喂喂...已經轉左喇!!!...唔該請繼續支持啦...唔該晒^^"

更新日誌: 19/07/2002 超仔:)各位好...首先講聲對唔住...半年無update了...真係有d唔慣...做網頁既手腳都慢了...由frontpage轉為dreamweaver...update上真係好唔慣...我會努力上手...我會遲d張整個網改頭換面...希望大家俾d意見...但依家會update住先...不過要等三日左右...因為要等D圖...我會再度努力...好感動大家支持...^^ 10/01/2002 超仔:)好耐無見...又係新譜update....而結他教學方面...仍然係無心機同時間寫....真係估唔到今年讀哩科係咁多功課同咁多野學...所以係個網頁度既時間就少左...真係唔好意思....如果大家有時間...就繼續支持啦...唔該 18/12/2001 超仔:)再有兩首新歌update...雖然都係好容易旳...希望可以幫到d初學者....如果有睇到我推介既結他書"新琴點揍"...你會發現...我係跟住個本書既教學進度而入個兩首譜.....我會繼續跟住本書既進度而更新結他譜的.....希望每位都有個本書....方便學習....加油啦!!!^^ 17/12/2001 超仔:)終於update喇....仍然係一首大歌咁大把....唔好意思呀...^^"....有留開言既朋友都知我已經唔係日日覆喇...可知道我好忙呀....係度介紹本好書俾大家啦...書名係"新琴點撥"...真係好正架....價錢又唔係太貴...九十幾蚊就有交易...不過唔係度度都有得買呀...係大書局搵下啦....我唔記得個friend係邊度買喇...我會繼續忙....網頁會不定時更新呀.....謝謝(國語音)... 6/11/2001 超仔:)我咁耐無update係咪以為我死左呢.....sorry...ar....返學確實忙....連練結他既時間都少左好多呀.....十分抱歉....今次update既係千嬅既熱血青年呀...但個譜唔準架....因為d chord既伴奏係我自己入架咋....都好難跟到原曲呀....不過都好過無啦....仲有呀...個網頁 依家會經驗常塞車架....所以要上多幾次先可以入到黎...我會盡快改善喇......今次就係咁多喇^^ 26/10/2001 超仔:)嘩....都好耐無update過喇...不過今次都無帶d乜野上黎...sorry...ar...希望大家記住網址已經正式轉左喇...唔該晒...不便之處敬請原諒...^^" 11/10/2001 超仔:)大家好呀......經過成個月既苦戰.......終於好似搞返掂部腦喇......不過我都未必可以再經常update架喇.....因為要返學喇......功課都學始多喇.....又要返part-time....不過都就黎唔做喇......但係留言盡量每日都會覆.....希望大家原諒啦......我都會繼續努力keep住個網頁架喇.....加油呀.....^^ 14/9/2001 超仔:)又新歌喇...不過舊址已廢...請到新址啦...新歌會繼續...^^ 9/9/2001 超仔:)又updata了喇...今次係修改了練功室既資料...大家睇下啦...有音叉既調音方法...仲有guitar pro裝返喇...正 4/9/2001 超仔:)updata了... 1/9/2001 超仔:(好黑...好煩...guitar pro無左...錢又無...留言版都要收錢...個寬頻"short"慢過56k...做野有唔開心...都要繼續做...金句"手停口停"...千其唔好黑到...人都死埋...哈哈... 31/8/2001 超仔:)死喇...報應呀...真係唔明點解有人裝唔到guitarpro....所以洗左自己個個....裝個新既...誰知....裝唔返...又係開唔到呀...唔知點算好...唯有搵個demo版頂住先...demo版功能有限...入唔到全首歌...又print唔到...煩呀...無心機...低死... 23/8/2001 超仔:)updata了...結他自學徑喇...睇唔明同埋有乜要改善就快d留言俾我喇...thx a lot... 20/8/2001 超仔:)一首麻麻既新譜...其實有無有會睇哩個網頁嫁...新開張既"結他自學徑"好似無乜回響咁...失敗...我估大家都為左d譜姐...o下...繼續啦...chiu!! 19/8/2001 超仔:)終於再updata喇...大家可以係結他練功室度搵到新既指示...慢慢睇啦...不過得好小野咋...再等下添...ok? 13/8/2001 超仔:)大家仍然要等下...