著待失去後才追悔...
4 June
若我在失戀的時候不再哭...以後我便不會害怕失戀了...
30 May
一個是是否高大...不是要看他的身材和高度...
有些人，為了生活，可以放下尊嚴，無論怎樣卑微的工作也肯幹，試問世間上還有什麼問題可以難到他。這些人，我覺得他的背影好高大，整個門框也可以填滿。
28 May
這世界壓力太大了...人與人之間極易衝突...懂得心平氣和...體諒別人的感受...不必要的爭端也就能避免...
18 May
考試的最後一天到了...有一點病...頭暈暈的...不知道是否最後一科...壓力好像是想把我擊倒一樣...忽然有一個念頭...我會不會考完試之後有什麼不測...那我之前做的豈不是全部白費...
16 May
大學的考試...是代表著什麼呢...我被知識的權威包圍著...
小孩子未被知識所淩駕...有創意...知識越多...規範越多...創意就無聲無息的溜走了...最後就變成了一個"我"...