萬字夾 占 今日工作運

星期一,各位白領一族放o左一至兩日假之後,今日又要一早起身返工喇,面對繁重o既

工作,有時都幾頭痛,大家不妨花小小時間,用自己寫字台上o既萬字夾盒,占卜一下今日

o既工作順唔順利,可能會幫你趨吉避凶.

方法:

(1) 萬字夾盒頂部o既開口位,通常都會有磁力黐住幾個萬字夾,首先你要將

   所有萬字夾整番晒落去等開口位唔再黐住任何萬字夾.

(2)將萬字夾盒倒轉一次,讓開口位黐到萬字夾.

(3)數一數開口位黐住幾多個萬字夾,然後對照以下結果

結果:

1個萬字夾

今日o既工作運比較差,容易頭頭碰黑,提議你要保持心平氣和,不要因心情差而和同事發

生衝突.

2個萬字夾

今日早上會有較多阻滯,但千萬不要氣餒,如果沉得住氣默默工作,下午o既運氣就會明顯

好轉.

3個萬字夾

今日可謂無風無浪,無咩明顯不愉快o既事,亦無特別開心o既事,可謂無驚無險又到五點,放

工去SHOPPING啦.

4 個萬字夾

今日o既工作運頗佳,除o左自己做野得心應手之外,同事亦都主動幫助你,令你可以開開心心

度過一個工作天.

5 個萬字夾或以上

今日工作運極佳,就算平時覺得困難o既工作,今日都可以順利完成,不妨在上司面前表現一下

自己啦.