時間真係唔夠用...因為我要花多點時間係練結他度呀...我希望真係有d進步再updata個Learning...但決定會再updata譜...不過唔會updata得好密...其實真係獨力難支...希望各位有心既網友真係支持下...有乜結他料就send俾我...個網頁係大家嫁...無你地佢就再無意義咁繼續落去...唔該....!!! 11/8/2001 超仔:)基礎原來係咁難...對於可以彈到一首歌(e.g.別來無羔)既我...每日都要彈返d基礎練習...不等學習一d難以觸摸既樂理...仲要自學...練錯都無人話...真係好悶...但又真係幾有用...唔知自己可以捱幾耐...有時睇到唔明...真係好鬼死"文"...手指同手捥都好痛...自己都唔知而家練得岩唔岩...所以updata網頁我估都要有排...不過我得閒就會構思下個新練習內容...希望大家俾d意見啦...有心學好結他...就要練好基礎...大家努力呀...我會盡快了解同明白更多結他知識...再同大家一齊分享...原諒我無updata網頁...加油!!! 9/8/2001 超仔:.我真係好耐無updata個網喇...其他網友都會對我好失望...不過真係有原因嫁...一黎返工真係好忙...一日試過返十四個鐘...其次係我覺得upload左d譜上網都好似無乜用...幫唔到大家...因為d譜都幾深嫁...又d初學者連譜都唔識睇添...所以新譜暫時會停止更新... 但我會努力改革learning果part...而家我不停睇有關學結他既書...有新都有舊...但我真係需要d時間去處理...因為要等我吸收左...再用更簡單既方式表達係個網上...用既時間會俾入一首譜多出十倍以上... 希望大家暫時等下添啦...千其唔好浪費時間...應該要用更多更多既時間去打好基礎...努力吧!!! 1/8/2001 超仔:)Sorry...大家...自己...我都唔知講乜好喇...原來維持一個網頁係咁辛苦...其實所有野都係藉口...跟本就係我懶...我貪玩...可能我都唔知自己做緊乜...點解我做乜都係咁...做乜都咁易放棄...過份...我都唔知幾時先再見到大家...sorry 28/7/2001 超仔:)ok...better man...加埋melody果然好d...今日無乜野想講...近排有d唔知自己想點...怪...煩...唔講喇..bb 27/7/2001 超仔:)本來今日唔打算upload新譜嫁喇...不過唔係累到死都唔想咁做...so...better man囉...不過都唔係咁滿意首歌...一黎難...兩黎唔好聽...怪...有係個句啦...入埋melody可能會好d啦...好開心聽到個消息...就係有位女仔朋友...走去學打鼓...又怪...真係無聽佢講過...希望佢俾心機啦...加油!!!^,^ 26/7/2001 超仔:)今日將首歌加入左melody...效果當然唔差啦...係度我想將鈮首歌送俾近日唔係好開心既朋友仔...希望佢快d搵到一份岩心水既工...快d忘記d唔開心既野...加油呀... 25/7/2001 超仔:)嘩...終於到一萬人喇...係度要多謝大家咁多日黎既支持...無你地成日上黎...我都唔會有咁大力量經常updata個網頁...雖然用左我好多時間...但真係值得...有賺添...希望我將來會仍然保持妮種動力...多謝...thx... 25/7/2001 超仔:)今日有劉若翻唱"後來"日本原曲...就係個伴奏音樂都好好聽呀...遲d入埋個melody會仲正...我估要等多日啦...雖然打緊風...但係聽日都仍然要返工...今日無乜野想多講...就係咁多啦...bb 24/7/2001 超仔:)唔...終於又有首英文歌喇...我估大家都應該係好耐之前聽過...仲有好多人都好鍾意這首歌...書展真係唔係好掂...真係有d後悔去左...我連一樣野都買唔到呀...都好似無心機行咁...太多人喇...而且d書係書局都有得買... 諗住去都係睇下有無d特別d既攤位...結果咪無驚喜囉...仲有我係一個人自己去...點解?...free d呀...同埋我唔想煩到其他人...有時一個人都唔錯呀...^,^ 23/7/2001 超仔:)星期六好乖...十點就訓左...可能係太累呀...夜訓又要早起身...所以無upadata個網頁...希望大家原諒...知道左考試成績真係有d失望...雖然付出既努力唔可以話好大...但真係努力過...成績已定...都係努力現狀...我仲有更多機會俾我再努力...好似搞好個網...同埋學好d結他...仍然搵唔到一d岩初學都既練習譜...