8月11日-
「喂喂~薰~聽日就是你的生日了~~想要些什麼？」秋菜諗住買禮物送給薰。
「umm…」薰好努力咁諗。
「不過不要太貴啊~你也知道我大部份既金錢都奉獻哂畀山下智久架啦~~」秋菜打斷薰的思緒。
「知道了~知道了~你心中就只有他！」薰沒氣地說。「等我諗到再話你知啦~」
「係~係~但你唔講我都估到既~哈哈~」秋菜嘲笑薰。
「知你又問？無聊呀你~」薰開始扮氣憤了。
「哈哈~問你只是個形式擺了~不用太介意啦！唔好嬲~~下次唔敢~就假~」秋菜急忙道歉，然後又說，「這年的生日你一定會有驚喜的！」
「驚喜？什麼驚喜？算吧~我趕時間，要先走了~聽日見啦~Bye~」薰急急腳走了。
「喂~走得咁快去邊？」秋菜追著薰問。
「秘~密~唔話你知。Bye」薰又走了。
「好好好~~ByeBye~~每次去親果個地方都咁講~唉…你以為我唔知你去邊咩？BAKA！」秋菜邊走邊說，還開始發智久癲了…「baka…baka…智久也是baka哦~~~哈~~」
嘩啦嘩啦…
「攪錯！一出校門就落雨…好彩我有帶傘~」薰站在學校門口自言自語地說，「登登登登！是我最喜歡的the
dog傘呀~~！正唔正？」然後就立即去她所謂秘密的地方，因為佢畀其他人歧視緊…
終於到達了~~原來所謂秘密既地方係…西餅店…而且仲係買佢自己最鍾意食既櫻桃餡餅…
「咦？又係你？」賣西餅的姐姐又看到薰來幫襯了。「今日咁大雨都黎？」
「哈~是呀~~這裡的櫻桃餡餅很好吃嘛！我吃上隱了~~風雨不改~~」薰笑著說，然後買了三個櫻桃餡餅就同賣西餅姐姐道別了。「明天我還會再來的」說完便離開了。
在經過商場門口往乘車的地方回家時，一名正在掃水的小子把台上的一攤水一掃~~竟然掃中了薰！可憐的薰被他弄到全身濕哂…(註：這情況要自己想像~)
「唔好意思~~對唔住呀！唔小心整到你濕哂添…你冇事丫嘛小姐？」小子看見自己弄到薰濕哂，急忘道歉。「嗱！用住先啦！」然後將一條手巾遞給薰。
薰既怒火直上頭頂了，因為她剛買的櫻桃餡餅已經濕到不似餡餅了…
「唔小心？你呢個笨蛋！你點做野架？你老板請你返黎做咩架？整濕路人嗎？你攪到我濕哂唔緊要！但我d餡餅冇哂喇！你賠番畀我呀！」薰一邊罵，一邊搶去他遞來的手巾。「仲有！咁細條手巾點夠抹？你有冇常識架？」
「真係對唔住！我而家即刻買返d餡餅畀你！」小子看到薰有咁大火藥味，只好這樣說了。
「等等！」薰把那小子叫停了。「你…好熟面口…我在哪兒見過你？」
「沒有沒有！我地素未謀面，你認錯人了…」小子好像在掩飾著什麼似的。
突然…
「啊~~~~~~我知道了~~~~你是赤西仁！」薰大叫，更引起了途人既注意。
小子見況，就一手扯著薰的手，然後離開人群，因為他害怕被人發現了他的身份，到時一定會引起哄動。
己到達人少的地方了。「嘩~~你要帶我去邊？」薰扯開小子的手。
「唔好意思哩！頭先太多人了，所以要搵地方避一避。」說完後就拿下他那遮了半邊面的帽子說道，「冇錯！我就是赤西仁！」
「果然係你~~你臭名遠播，所以我認得你！你再加埋山下智久同龜梨和也係係人都憎既無聊三人組！」薰的怒火又來了。「你為什麼要做這些工呀？你係junior喎~應該賺唔少錢的！唔驚畀人發現咩？」
「因為…因為…是有原因的啦~」仁吞吞吐吐地說。
「你耳朵有問題嗎？就是問你是什麼原因！」薰給仁氣壞了。
「就是…就是…不要說我了…你今晚得唔得閒？我想賠番d餡餅畀你。」仁將話題轉了，免得越問越尷尬。
「賠餡餅畀我？而家賠唔得咩？點解要今晚？」薰懷疑著仁唔知有咩企圖。「而且本小姐很忙的哦~很多人等著約我的！」
「沒什麼企圖的，只是我現在冇咁多錢在身擺了。」仁急忙解釋，不過不是真的啦，怎會有人連買三個餡餅既錢都冇。「我只要三分鐘就好了。不…一分鐘都可以的！」
