7月14日

<燒烤夜行>

噚日去完燒烤同夜行ｌｕ∼超正呀∼！！下晝三點幾就開始上山，行左唔夠十份一，已經累到抽筋，個個坐晒ｏ係條山路到，唔想再行，成條隊拋離愈黎愈遠，愈黎愈鬆散，行上行落都見倒我地Ｄ人，上幾個鐘頭山已經搞到每人飲左幾樽水，條路又窄，差錯少少又好危險，所以真係好正呀，前所未有咁累呀∼由三點半行到六點，終於到喇，ｏ個下極正呀，ｋａｋａｋａ！

跟住坐ｏ係到休息下，就可以透爐燒野食喇，望住太陽落山，成座山變到仲黃過紅綠燈隻黃呀，真係好靚丫！成日落下面條河到玩水，爽！燒野食ｏ個餐就係晚餐架喇，點知一Ｄ都唔飽，食完又好似冇食過咁，都係食自己帶黎Ｄ野好，ｏ個時電話全部收唔倒，想打都唔得，場面真係愈黎愈恐怖架！天又黑晒，咩都睇唔倒，企ｏ係面前個人係邊個都睇唔倒，咩都靠晒支電筒架咋！

八點鐘倒，ｏ係勁黑ｏ既場面之下，仲又整熄Ｄ火，收拾晒所有野，成個草地都有牛糞，個個都驚中招啦∼之後分開三組排隊，準備遂個遂個落山，老師要我地熄晒ｄ電筒，一路行一路要報數，行行下，ｏ係咁黑ｏ既場面之下，我分唔清邊到有石邊到有洞，終於成為左第一個趺低喇∼ｋａｋａ！行左差唔多半個鐘，三組集齊晒，準備開始喇∼點知．．．勁唔好彩咁我係第二個落山，估唔到咁快到我，天黑晒，條山路最多得ｏ個一尺半寬，周圍都係草樹，一個人都冇，間中有Ｄ樹聲，幝聲，令人毛孔豎起晒！好快，我就開始落山喇，行左十米倒，已經見唔倒上面Ｄ人，周圍得返我一個，周圍黑漆漆，得個月亮ｏ係上面陪我，驚到我丫，行行下，見倒第一個出發ｏ個個，原來佢行錯左條分差路，咁我地一齊行，行到有第一個老師ｏ係到ｏ個時，就要等佢走左我先繼續行，又再次得返我一個，咁我就打電話俾媽咪，傾下計冇咁驚驚，唔夠三分鐘，我都收左線ｌｕ∼

自己一個行到樓梯ｏ個時，都唔知ｏ個Ｄ係樓梯，又趺多兩次∼半個鐘倒就落左山ｌｕ∼

唉∼恐怖，ｏ係下面做左個訪問就坐低休息ｌｕ∼今日總共飲左四樽水ｙａ∼

不過返到黎又病一場ｌｕ∼次次旅行完返黎都病一場∼噓！但係玩得咁爽都值啦！