其實我自己都無能力教到大家d乜野...我仲係比大家識多小小小小既初學者...不過大家要繼續努力...我當然都會喇...^,^ 21/7/2001 超仔:)加再melody真係好左d喎...聽落順耳d...我想暫時唔入住d咁深既譜住...我想入下d for練習用既...簡單d好似實用d...因為都要顧及下d初學者呀...如果大家都係初學者...而又有一d結他問題...可以係留言板度發問呀...希望可以做到互相幫助呀..ok 20/7/2001 超仔:)個肚好痛呀...唔知係咪食錯野...而家仲痛緊呀...痛住黎入譜真係好辛苦...吉吉首歌入完再聽返...都係覺得唔係咁好聽...等我聽日入埋個melody...希望會好d啦...唔知大家去左書展未呢?...我都好想去呀...但好窮兼無時間...我都有好多書想買...唯有等係書局買啦.... 19/7/2001 超仔:)首eyes on me入得好辛苦呀...每晚放工返黎真係好開心呀...因為又可以對返音樂...無計為左學結他...一定要返工...加油!!! 18/7/2001 超仔:)追加黑色幽默既melody版...正... 18/7/2001 超仔:)今次係超正既周杰倫既黑色幽默呀...仲有呀...有d人話download唔到d結他譜呀...如果大家都有咁既情況就一定要通知我呀...我會直接send俾大家呀...ok? 17/7/2001 超仔:)追加星晴-有melody版.... 16/7/2001 超仔:)朋友推介好歌(好天氣)...正...不過大家都可能有喇^,^ 16/7/2001 超仔:)又有人send左d譜俾我喇...今次要多謝呀kay既提供呀...thx...希望大家都可以支持啦... 14/7/2001 超仔:)我可能聽日會唔得閒寫新歌...不過都希望大家上黎睇睇有無新料啦...!!!^,^ 13/7/2001 超仔:)又有一首新譜喇!!!...寫得都幾辛苦呀...眼都花埋...唔知聽日有乜歌呢?希望繼續支持^,^ 12/7/2001 超仔:)大家期待嗎?...sorry呀...我肯定令大家好失望喇...-__-...但為左大家...我負資產都買左兩本結他書...仲寫作guitar pro....希望大家原諒...really sorry..!!!我會每日盡量寫一首guitar pro...希望大家仍舊支持我地個結他網...我會努力嫁喇...!!! 4/7/2001 超仔:)我都好耐無用心咁updata個網喇...今次都係由一些網友提供既料...我自己既料就無喇...真係對唔住大家...心情怪...希望大家睇睇琵琶的豆芽菜舖...這個係一個非常好的結他網呀...係我地既結他大世界既好網推介到....有佢個新連結呀! 2/7/2001 超仔:)好開心又有d結他既愛好者再send譜黎俾我地喇...今次係粟米仔...唔該晒...希望其他熱愛結他既朋友...都可以將自己既結他心得或其他既資料send俾我呀!希望大家繼續支持^,^ 29/6/2001 超仔:唔好意思呀大家...我近排忙左d呀...so我今次upload左d又一位網友呀蚓提供既x-japan譜...希望大家繼續支持^,^ 26/6/2001 超仔:嘩!!!勁開心呀...其實個web site已經整兩個 月嫁喇...終於能夠面世...仲有大家既支持...我會 為大家同音樂而努力...再俾心機整好個網頁... 多謝大家支持...^,^ 21/6/2001 超仔:嘩!!!正^,^...終於upload d野上黎喇...好我要繼續努力... 7/6/2001 今日upload左一首Love Generation的插曲(true true), 請到右邊網主作品下載~ Thx ^_^ 31/5/2001 今次將主頁大變身, 希望大家會鍾意啦, 仲有upload左一首結他譜 21/5/2001 小遠: 練左首歌, 歡迎download試聽, 不過要到留言版留低評語, 我唔會介意的~ Thx ^_^ (練得好辛苦呀). Neo: 我地放學去左唱K, 好鬼好玩 . ^.^ 16/5/2001 小遠: 終於將全部圖執好了, 歡迎參觀 ~_~(好眼訓呀~~~) 15/5/2001 小遠: upload左個網, 但有D圖link唔到~ 12/5/2001 Neo: 好慘呀! 為左個網頁,攪到成日無停手又無訓過! 11/5/2001 Neo: 我好想打爆部電腦,鬼叫佢唔聽話,成日壞機,累到我無得訓!~

新譜上載 : 你要的愛-載佩妮(女歌手) (請到結他譜下載區download) 網主作品: true true You (請右按選另存目標)