「哈~我講笑的啦~好！我就畀三分鐘你！」薰指著仁說。
「好的！那麼十一時五十五分，我在山下公園的噴水池等你！一定要來哦~」仁邊說邊戴回帽子，然後回到他工作崗位。
仁走後，薰自言自語地說，「真是奇怪…竟然會撞到赤西仁…而且佢仲…約我添…」然後又看看剛才的手巾說，「多拉A夢？pi鍾意架喎~~唔通係pi既？係既話送畀秋菜都好~佢一定發哂癲！哈~」
「啊~~~~我既the
dog傘呀~~~」薰醒起剛剛還未拿傘就給仁拉走了~於是就跑回剛才的地方拿回傘後就回家了。
「喂！死”仁”頭！我的手巾在哪兒？快還我！」一名男子走向仁之後就打左仁既頭一下。
「啊…剛才…」仁想起那手巾已給了薰。
「剛才？」男子驚奇地問。
「冇野冇野~~~唔好意思哩~~遲d還你啦pi~唔好嬲~」仁向那男子道歉了，原來係pi。
「係至好講！那可是我最歡喜的多拉A夢哩！而且是我第600號fans送畀我的~~好貴重架！千祈咪整唔見！買唔番的！」pi說完便走了，剩下仁一個。
到了晚上 -
仁座在噴水池旁，身邊有個盒，盒中的是還給薰的櫻桃餡餅，心裡想著：唔知佢會唔會黎呢？求下你一定要黎呀！
到了11:55p.m.了~仲有五分鐘就到薰的生日。果然！薰來了！她走向仁那兒。
「喂！我到了！快還我餡餅！」薰一到就說。
「不用這麼急嘛~還餡餅不需要一分鐘！你說過會給我三分鐘的！」仁害怕薰拿完批就即刻走，然後又說，「我有d野想同你講！」
「好！我就畀你三分鐘！你即管講你想講既野！」因為之前答應過仁，薰只好這樣說了。
「其實…其實…其實我一早已經有留意你了！你都見到我做兼職架啦~果份兼職我做左好耐了。而你又經常去果間西餅店買櫻桃餡餅，所以我特別對你有深刻既印象！每次你經過時我都好想同你講野架~但…次次都冇機會…」仁竟然向薰說這些說話。
「你…」薰聽到後驚訝得無話可說了，但突然間好像醒起什麼似的，又說，「啊~~咁即係話…你故意向我掃果攤水的！」
「e…你聽我講埋先~~我知！雖然我係junior！雖然我個名臭哂！但果d都唔係真正既我！」仁繼續說。
「那又如何？同我講呢d做咩？你想點？」薰開始顯得不耐煩了，她不想繼續聽下去。
「我…我…」仁又開始吞吞吐吐了。「我想你當我女朋友！」終於都講出黎了。
「不行！」薰好決絕咁回答，而且仲答得好快添！然後又講，「做junior既女朋友好慘的！見面又難！見到面又唔得光明正大！唔見面又掛住掛住咁！最重要係我會有好多情敵！況且我冇喜歡過你！」
「e…我知咁樣會好難受…但…」仁話未說完，薰就走開了，於是便上前追她。他聽到薰最後果句說話，hurt得很啦！但都要追的！
正當仁追上前之際，薰轉頭說，「不過，要是當好朋友的話就沒有問題！」
仁聽到後展出笑容了，然後拿著那盒櫻桃餡餅走向薰，再大叫：「冇問題！遲早你會愛上我的！剛好十二點了~~祝你生日快樂！」
「下？你怎會知道我今天生日的？」薰驚訝地問。
「因為係pi既第600號fans話畀我知既！」仁好似暗示著一些薰不明白的東西。
「第600號fans？即係邊個？」薰追問。
「唔知哩！」仁當然不可以說是薰的好朋友-即是秋菜啦！原來秋菜一早已認識他們了。
「喂~~~講我知呀~~~~」薰的聲音漸漸在黑暗中消失了。
Tomoko的話：終於都完成了！兩日先作完~~差唔多啦~~
我就係由掃水果度諗到成篇故仔出黎~
不過呢篇野我真係一路作一路笑…尤其係第600號fans…
我作d野就係咁既程度~~幾強差人意~
希望ICE你鍾意裡面既赤西仁啦~~雖然同「佢」有好大分別~哈哈~
Happy Birthday哩~~
